കോമണ്വെല്ത്ത്: ഷീല ദീക്ഷിത്തും പ്രതിക്കൂട്ടില്
തുടക്കം മുതല് തന്നെ കോമണ്വെല്ത്ത് ഗെയിംസ് അഴിമതിയിലാണ്ടു പോയിരുന്നുവെന്ന് സിഎജി റിപ്പോര്ട്ടില് വ്യക്തമാക്കുന്നു. കല്മാഡിയ്ക്ക് സംഘാടക സമിതി അദ്ധ്യക്ഷനാകാന് വേണ്ടിയായിരുന്നു ഗെയിംസ് ദില്ലിയിലേയ്ക്ക് കൊണ്ടുവരാന് പുതിയ അപേക്ഷ നല്കിയത്.
മതിയായ യോഗ്യതയില്ലാത്തതിനാല് ഒഴിവാക്കപ്പെട്ട കമ്പനിയ്ക്ക് ഷീല ദീക്ഷിത് നേരിട്ട് ഇടപെട്ട് കരാര് നല്കി. ഇതു മൂലം സര്ക്കാര് ഖജനാവിന് കോടികള് നഷ്ടമുണ്ടായി. കായിക മന്ത്രിയായിരുന്ന സുനില് ദത്തിന്റെ അവഗണനയെ മറികടന്ന് പ്രധാനമന്ത്രിയുടെ ഓഫീസിന്റെ പ്രത്യേക ശുപാര്ശ പ്രകാരമാണ് കല്മാഡിയെ അദ്ധ്യക്ഷനാക്കിയതെന്നും വെള്ളിയാഴ്ച പാര്ലമെന്റില് വച്ച സിഎജി റിപ്പോര്ട്ടില് പറയുന്നു.
ആരോപണമുയര്ന്നതിന്റെ പശ്ചാത്തലത്തില് ഷീല ദീക്ഷിത് മന്ത്രിസഭയുടെ അടിയന്തര യോഗം വിളിച്ചു ചേര്ത്തു. ഏതു തരത്തിലുള്ള അന്വേഷണവും നേരിടാന് താന് തയ്യാറാണെന്ന് അവര് അറിയിച്ചു. അതേസമയം ഷീല ദീക്ഷിത് രാജിവയ്ക്കണമെന്ന് ബിജെപി ആവശ്യപ്പെട്ടു.
Click it and Unblock the Notifications
Sign in with Google