എന്തുകൊണ്ട് ഐപിഒ? ഒടുവില് പ്രതികരിച്ച് യൂസഫലി, 'സൗദിയിലും ഒന്നാമത് എത്തും...'
റിയാദ്: ലുലു ഹൈപ്പര് മാര്ക്കറ്റിന്റെ ഐപിഒ കഴിഞ്ഞ തിങ്കളാഴ്ചയാണ് തുടങ്ങിയത്. നവംബര് അഞ്ച് വരെയാണ് ഐപിഒ. ഇതിലൂടെ 25 ശതമാനം ഓഹരികളാണ് അബുദാബി സ്റ്റോക്ക് എക്സ്ചേഞ്ചില് ലിസ്റ്റ് ചെയ്യുന്നത്. 258.2 കോടി രൂപ മൂല്യമുള്ള ഓഹരികളാണ് ഐപിഒ വഴി വില്ക്കുന്നത്. ഓഹരികളിലെ 89 ശതമാനവും നിക്ഷേപക സ്ഥാപനങ്ങള്ക്കും 10 ശതമാനം ചെറുകിട നിക്ഷേപകര്ക്കും ഒരു ശതമാനം ജീവനക്കാര്ക്കുമായാണ് മാറ്റി വെച്ചിരിക്കുന്നത്.
ഇപ്പോഴിതാ എന്തുകൊണ്ടാണ് ഐപിഒയിലേക്ക് തങ്ങള് കടന്നത് എന്നതിനെ കുറിച്ച് വ്യക്തമാക്കുകയാണ് ലുലു ഗ്രൂപ്പ് ചെയര്മാന് എംഎ യൂസഫലി. ഐപിഎഒയ്ക്ക് മികച്ച പ്രതികരണമാണ് ലഭിക്കുന്നത് എന്ന് അദ്ദേഹം പറഞ്ഞു. സൗദി കിരീടാവകാശിക്ക് കീഴിലെ പിഐഫ് സംഘടിപ്പിക്കുന്ന എഫ്ഐഐയില് പങ്കെടുക്കവെ മീഡിയ വണ്ണിനോടായിരുന്നു അദ്ദേഹത്തിന്റെ പ്രതികരണം. യൂസഫലിയുടെ വാക്കുകള് ഇങ്ങനെയാണ്...
'ഞങ്ങളുടെ ഐപിഒ ഇപ്പോഴും സബ്സ്ക്രൈബ് ചെയ്ത് കൊണ്ടിരിക്കുകയാണ്. ഞങ്ങള് ഉദ്ദേശിച്ചതിനേക്കാളും വലിയ പ്രതികരണമാണ് എല്ലാവരില് നിന്നും വിശിഷ്യ അറബ് സമൂഹങ്ങളില് നിന്നും അറബ് ഭരണാധികാരികളില് നിന്നും ലഭിച്ച് കൊണ്ടിരിക്കുന്നത്. അതിന്റെ ഫൈനല് ഫിഗര് ഇപ്പോള് പറയാന് സാധിക്കുന്നതല്ല. അടുത്ത ചൊവ്വാഴ്ച ഇത് സംബന്ധിച്ച പ്രഖ്യാപനം ഉണ്ടാകും.
എന്നിരുന്നാലും ഞങ്ങളൊക്കെ ഉദ്ദേശിച്ചതിനേക്കാളും വലിയ സ്വീകരണമാണ് ഞങ്ങള്ക്ക് ലഭിച്ചത്. അതില് ഞങ്ങള്ക്ക് അഭിമാനവും സന്തോഷവും ഉണ്ട്. ഭരണാധികാരികളോട് നന്ദി ഉണ്ട്. ഓഹരി വിപണിയിലേക്ക് കടക്കാനുള്ള ലുലു ഗ്രൂപ്പിന്റെ തീരുമാനത്തിന് പിന്നിലെ കാരണവും അദ്ദേഹവും വിശദീകരിച്ചു. ലോകത്തിലെ എല്ലാ വലിയ കമ്പനികളും ലിസ്റ്റഡ് ആണ്. ഒരു സന്ദര്ഭം വരുമ്പോള് ഉയരണമെങ്കില് ലിസ്റ്റിംഗ് ഇല്ലാതെ സാധ്യമാകില്ല.
