Click it and Unblock the Notifications
Just In
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
നാടകാന്തം ആധാറിന് സംസ്ഥാന സര്‍ക്കാര്‍ അനുമതി
ബെംഗളൂരു: വര്‍ഷങ്ങള്‍ നീണ്ട ചര്‍ച്ചകള്‍ക്കും വിവാദങ്ങള്‍ക്കും ഒടുവില്‍ ആധാര്‍ സംസ്ഥാന സര്‍ക്കാര്‍ അംഗീകരിച്ചു. യു പി എ സര്‍ക്കാരിന്റെ സംരംഭമായ ആധാറിന് കോണ്‍ഗ്രസ് ഭരിക്കുന്ന കര്‍ണാടകയിലാണ് ഔദ്യോഗിക രേഖ പദവി കിട്ടിയിരിക്കുന്നത്. തിരിച്ചറിയല്‍ രേഖയായും മേല്‍വിലാസം തെളിയിക്കുന്നതിനുള്ള രേഖയായും ആധാര്‍ ഉപയോഗിക്കാന്‍ കര്‍ണാടക സര്‍ക്കാര്‍ തീരുമാനിച്ചു.
യു പി എ സര്‍ക്കാര്‍ മാറി മോദി സര്‍ക്കാര്‍ അധികാരത്തിലെത്തിയതോടെ ആധാര്‍ പദ്ധതി തമസ്‌കരിക്കപ്പെടും എന്ന് റിപ്പോര്‍ട്ടുകളുണ്ടായിരുന്നു. തിരഞ്ഞെടുപ്പിന് മുന്‍പ് ആധാറിനെ വിമര്‍ശിച്ച ബി ജെ പി നേതാക്കളില്‍ പലരും ഭരണത്തിലെത്തിയതോടെ മിണ്ടാട്ടം നിര്‍ത്തി. ആധാര്‍ പദ്ധതിയുടെ ഉപജ്ഞാതാവായ നന്ദന്‍ നീലേക്കനി ബെംഗളൂരുവില്‍ നിന്നും മത്സരിച്ച് തോറ്റെങ്കിലും ആധാറിന് നല്ല കാലം വന്നിരിക്കുകയാണ് ഇപ്പോള്‍.
സര്‍ക്കാര്‍ ഇടപാടുകള്‍ക്ക് തിരിച്ചറിയല്‍ രേഖയായും മേല്‍വിലാസം തെളിയിക്കുന്നതിനുള്ള രേഖയായും ആധാര്‍ ഉപയോഗിക്കണം എന്നും വേണ്ട എന്നുമുള്ള ചര്‍ച്ചകള്‍ 2010 ല്‍ തുടങ്ങിയതാണ്. ബാങ്കിംഗ് ഇടപാടുകള്‍ക്കുള്ള ഔദ്യോഗിക രേഖയായി എല്ലാ ബാങ്കുകളിലും ആധാര്‍ കാര്‍ഡ് ഉപയോഗിക്കാമെന്ന് റിസര്‍വ്വ് ബാങ്ക് ഓഫ് ഇന്ത്യ നേരത്തെ വ്യക്തമാക്കിയിരുന്നു.
ഡിസംബര്‍ 23 നാണ് ആധാറിന്റെ ആധികാരികത സംബന്ധിച്ച് സംസ്ഥാന സര്‍ക്കാര്‍ നിര്‍ദ്ദേശം പുറപ്പെടുവിച്ചത്. പെന്‍ഷന്‍, പൊതുവിതരണ സമ്പ്രദായം, ഭാഗ്യലക്ഷ്മി പദ്ധതി, എല്‍ പി ജി കണക്ഷന്‍, ബാങ്ക് ഇടപാടുകള്‍ തുടങ്ങിയവയ്ക്ക് ഇനി രേഖയായി ആധാര്‍ മതി. സ്വകാര്യ ടെലികോം കമ്പനികളും ആധാര്‍ അംഗീകരിക്കുന്നുണ്ട്. സര്‍ക്കാര്‍ നിര്‍ദേശം വന്നതോടെ ആധാര്‍ ഇല്ലാത്തവര്‍ക്ക് ആധാര്‍ കാര്‍ഡ് നല്‍കാനും തുടങ്ങിയിട്ടുണ്ട്.
