മുല്ലപ്പെരിയാറില് തമിഴ്നാട് പൊലീസിനെ നിയോഗിക്കും
ഉന്നതാധികാരസമിതി റിപ്പോര്ട്ട് പുറത്തുവന്നിട്ടും കേരളം സ്വീകരിക്കുന്ന നിലപാട് പ്രതിഷേധാര്ഹമാണ്. അണക്കെട്ടിന്റെ പരിശോധനയ്ക്കായി നിര്മ്മിച്ച ബോര്ഹോളുകള് അടയ്ക്കുന്നത് കേരളം തടയുന്നു. മണ്സൂണിനു മുമ്പ് ബോര്ഹോളുകള് അടച്ചില്ലെങ്കില് അണക്കെട്ടിനു ബലക്ഷയമുണ്ടാകും.
ജലനിരപ്പ് 142 അടിയായി ഉയര്ത്തുന്നതു തടയാനായാണ് അണക്കെട്ട് ദുര്ബലമാണെന്ന് കേരളം പ്രചരിപ്പിക്കുന്നത്. ഉന്നതാധികാരസമിതിയുടെ നിര്ദേശങ്ങള് നടപ്പാക്കാന് കേരളം അനുവദിക്കുന്നില്ല. അണക്കെട്ടില് അറ്റകുറ്റപ്പണി നടത്താനുള്ള ശ്രമവും കേരള പൊലീസ് തടസ്സപ്പെടുത്തി.
മുല്ലപ്പെരിയാര് പ്രദേശം കേരളത്തില്നിന്നു പാട്ടത്തിനെടുത്ത നിലയ്ക്ക് അവിടെ അറ്റകുറ്റപ്പണികള് നടത്താന് തങ്ങള്ക്ക് അവകാശമുണ്ട്. മുല്ലപ്പെരിയാറില് കേന്ദ്രസേനയെ വിന്യസിക്കണമെന്നാവശ്യപ്പെട്ട് ഇതു രണ്ടാം തവണയാണ് ജയലളിത പ്രധാനമന്ത്രിയ്ക്ക് കത്തയക്കുന്നത്.
Click it and Unblock the Notifications
Sign in with Google