ഹിസാറില് കോണ്ഗ്രസ് തറപറ്റി
ഹരിയാണ മുന് മുഖ്യമന്ത്രി ഭജന്ലാല് അന്തരിച്ചതിനെത്തുടര്ന്നാണ് ഇവിടെ ഉപതിരഞ്ഞെടുപ്പ് നടന്നത്. ഭജന്ലാലിന്റെ മകന് കുല്ദീപ് ബിഷ്ണോയി ബിജെപി പിന്തുണയോടെയാണ് മത്സരിച്ചത്. കഴിഞ്ഞ ലോക്സഭാ തിരഞ്ഞെടുപ്പില് ഹിസാര് ഒഴികെയുള്ള എല്ലാ സീറ്റുകളിലും കോണ്ഗ്രസ് വിജയിച്ചിരുന്നു.
കോണ്ഗ്രസിനെ പരാജയപ്പെടുത്താനായി അണ്ണാ ഹസാരെ സംഘം രംഗത്തെത്തിയതോടെയാണ് ഉപതിരഞ്ഞെടുപ്പ് ദേശീയ ശ്രദ്ധ ആകര്ഷിച്ചത്. ജനലോക്പാലിനെ പിന്തുണയ്ക്കുമെന്ന് രേഖാമൂലം ഉറപ്പ് നല്കാത്തതില് പ്രതിഷേധിച്ചാണ് കോണ്ഗ്രസിനെ തോല്പ്പിക്കണമെന്ന് ഹസാരെ സംഘം ആഹ്വാനം ചെയ്തത്. എന്നാല് ആരെ ജയിപ്പിക്കണമെന്ന കാര്യം ഹസാരെ സംഘം വ്യക്തമാക്കിയിരുന്നില്ല. മണ്ഡലത്തിലെ പരാജയം ഹസാരെയുടെ വിജയമായി ചിത്രീകരിക്കപ്പെടുമെന്ന ഭയം ആദ്യം മുതല് തന്നെ കോണ്ഗ്രസ് നേതൃത്വത്തെ അലട്ടിയിരുന്നു.
Click it and Unblock the Notifications
Sign in with Google