വെങ്കയ്യയുടെ മകള്ക്ക് അശ്ലീല കോള്
മുപ്പത്തിയൊന്നുകാരനായ രമേഷ് കുമാര് എന്നയാളെയാണ് പൊലീസ് കമ്മീഷണര് എസ് ജോര്ജ്ജ് രൂപീകരിച്ച പ്രത്യേക സൈബര് ടീം പിടികൂടിയത്. ശനിയാഴ്ച പിടിയിലായ ഇയാളെ പുഴാല് ജയിലില് പാര്പ്പിച്ചിരിക്കുകയാണ്.
ചെന്നൈയിലെ കാശി തിയേറ്ററിന് സമീപത്ത് വിഷ്ണു മോട്ടോര്സ് എന്ന ഹീറോ ഹോണ്ട ഷോറൂം നടത്തിവരുകയാണ് ദീപ. എംടിസിയില് ചെക്കിങ് ഇന്സ്പെക്ടറായിരുന്ന ഒരാളുടെ മകനാണ് രമേഷെന്നും ഇയാള് ഒരു സ്വകാര്യ സ്ഥാപനത്തിലാണ് ജോലിചെയ്തിരുന്നതെന്നും പൊലീസ് പറയുന്നു.
നേരത്തേ കോളെജ് വിദ്യാര്ഥിനിയായ ജനനിയെ ഫോണില് ശല്യപ്പെടുത്തിയതുമായി ബന്ധപ്പെട്ട് ഇയാളെ ജയിലില് അടച്ചിരുന്നു. പിന്നീട് പുറത്തിറങ്ങിയ ഇയാളെ ജനനിയുടെ ബന്ധുക്കളും കൂട്ടുകാരും ഫോണില് വിളിച്ച് ഭീഷണിപ്പെടുത്തി. തുടര്ന്ന് ഇയാള് വെങ്കയ്യയുടെ മകളുടെ നമ്പര് കണ്ടെത്തി അതിലേയ്ക്ക് വിളിച്ച് അശ്ലീം പറയുകയും ഭീഷണിപ്പെടുത്തുകയുമായിരുന്നു. ജനനിയും ദീപയും ഒരേ സ്ഥാപനത്തിലാണ് ജോലിചെയ്യുന്നതെന്ന സംശയത്തിന്റെ പിന്ബലത്തിലായിരുന്നു ഇയാളുടെ ചെയ്തി.
സുവിത കൃഷ്ണന് എന്നൊരു സ്ത്രീയുടെ പേരില് രജിസ്റ്റര് ചെയ്തിരിക്കുന്ന സിം കാര്ഡ് ഉപയോഗിച്ചാണ് ഇയാള് ഫോണ് കോളുകള് നടത്തിയിരിക്കുന്നതെന്ന് പൊലീസ് കണ്ടെത്തി. സുവിതയെ കണ്ടെത്തി നടത്തിയ അന്വേഷണത്തിനൊടുവിലാണ് പൊലീസ് രമേഷിനെ പിടികൂടിയത്. ഒരുവര്ഷം മുമ്പാണത്രേ സുവിതയ്ക്ക് സിംകാര്ഡ് നഷ്ടമായത്. ഈ കാര്ഡാണ് രമേഷ് ഉപയോഗിച്ചിരുന്നത്. അംബട്ടൂരില് വച്ചാണ് പൊലീസ് ഇയാളെ പിടികൂടിയത്.