യുവാക്കളോട് ഒബാമയുടെ മൂന്ന് ചോദ്യങ്ങള്
മുംബൈ: മുംബൈയിലെ സെന്റ് സേവിയേഴ്സ് കോളജ് വിദ്യാര്ത്ഥികളുമായി സംവദിയ്ക്കവേ ഒബാമ മൂന്ന് ചോദ്യങ്ങള് മുന്നോട്ട് വയ്ക്കുകയായിരുന്നു. യുവാക്കളോടുള്ള മൂന്ന് ചോദ്യങ്ങള്.
അടുത്ത 20 വര്ഷത്തിനുള്ളില് ഇന്ത്യ ഏത് രീതിയിലായി തീരണം?, അടുത്ത 20 വര്ഷം കൊണ്ട് അമേരിയ്ക്കയുമായി ഏതുതരത്തിലുള്ള സൗഹൃദമാണ് ഇന്ത്യ ഉണ്ടാക്കണമെന്ന് നിങ്ങള് കരുതുന്നത്? ലോകത്തെ കൂടുതല് മികച്ചതാക്കാന് നിങ്ങള് എന്താണ് ചെയ്യാന് ആഗ്രഹിയ്ക്കുന്നത്. ഇത് നിങ്ങളുടെ നൂറ്റാണ്ടാണ്. യുവാക്കളോടുള്ള ഈ ചോദ്യങ്ങള്ക്ക് ശേഷമായിരുന്നു ഒബാമ അവരുടെ ചോദ്യങ്ങള് നേരിട്ടത്.
നവംബര് ഏഴ് ഞായറാഴ്ച രാവിലെയാണ് ഒബാമ മുംബൈയിലെ സെന്റ് സേവിയേഴ്സ് കോളജ് വിദ്യാര്ത്ഥികളുമായി ആശയ വിനിമയം നടത്തിയത്.
ഇന്ത്യ വികസിയ്ക്കുന്ന രാജ്യമല്ല വികസിച്ച് കഴിഞ്ഞ രാജ്യമായാണ് തങ്ങള് കരുതുന്നതെന്നായിരുന്നു യുഎസ് പ്രസിഡണ്ടിന്റെ അഭിപ്രായം.
രാവിലെ 11.45 നാണ് ഒബാമമാര് കോളജില് എത്തിയത്.
കുട്ടികളുമായി സംവദിയ്ക്കുന്നതിന് മുമ്പ് ഒബാമ വീഡിയൊ കോണ്ഫറന്സിംഗ് സംവിധാനം വഴി അജ്മീരിലെ കര്ഷകരുമായി സംസാരിച്ചു. കോണ്ഗ്രസ് നേതാവും ടെലകോം വകുപ്പ് സഹ മന്ത്രിയുമായ സച്ചിന് പൈലറ്റായിരുന്നു കര്ഷകരുടെ ഭാഗത്ത് നിന്ന് വിവരങ്ങള് ഒബാമയെ ധരിപ്പിയ്ക്കാന് സഹായിച്ചത്.