പള്ളിച്ചുവരിലെ ചിത്രം ശാസ്ത്രീയ തെളിവ്
പള്ളിയുടെ ചുവരില് വില്ലേന്തിയ മൃഗശരീരമുള്ള ആള്രൂപത്തിലുള്ള ധനുരാശിയുടെ ചിത്രമാണുണ്ടായിരുന്നത്. ഈ നക്ഷത്ര സമൂഹത്തിന്റെ വാലറ്റത്താണ് വ്യാളിയെ വരച്ചുവെച്ചത്. 1604ല് സൂപ്പര്നോവ സ്ഫോടനമുണ്ടായത് ഇതേ ദിശയിലാണ്.
പതിനാറാം നൂറ്റാണ്ടിന്റെ ആദ്യദശകത്തിലുണ്ടായ സ്ഫോടനം കശ്മീരില് വ്യക്തമായി കാണാന് സാധിച്ചിരുന്നുവെന്നാണ് ചിത്രത്തിലൂടെ വ്യക്തമാകുന്നതെന്നും കശ്മീര് സര്വകലാശാലയിലെ പുരാവസ്തു ഗവേഷകനായ ഐജാസ് ബാന്തെ പറയുന്നു.
മദനിപ്പള്ളി പണിതത് 1604ലെ സൂപ്പര്നോവ സ്ഫോടനം നടക്കുന്നതിന് 150 വര്ഷം മുമ്പാണ്. മുഗള് രാജാക്കന്മാര് പിന്നീട് ഇതു മോടിപിടിപ്പിച്ചത് ഈ സുപ്പര്നോവയുടെ കാലത്താണ്. രാജകുമാരനായിരിക്കെ ഷാജഹാന് ചക്രവര്ത്തിക്കായിരുന്നു പള്ളിയുടെ മേല്നോട്ടം. അന്ന് വരച്ച ചിത്രം കാലപ്പഴക്കത്താല് നഷ്ടമായി. പുരാരേഖകളില്നിന്നുള്ള വിവരമനുസരിച്ച് പുനഃസൃഷ്ടിച്ച ചുവര്ചിത്രം കശ്മീര് സര്വകലാശാലയിലുണ്ട്. അതാണ് ഗവേഷകര് പഠനത്തിന് ഉപയോഗിച്ചത്.
ഹോമി ഭാഭാ സെന്റര് ഫോര് സയന്സ് എഡ്യുക്കേഷനിലെയും ടാറ്റാ ഇന്സ്റ്റിറ്റിയൂട്ട് ഓഫ് ഫണ്ടമെന്റല് റിസര്ച്ചിലെയും കശ്മീര് സര്വകലാശാലയിലെയും ഗവേഷകര് നടത്തിയ പഠനത്തിന്റെ വിവരം ജര്മനിയില് നിന്നുള്ള ജേണല് ഓഫ് ആസ്ട്രോണമിക്കല് നോട്ട്സ് ആണ് പ്രസിദ്ധീകരിച്ചത്.
മുന്പേജില്
Click it and Unblock the Notifications
Sign in with Google