മുന് മന്ത്രി എസി ഷണ്മുഖദാസ് അന്തരിച്ചു
മൂന്ന് തവണ മന്ത്രിയും തുടര്ച്ചയായി 25 വര്ഷം എംംഎല്എയുമായിരുന്നു. 32 വര്ഷം ബാലുശ്ശേരി മണ്ഡലത്തെ നിയമസഭയില് പ്രതിനിധീകരിച്ചു. 1970 ലെ ഇടക്കാല തെരഞ്ഞെടുപ്പിലാണ് ആദ്യമായി ബാലുശ്ശേരിയില് നിന്ന് മത്സരിക്കുന്നത്. 2001 ലാണ് അവസാനമായി നിയമസഭയിലേക്ക് തെരഞ്ഞെടുക്കപ്പെട്ടത്. നായനാര് മന്ത്രിസഭയില് 1980 കളില് ജലസേചന മന്ത്രിയായും 87 ലും 96 ലും ആരോഗ്യമന്ത്രിയായും പ്രവര്ത്തിച്ചു.
ധര്മ്മടെ ചീനാന് സ്വദേശി കുഞ്ഞിരാമന്റെയും അണിയേരി വെങ്ങിലാട്ട് ശാരദാമ്മയുടേയും മകനായി 1939 ജനവരി അഞ്ചിനാണ് ജനനം. ഗോവ വിമോചന സമരത്തിലൂടെയാണ് രാഷ്ട്രീയ രംഗത്തെത്തിയത്. കെഎസ് യുവിന്റെയും യൂത്ത്കോണ്ഗ്രസിന്റെയും സംസ്ഥാന സെക്രട്ടറി ആയിരുന്നു.
വിദ്യാര്ഥി ജീവിതാകാലം മുതല് ജീവിതാന്ത്യം വരെയും പൊതുപ്രവര്ത്തന രംഗത്ത് പ്രവര്ത്തിച്ചു. 1969 ല് കോണ്ഗ്രസ് പിളര്ന്നപ്പോള് ഊണും ഉറക്കവുമില്ലാതെ പാര്ട്ടിയെ കരുപ്പിടിപ്പിക്കുന്നതിനായി ഇറങ്ങിത്തിരിച്ചു. ചെറുപ്പക്കാരെ രാഷ്ട്രീയത്തിലേക്കിറക്കി പുതിയ തലമുറയെ വാര്ത്തെടുത്തു. കേരളരാഷട്രീയത്തിലെ ആദര്ശ ധീരനും സത്യസന്ധനുമായ രാഷട്രീയ നേതാക്കളില് ഒരാളായിരുന്നു ഷണ്മുഖദാസ്. കോണ്ഗ്രസ് പ്രവര്ത്തകന് ലളിതമായ ജീവിതം നയിക്കണെമന്ന് അദ്ദേഹം ആഗ്രഹിച്ചു.
മൃതദേഹം രാവിലെ 11 മണിമുതല് ബാലുശ്ശേരി കമ്മ്യൂണിറ്റി ഹാളിലും ഉച്ച്ക്ക് രണ്ട് മുതല് 4.30 വരെ കോഴിക്കോട് ടൗണ്ഹാളിലും പൊതുദര്ശനത്തിന് വയ്ക്കും.
Click it and Unblock the Notifications
Sign in with Google