പിഞ്ചു കുഞ്ഞിനെ ഫേസ്ബുക്കിലൂടെ 8ലക്ഷത്തിന് വിറ്റു
ലുധിയാനയിലെ ഫിറോസ് ഖാന് എന്ന മുത്തശ്ശനാണ് ഒരു നഴ്സിന്റെ സഹായത്തോടെ ഈ കച്ചവടം നടത്തിയത്. ദില്ലിയിലെ ഒരു പ്രമുഖ ബിസിനസ്സുകാരനാണ് കുട്ടിയെ വാങ്ങിയത്. ഏപ്രില് പത്തിനാണ് വിവാദമായ ഈ കച്ചവടം നടന്നത്. മറ്റൊരു ആശുപത്രിയിലെ ജീവനക്കാരനും ഈ ഇടപാടില് പങ്കാളിയായിരുന്നു. കുട്ടിയെ കാണാതായതിനെ തുടര്ന്ന് മാതാവ് നൂറി പരാതി നല്കിയതിനെ തുടര്ന്നാണ് വിഷയം പുറംലോകമറിയുന്നത്.
കേസുമായി ബന്ധപ്പെട്ട് നാലുപേരെ പോലിസ് അറസ്റ്റ് ചെയ്തിട്ടുണ്ട്. അമിത് കുമാര് എന്ന ദില്ലി വ്യാപാരിയും കേസില് പ്രതിയാണ്. ദില്ലിയിലെത്തിയ പോലിസ് സംഘം അമിത്തിന്റെ വീട്ടില് റെയ്ഡ് നടത്തിയ അന്വേഷണസംഘം കുട്ടിയെ മാതാവിന്റെ സമീപമെത്തിച്ചു.
ആശുപത്രി ജീവനക്കാരനായ ഗുര്പ്രീത് സിങാണ് ഫോട്ടോ ഫേസ്ബുക്കില് അപ്ലോഡ് ചെയ്ത് ഡീല് ഉറപ്പിച്ചത്. നൂറിയെ ഭര്ത്താവ് ഉപേക്ഷിച്ചതാണ്. കുട്ടിയെ കൊടുത്താല് മകള്ക്ക് രണ്ടാമതും വിവാഹം കഴിച്ചുകൊടുക്കാമെന്ന ചിന്തയാണ് ഫിറോസ് ഖാനെ ഈ കച്ചവടത്തിനു പ്രേരിപ്പിച്ചത്.
Click it and Unblock the Notifications
Sign in with Google