കുട്ടനാട്ടിൽ പ്രളയ ഭീതി; ആളുകളെ സുരക്ഷിത സ്ഥാനത്തേക്ക് മാറ്റും..ദുരിതാശ്വാസ ക്യാമ്പുകൾ സജ്ജം
ആലപ്പുഴ; കക്കി ഡാം തുറന്ന സാഹചര്യത്തിൽ അതീവ ജാഗ്രതയിൽ കുട്ടനാട്. ഡാമിൽ നിന്നുള്ള വെള്ളം കുട്ടനാട്ടിലും അപ്പർ കുട്ടനാട്ടിലുമാണ് ആദ്യം എത്തുക. ഈ സാഹചര്യത്തിൽ മേഖലകളിലെ ജനങ്ങളെ അടിയന്തരമായി ഒഴിപ്പിച്ച് സുരക്ഷിത കേന്ദ്രങ്ങളിലേക്ക് മാറ്റുന്നതിന് നടപടികള് ആരംഭിച്ചതായി റവന്യൂ മന്ത്രി കെ. രാജന് അറിയിച്ചു. ജില്ലയുടെ ചുമതലയുള്ള ഫിഷറീസ്-സാംസ്കാരിക വകുപ്പ് മന്ത്രി സജി ചെറിയാന്, കൃഷിമന്ത്രി പി. പ്രസാദ് എന്നിവരുടെ നേതൃത്വത്തില് കളക്ടറേറ്റില് ചേര്ന്ന യോഗത്തിലാണ് ഇതു സംബന്ധിച്ച് തീരുമാനമെടുത്തത്.
Recommended Video
ഒഴിപ്പിക്കല് നടപടികൾ വേഗത്തിൽ നടപ്പാക്കാനും മന്ത്രിതല അവലോകന യോഗത്തിൽ തിരുമാനം ആയിട്ടുമ്ട്. ജില്ലയില് നിലവില് ആശങ്കാജനമകമായ സാഹചര്യമില്ലെങ്കിലും കക്കി ഡാം തുറക്കുകയും പമ്പ ഡാമിന്റെ ഷട്ടറുകള് തുറക്കാന് സാധ്യതയുള്ളതിനാലും അതീവ ജാഗ്രത പുലര്ത്തേണ്ടതുണ്ട്. വെള്ളപ്പൊക്കം മൂലം ഒരു മനുഷ്യജീവന് പോലും പൊലിയാതിരിക്കുന്നതിനുള്ള മുന്നൊരുക്കങ്ങളാണ് ജില്ലയില് നടത്തിവരുന്നത്-മന്ത്രിമാര് പറഞ്ഞു.
അപകടസാധ്യതാ മേഖലകളിൽ നിന്ന് ആളുകളെ സുരക്ഷിത സ്ഥാനങ്ങളിലേക്ക് മാറ്റുന്നതിന് പഞ്ചായത്ത് പ്രസിഡന്റുമാരും ജനപ്രതിനിധികളും വില്ലേജ് ഓഫീസര്മാരും സജീവ ഇടപെടല് നടത്തണം. ജനങ്ങള് വീടുവിട്ടുപോകാന് തയ്യാറാകുന്നില്ലെങ്കില് ദുരന്തനിവാരണ നിയമപ്രകാരമുള്ള നടപടികള് സ്വീകരിക്കണം.ജില്ലയില് പോലീസും അഗ്നിരക്ഷാ സേനയും സര്വ്വസജ്ജമാണ്. എന്.ഡി.ആര്.എഫിന്റെ രണ്ടു സംഘങ്ങളുമുണ്ട്. മത്സ്യത്തൊഴിലാളികളുടെ 23 സംഘങ്ങള് നിലവില് സേവനസന്നദ്ധമാണ്. പരമാവധി മത്സ്യത്തൊഴിലാളികളുടെ സേവനം ലഭ്യമാക്കുന്നതിന് നടപടികള് സ്വീകരിച്ചിട്ടുണ്ട്.ദുരന്തനിവാരണവുമായി ബന്ധപ്പെട്ട് പ്രവര്ത്തിക്കുന്ന വകുപ്പുകളിലെ ഉദ്യോഗസ്ഥര് ഒക്ടോബര് 24 വരെ അവധിയെടുക്കാന് പാടില്ല.
നിലവില് സേവന മേഖലയ്ക്ക് പുറത്തുനിന്നെത്തി മടങ്ങുന്നവര് ഓഫീസിനു സമീപത്തുതന്നെ താമസിക്കണം.കോവിഡ് രോഗികളെയും ക്വാറന്റയിനില് കഴിയുന്നവരെയും കിടപ്പുരോഗികളെയും ഈ വിഭാഗങ്ങളില് പെടാത്ത പൊതുജനങ്ങളെയും പാര്പ്പിക്കുന്നതിനുള്ള ക്യാമ്പുകള് സജ്ജമാണെന്ന് ഉറപ്പാക്കണം. പഞ്ചായത്തുകളും വില്ലേജ് ഉദ്യോഗസ്ഥരും ജനപ്രതിനിധികളും രാഷ്ട്രീയ പാര്ട്ടി പ്രതിനിധികളും ചേര്ന്ന് ജനകീയ കൂട്ടായ്മയുടെ നേതൃത്വത്തില് ക്യാമ്പുകള് നടത്താന് ശ്രദ്ധിക്കണം.
