ഹസാരെയുടെ പന്തലില് കുടിയന്മാരുടെ വിളയാട്ടം
എന്നാല് ഹസാരെയുടെ ഉപവാസ പന്തലിനെ അല്പനേരത്തെയ്ക്കെങ്കിലും ആശങ്കയുടെ മുള്മുനയില് നിര്ത്താന് മറ്റൊരു കൂട്ടര്ക്കു കഴിഞ്ഞു. മറ്റാരുമല്ല, 30 പേരടങ്ങുന്ന കുടിയന്മാരുടെ സംഘമാണ് ഞായറാഴ്ച അര്ദ്ധരാത്രി രാംലീല മൈതാനത്ത് അതിക്രമിച്ചു കയറി സമരപന്തലിനെ ആശങ്കയിലാക്കിയത്.
ഞായറാഴ്ച രാത്രി 12.30 ന് മദ്യപിച്ച് ലക്കുകെട്ട് രാംലീലയിലെത്തിയ ആളാണ് പ്രശ്നങ്ങള്ക്കു തുടക്കമിട്ടത്. സമരപന്തലില് കടന്ന ഇയാള് സ്ഥലത്തുണ്ടായിരുന്ന മാധ്യമപ്രവര്ത്തകര്കരേയും വോളണ്ടിയര്മാരേയും ചീത്തവിളിച്ചു. തുടര്ന്ന് പോലീസെത്തി ഇയാളെ പുറത്താക്കി.
എന്നാല് കൃത്യം 90 മിനിറ്റു കഴിഞ്ഞപ്പോള് 30 പേരടങ്ങുന്ന കുടിയന്മാരുടെ സംഘത്തേയും കൊണ്ട് ഇയാള് വീണ്ടും രാംലീലയിലെത്തി. വീണ്ടും മാധ്യമപ്രവര്ത്തകരെ ചീത്ത വിളിയ്ക്കാന് തുടങ്ങി. പന്തലിലുണ്ടായിരുന്ന സമരക്കാരെയും ഇവര് വെറുതെ വിട്ടില്ല. സമരപന്തലില് അഴിഞ്ഞാടിയ മദ്യപസംഘത്തില് നിന്ന് മാധ്യമപ്രവര്ത്തകരെ രക്ഷിക്കാന് പോലീസെത്തി വലയം തീര്ത്തു. തുടര്ന്ന് കുടിയന്മാരെ അന്ത്യശാസനം നല്കി പറഞ്ഞയക്കുകയും ചെയ്തു.
Click it and Unblock the Notifications
Sign in with Google