Click it and Unblock the Notifications
Just In
Don't Miss
-
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
T20 World Cup: പന്തുള്ളപ്പോള് സഞ്ജു എന്തിന്? പഠാന്റെ ലോകകപ്പ് ടീമില് സഞ്ജുവും രാഹുലുമില്ല -
അരക്കപ്പ് വെണ്ടക്കയില് കിടിലന് പക്കവട: റെസിപ്പി വളരെ എളുപ്പം -
കുടുംബത്തിന്റെ ഭദ്രതയ്ക്ക് വേണ്ടിയാണെങ്കിലും വിഷമമുണ്ട്; മഞ്ജുവിനെക്കുറിച്ച് ഉർവശി പറഞ്ഞത് -
ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
വിദ്യാര്‍ഥിനിക്ക് പീഡനം; സ്‌കൂളിന്റെ അംഗീകാരം റദ്ദാക്കിയേക്കും
ബാംഗ്ലൂര്‍: ഒന്നാം ക്ലാസില്‍ പഠിക്കുന്ന പെണ്‍കുട്ടി ബലാത്സംഗത്തിന് ഇരയായ സംഭവത്തില്‍ വിബ്ജിയോര്‍ സ്‌കൂളിന്റെ അംഗീകാരം റദ്ദായേക്കുമെന്ന് റിപ്പോര്‍ട്ട്. സ്‌കൂളിന്റെ അംഗീകാരം റദ്ദാക്കണമെന്ന് ആവശ്യപ്പെട്ട് സംസ്ഥാന സര്‍ക്കാര്‍ ഐ സി എസ് ഇക്ക് കത്തയച്ചു. പെണ്‍കുട്ടി പീഡനത്തിന് ഇരയായ സംഭവത്തില്‍ നടപടി ആവശ്യപ്പെട്ട് കഴിഞ്ഞ ഏതാനും ദിവസങ്ങളായി സ്‌കൂളിന് മുന്നില്‍ പ്രതിഷേധം തുടരുകയാണ്.
കഴിഞ്ഞ ദിവസം സ്‌കൂള്‍ വിദ്യാര്‍ഥികളുടെ രക്ഷിതാക്കള്‍ വിധാന്‍ സൗധയ്ക്ക് മുന്നില്‍ പ്രതിഷേധവുമായി അണിനിരന്നു. അസംബ്ലിക്ക് അകത്തും പ്രതിഷേധം ഉയര്‍ന്നു. കുറ്റക്കാര്‍ക്കെതിരെ ഉടന്‍ നടപടിയെടുക്കണമെന്ന് ബി ജെ പി എം എല്‍ എമാര്‍ ആവശ്യപ്പെട്ടു. സ്‌കൂളിന് മുന്നില്‍ എ ബി വി പി പ്രവര്‍ത്തകരും പ്രതിഷേധ പ്രകടനം നടത്തി. പീഡനത്തിന് ഇരയായ പെണ്‍കുട്ടിയും വീട്ടുകാരും അന്വേഷണ ഉദ്യോഗസ്ഥര്‍ക്ക് മൊഴി നല്‍കി.
ആറുവയസ്സുകാരിയെ പീഡിപ്പിച്ചവരെ സംരക്ഷിക്കാനുള്ള ശ്രമത്തിലാണ് സ്‌കൂള്‍ അധികൃതര്‍ എന്നാണ് ആരോപണം. കുറ്റക്കാര്‍ക്കെതിരെ നടപടി എടുക്കണം, സ്‌കൂളില്‍ കുട്ടികള്‍ക്ക് സുരക്ഷിതത്വം ഉറപ്പുവരുത്തണം തുടങ്ങിയവയാണ് പ്രതിഷേധിക്കുന്ന രക്ഷിതാക്കളുടെ ആവശ്യം. എന്നാല്‍ തങ്ങള്‍ അന്വേഷണത്തോട് സഹകരിക്കുന്നുണ്ട് എന്നും സി സി ടി വി ദൃശ്യങ്ങള്‍ അന്വേഷണ സംഘത്തിന് നല്‍കി എന്നുമാണ് സ്‌കൂള്‍ അധികൃതര്‍ പറയുന്നത്.
ബാംഗ്ലൂര്‍ മാറത്തഹള്ളിയിലെ പ്രശസ്തമായ വിബ്ജിയോര്‍ സ്‌കൂളില്‍ വെച്ചാണ് ഒന്നാം ക്ലാസ് വിദ്യാര്‍ഥിനിയായ ആറുവയസ്സുകാരി പീഡനത്തിന് ഇരയായത്. സ്‌കൂളിലെ ഫിസിക്കല്‍ എജ്യുക്കേഷന്‍ ട്രെയിനറും സെക്യൂരിറ്റി ജീവനക്കാരനും ചേര്‍ന്നാണത്രെ കുട്ടിയെ പീഡിപ്പിച്ചത്. സ്‌കൂളില്‍ പെണ്‍കുട്ടി പീഡിപ്പിക്കപ്പെട്ട സംഭവം രക്ഷിതാക്കളുടെ പ്രതിഷേധത്തിന് കാരണമായി. നൂറോളം രക്ഷിതാക്കള്‍ സ്‌കൂളില്‍ പ്രകടനം നടത്തുകയും സ്‌കൂള്‍ അടിച്ചുതകര്‍ക്കുകയും മറ്റും ചെയ്തിരുന്നു.