ക്യാമ്പുകളിൽ കുടിവെള്ളം, ഭക്ഷണം, വൈദ്യുതി തുടങ്ങിയ അടിസ്ഥാന സൗകര്യങ്ങള് ഉറപ്പാക്കും. വസ്ത്രങ്ങള് ഉള്പ്പെടെയുള്ള അവശ്യ വസ്തുക്കളുടെ ലഭ്യത ഉറപ്പാക്കുന്നതിന് താത്കാലിക ശേഖരണ കേന്ദ്രങ്ങള് തുറക്കുന്നതിനുള്ള സാധ്യത പരശോധിക്കാനും മന്ത്രിമാര് നിര്ദേശിച്ചു. ക്യാമ്പുകളിലേക്കുള്ള ഭക്ഷ്യവസ്തുക്കള് മുന്കൂട്ടി ശേഖരിക്കുന്നതിന് തഹസില്ദാര്മാരെ ചുമതലപ്പെടുത്തി. ക്യാമ്പുകളുടെ പ്രധാന ചുമതലയില് റവന്യു ഉദ്യോഗസ്ഥരെ നിയോഗിക്കും. എല്ലാ ക്യാമ്പുളിലും ഒരു പോലിസ് ഉദ്യോഗസ്ഥന്റെയും അതത് മേഖലയിലെ ആശാ പ്രവർത്തകരുടേയും സേവനം ഉണ്ടായിരിക്കും.
സിമ്പിള് ആന്ഡ് ക്യൂട്ട്; മീര നന്ദന്റെ നാടന് ലുക്ക് ഏറ്റെടുത്ത് ആരാധകര്, വൈറല് ചിത്രങ്ങള് കാണാം
ദുരന്ത നിവാരണ പ്രവര്ത്തനങ്ങള്ക്കായി ജില്ലയില് എത്തുന്ന മത്സ്യത്തൊഴിലാളികള്ക്ക് താമസിക്കുന്നതിനുള്ള സൗകര്യവും ഭക്ഷണവും ഉറപ്പാക്കുന്നതിന് തദ്ദേശസ്ഥാപനങ്ങള്ക്ക് നിര്ദേശം നല്കിയിട്ടുണ്ടെന്നും മന്ത്രിമാർ അറിയിച്ചു.എം.പിമാരായ എ. എം ആരിഫ്, കൊടിക്കുന്നില് സുരേഷ്, എം.എല്.എ.മാരായ പി.പി. ചിത്തരഞ്ജന്, എച്ച്.സലാം, യു. പ്രതിഭ, എം. എസ് അരുണ്കുമാര്, ദലീമ ജോജോ, തോമസ്. കെ. തോമസ്, ജില്ലാ പഞ്ചായത്ത് പ്രസിഡന്റ് കെ. ജി. രാജേശ്വരി, ജില്ലാ പോലീസ് മേധാവി ജി. ജയദേവ്, ജില്ലാ വികസന കമ്മീഷണര് കെ. എസ്. അഞ്ജു, എ.ഡി.എം ജെ. മോബി, വിവിധ വകുപ്പുകളുടെ ജില്ലാ മേധാവികള്, പഞ്ചായത്ത് പ്രസിഡന്റുമാര് എന്നിവര് യോഗത്തില് പങ്കെടുത്തു.
അതേസമയം ബുധനാഴ്ച മഴ കനക്കുമെന്ന മുന്നറിയിപ്പിന്റെ പശ്ചാത്തലത്തിൽ ഇടുക്കി ചെറുതോണി ഡാമിന്റെ ഷട്ടറുകള് തുറന്നു. മൂന്ന് ഷട്ടറുകള് 35 സെന്റിമീറ്റര് വീതമാണ് ഉയര്ത്തിയത്. നിലവിൽ 2398.04 അടിയാണ് ജലനിരപ്പ്. വെള്ളം ഒഴുക്കുന്ന സ്ഥലത്ത് കർശന ജാഗ്രതാ നിർദ്ദേശം നൽകിയിട്ടുണ്ട്. കേരളത്തിലെ ഡാമുകൾ തുറക്കുന്നതിൽ ആശങ്കപെടേണ്ട സാഹചര്യം ഇല്ലെന്നും ജനം അതീവ ജാഗ്രത പുലർത്തണമെന്നും മന്ത്രി കെ രാജൻ പറഞ്ഞു.
Click it and Unblock the Notifications
Sign in with Google