വധശിക്ഷ റദ്ദാക്കണമെന്നാവശ്യപ്പെട്ട് കസബിന്റെഹര്ജി
ഫെബ്രവരി 21നാണ് പ്രത്യേക കോടതി വിധിച്ച കസബിന്റെ വധശിക്ഷ മുംബൈ ഹൈക്കോടതി ശരിവെച്ചു കൊണ്ട് വിധി പ്രസ്താവിച്ചത്. പ്രത്യേക കോടതി വിധി വന്ന് ഒന്പതുമാസത്തിനുശേഷമാണ് ഹൈക്കോടതി അതു ശരിവെച്ചത്. അപൂര്വങ്ങളില് അപൂര്വമായ കേസാണിതെന്ന് ജസ്റ്റിസുമാരായ രഞ്ജനാദേശായി, ആര്.വി. മോറെ എന്നിവരടങ്ങിയ ഡിവിഷന് ബഞ്ച് ചൂണ്ടിക്കാട്ടിയിരുന്നു.
പ്രത്യേക കോടതിയുടെ നിരീക്ഷണങ്ങളെല്ലാം ശരിയാണെന്നും വധശിക്ഷ മാറ്റേണ്ടതില്ലെന്നും ബഞ്ച് വ്യക്തമാക്കി. കസബിനൊപ്പം പ്രതിപ്പട്ടികയിലുണ്ടായിരുന്ന ഇന്ത്യന് കൂട്ടാളികളായ സബാബുദ്ദീന് അഹമ്മദ്, ഫാഹിം അന്സാരി എന്നിവരെ വിചാരണക്കോടതി വെറുതെ വിട്ടതും ഹൈക്കോടതി ശരിവെച്ചിരുന്നു.
2010 മെയ് മൂന്നിനാണ് പ്രത്യേക കോടതി ജഡ്ജി എം.എല്. തഹ്ലിയാനി കസബിന് വധശിക്ഷ വിധിച്ചത്. ഇതിനെതിരെ കസബും വധശിക്ഷ ശരിവെക്കണമെന്ന് ആവശ്യപ്പെട്ട് മഹാരാഷ്ട്ര സര്ക്കാറും സമര്പ്പിച്ച ഹര്ജികളിലാണ് ഹൈക്കോടതി പിന്നീട് വിധി പറഞ്ഞത്.