വൈദികന്റെ കിടപ്പറ ദൃശ്യം പുറത്തായി

തിരുവനന്തപുരം: കത്തോലിക്കാ സഭയുടെ പ്രമുഖ വൈദികന്റെ കിടപ്പറ രംഗങ്ങള്‍ പുറത്തായി. സഭയുടെ കീഴിലെ പ്രമുഖ സ്ഥാനത്തിന്റെ മേധാവിയായി പ്രവര്‍ത്തിക്കുന്ന വൈദികന്‍ അപവാദത്തില്‍പ്പെട്ടത് അനേകം പ്രശ്‌നങ്ങളെ അഭിമുഖീകരിക്കുന്ന കത്തോലിക്കാ സഭയ്ക്ക് പുതിയ പ്രശ്‌നമായിരിക്കുകയാണ്.

തലസ്ഥാനത്തെ ഒരു പ്രമുഖ റിസോര്‍ട്ടിലെ മുറിയില്‍ നിന്നും ചിത്രീകരിച്ച രംഗങ്ങളാണ് വീഡിയോയില്‍ ഉള്ളത്. സിഡിയില്‍ വൈദികനൊപ്പം മുറിയിലുള്ളത് കന്യാസ്ത്രീയാണെന്നാണ് സുചന.

മറ്റു സ്ത്രീകളും വൈദികനൊപ്പം ഹോട്ടലില്‍ എത്തിയിരുന്നുവെന്ന് റിപ്പോര്‍ട്ടുകളുണ്ട്. റിസോര്‍ട്ടുകാര്‍ തന്നെയാണ് വൈദികനെ നാണം കെടുത്താന്‍ മുറിയില്‍ ഒളിക്യാമറവച്ച് രംഗങ്ങള്‍ പകര്‍ത്തിയതെന്നാണ് സൂചന.

അതല്ല വൈദികന്‍ മേധാവിയായ സ്ഥാപനത്തിലെ ചില എതിരാളികള്‍ പകതീര്‍ക്കാന്‍ വേണ്ടി കെണിയൊരുക്കിയാണെന്നും വാദമുണ്ട്. സ്റ്റെഡി ക്യാമറയില്‍ പകര്‍ത്തിയ രംഗങ്ങള്‍ പതിനൊന്ന് മിനിറ്റോളം ദൈര്‍ഘ്യമുള്ളതാണ്.

അശ്ലീലരംഗങ്ങള്‍ പുറത്താവാതിരിക്കാനും പ്രശ്‌നം ഒതുക്കാനുമായി കേരള പൊലീസിലെ ഒരു ഉന്നത ഉദ്യോഗസ്ഥന്‍ വൈദികനില്‍ നിന്നും പത്തുലക്ഷം രൂപ കൈക്കൂലി വാങ്ങിയതായും ആരോപണമുയര്‍ന്നിട്ടുണ്ട്.

എന്തായാലും വരും ദിവസങ്ങളില്‍ കത്തോലിക്കാ സഭയ്ക്ക് കീറാമുട്ടിയാകാന്‍ സാധ്യതയുള്ള പ്രശ്‌നം കേരള പൊലീസിലും കോളിളക്കമുണ്ടാക്കുമെന്ന് ഏതാണ്ട് ഉറപ്പായിക്കഴിഞ്ഞു.