9, 10 ക്ലാസുകള് ഇനി ഹയര് സെക്കന്ഡറിയില്
കേന്ദ്ര വിദ്യാഭ്യാസ നിയമപ്രകാരം അഞ്ചാം ക്ലാസ് എല്പിയിലും എട്ടാം ക്ലാസ് യുപിയിലും ഉള്പ്പെടുത്തേണ്ടതുണ്ട്. ഈ സാഹചര്യത്തില് ഒന്പത്, പത്ത് ക്ലാസുകള് മാത്രമായി നിലനിര്ത്താനാവില്ല. അതുകൊണ്ട് ഒന്പത്, പത്ത് ക്ലാസുകളും 11, 12 ക്ലാസുകളും ചേരുന്ന സെക്കന്ഡറി സംവിധാനം നടപ്പിലാക്കാനാണ് സര്ക്കാര് തീരുമാനിച്ചിരിക്കുന്നത്.
വിഎച്ച്എസി നിര്ത്തലാക്കുന്ന കാര്യം സര്ക്കാരിന്റെ പരിഗണനയിലാണെന്നും വിദ്യാഭ്യാസ മന്ത്രി അറിയിച്ചു. വൊക്കേഷണല് വിഷയങ്ങളെ ഹയര്സെക്കന്ഡറിയില് ഓപ്ഷണലാക്കും. എല്ലാ ഹയര് സെക്കന്ഡറി സ്കൂളുകളിലും വൊക്കേഷണല് വിഷയങ്ങള് പഠിക്കാനുള്ള സൗകര്യമൊരുക്കും.
വിദ്യാഭ്യാസ വകുപ്പിന്റെ പുതിയ തീരുമാനം അധ്യാപകരുടെ ഇടയില് പ്രതിഷേധത്തിനിടയാക്കിയിട്ടുണ്ട്. ഒന്പത് , പത്ത് ക്ലാസുകളെ ഹയര്സെക്കന്ററിയില് ചേര്ക്കുന്നതോടെ എസ്എസ്എല്സി പരീക്ഷയുടെ പ്രാധാന്യം നഷ്ടമാവുമെന്നും ഹൈസ്കൂള് വിദ്യാഭ്യാസം എന്ന സമ്പ്രദായം തന്നെ ഇതോടെ ഇല്ലാതാകുമെന്നും ഇവര് പറയുന്നു
Click it and Unblock the Notifications
Sign in with Google