• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

ഭൂചലനം: മുല്ലപ്പെരിയാറില്‍ പുതിയ വിള്ളലുകള്‍

  • By Ajith Babu

കുമളി: മുല്ലപ്പെരിയാര്‍ മേഖലയില്‍ വെള്ളിയാഴ്ച പുലര്‍ച്ചെയുണ്ടായ ഭൂചലനങ്ങളെത്തുടര്‍ന്ന് അണക്കെട്ടില്‍ പുതിയ വിള്ളലുകള്‍ രൂപപ്പെട്ടു. പതിനേഴാം ബ്ലോക്കിലും 17-18 ബ്ലോക്കുകള്‍ ചേരുന്നിടത്തുമാണ് പുതിയ വിള്ളലുകള്‍.

മേല്‍പ്പാലത്തില്‍ ഉള്‍പ്പെടെ മുന്‍പുണ്ടായിരുന്ന ചോര്‍ച്ചകള്‍ വര്‍ധിച്ചു. ഗ്യാലറിക്കു സമീപം ഉറവയും കണ്ടെത്തി. പതിനെട്ടാംബ്ലോക്കിലെ ചോര്‍ച്ചയും അണക്കെട്ടിന്റെ പിന്‍വശത്ത് ഇടതുഭാഗത്തായി മണ്ണില്‍നിന്ന് ഒഴുകിവരുന്ന ചോര്‍ച്ചയുമാണ് പ്രകടമായി വര്‍ധിച്ചിട്ടുള്ളത്. ഇറിഗേഷന്‍ വകുപ്പ് അധികൃതര്‍ നടത്തിയ പരിശോധനയിലാണു ചോര്‍ച്ച വര്‍ധിച്ചതായി കണ്ടെത്തിയത്.

ഇടുക്കി ജില്ലയിലും ജില്ലയോടു ചേര്‍ന്നുള്ള കോട്ടയം ജില്ലയുടെ കിഴക്കന്‍ മേഖലയിലുമാണ് ഇന്നലെ രാവിലെ 5.26നും 5.45നും ഭൂചലനമുണ്ടായത്. ഇവ റിക്റ്റര്‍ സ്‌കെയ്‌ലില്‍ യഥാക്രമം 2.8, 3.4 തീവ്രത രേഖപ്പെടുത്തി. വലിയ മുഴക്കത്തോടെയുള്ള ഭൂചലനത്തില്‍ പരിഭ്രാന്തരായി ജനം വീടുവിട്ട് പുറത്തേക്കോടിയിരുന്നു.

ഇടുക്കി ഡാമില്‍നിന്നു 12 കിലോമീറ്ററും മുല്ലപ്പെരിയാര്‍ ഡാമില്‍നിന്നു 32 കിലോമീറ്ററും മാറിയാണ് ഭൂകമ്പകേന്ദ്രം. ഇടുക്കിയില്‍ തുടരെ ഭൂചലനങ്ങളുണ്ടാകുന്നത് സംബന്ധിച്ചു പഠനം നടത്താന്‍ തിരുവനന്തപുരത്തുനിന്നു ഭൗമശാസ്ത്ര പഠനകേന്ദ്രത്തിലെ ശാസ്ത്രജ്ഞര്‍ ശനിയാഴ്ച ഇടുക്കിയിലെത്തുന്നുണ്ട്. ഇതിന് പുറമെ റവന്യൂ മന്ത്രി തിരുവഞ്ചൂര്‍ രാധാകൃഷ്ണനും ഞായറാഴ്ച മുല്ലപ്പെരിയാര്‍ സന്ദര്‍ശിയ്ക്കുമെന്ന് അറിയിച്ചിട്ടുണ്ട്.

ഒരു മാസത്തിനിടെ മുല്ലപ്പെരിയാര്‍ മേഖലയില്‍ ആറാം ഭൂചലനമാണിത്. തമിഴ്‌നാട്ടില്‍ മഴയുള്ളതിനാല്‍ അണക്കെട്ടില്‍ നിന്നു വെള്ളം കൊണ്ടുപോകുന്നതിന്റെ തോത് കുറച്ചിരിക്കുകയാണ്. ഇതും അണക്കെട്ടിന്റെ അടുത്ത പ്രദേശങ്ങളില്‍ ഭീതി വര്‍ധിപ്പിക്കുന്നു.

English summary
Small cracks appeared at least at three points in the 115-year-old Mullaperiyar dam in Kerala's Idukki district following two minor tremors that occurred early on Friday.
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more