ഞങ്ങളുടെ 20 ശതമാനം സ്ട്രാറ്റജിക് പാര്ട്ണര് ഗവണ്മെന്റ് ഓഫ് അബുദാബിയാണ്. അവരുടെ എല്ലാ കമ്പനികളും ലിസ്റ്റ് ചെയ്യാന് അവര് ആഗ്രഹിക്കുന്നു. അതിന്റെ ലാഭം എല്ലാവര്ക്കും ലഭിക്കണം. ഈ രാജ്യത്ത് ജീവിച്ച് വളര്ന്നവരാണല്ലോ ഞങ്ങള്. റീട്ടെയ്ലിനെ സംബന്ധിച്ചിടത്തോളം ഞങ്ങള് ഖത്തര്, കുവൈത്ത്, ഒമാന്, ബഹ്റിന്, യുഎഇ രാജ്യങ്ങളില് ഒന്നാമതും സൗദി അറേബ്യയില് രണ്ടുമാണ് ഇപ്പോള്.
സൗദി അറേബ്യയില് 56 ഹൈപ്പര്മാര്ക്കറ്റുകള് ഉള്ളത് 100 ആകും. അത് സൗദിയുടെ വിഷന് 2030 ന്റെ കൂടി ഭാഗമാണ്. അതോടൊപ്പം നമ്മളും ആ പ്രയാണത്തിലാണ്. സൗദി ഭരണാധികാരികളുമായി ഇത് സംബന്ധിച്ച് ചര്ച്ച നടത്തി. ആ മേഖലകളിലേക്കെല്ലാം ലുലു വരണം എന്നാണ് അവരുടെ ആഗ്രഹം. ലുലുവിന്റെ ക്വാളിറ്റി ഇഷ്ടപ്പെടുന്നു എന്നും ഓര്ഗാനിക്കിനെ നിങ്ങള് പ്രൊമോട്ട് ചെയ്യുന്നു എന്നും അവര് പറയുന്നു,' .യൂസഫലി പറഞ്ഞു.
യു എ ഇയിലെ ഈ വര്ഷത്തെ ഏറ്റവും വലിയ ഐ പി ഒ ലിസ്റ്റിംഗുകളില് ഒന്നാണ് ലുലു ഗ്രൂപ്പിന്റേത്. ഐപിഒ കഴിയുന്നതോടെ യു എ ഇയിലെ ഏറ്റവും വലിയ റീട്ടെയ്ലര് ഐ പിഒ, യു എ ഇയിലെ ഏറ്റവും വലിയ സ്വകാര്യ കമ്പനി ഐ പി ഒ എന്നീ നേട്ടങ്ങളും ലുലു ഗ്രൂപ്പിന് ലഭിക്കും. നവംബര് 14 ാണ് അബുദാബി സ്റ്റോക്ക് എക്സ്ചേഞ്ചില് ലുലു ഓഹരികള് ലിസ്റ്റ് ചെയ്യുക.
-
സൗദി അറേബ്യ മൂന്നാം സ്ഥാനത്ത്; എല്പിജി കൂടുതല് ഉല്പ്പാദിപ്പിക്കുന്നത് മറ്റൊരു രാജ്യം, ചൈന മുന്നില് -
ഇറാന്റെ തന്ത്രം 'പൊളിക്കാന്' യുഎഇ, സൗദി, ഇറാഖ് നീക്കം; എങ്കിലും അളവ് എത്തില്ല, 3 കുഴലുകള് -
ഖത്തറിന് മറ്റൊരു വന് തിരിച്ചടി; ഡൊണാള്ഡ് ട്രംപ് പോലും വീഴും, ആരും അറിയാതെ എത്തുന്ന കെണി -
ഹോര്മുസ് തുറക്കണം... ബഹുരാഷ്ട്ര സമുദ്രദൗത്യസേനയ്ക്ക് തയ്യാറെന്ന് യുഎസിനോട് യുഎഇ -
ഗൾഫ് രാജ്യങ്ങളിലെ വിദ്യാർത്ഥികൾക്ക് ആശ്വാസം; ബദൽ മൂല്യനിർണയ പദ്ധതിയുമായി സിബിഎസ്ഇ -
സ്വർണം കൂട്ടത്തോടെ വിറ്റ് റഷ്യ; 25 വർഷത്തിനിടെ ആദ്യം..വില ഇനി കുത്തനെ ഇടിയും? -
വിദേശത്തുളളവർ ജോലി പോയി നാട്ടിലേക്ക് മടങ്ങേണ്ടി വരും, വീട് പണി നിർത്തേണ്ടി വരും, നാൾഫലം അറിയാം -
സ്വര്ണം വന്തോതില് ഒഴുകും; അമേരിക്ക ഇളവ് പ്രഖ്യാപിച്ചു, യുഎഇ, തുര്ക്കി എന്നിവര്ക്ക് നേട്ടം -
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..!
Click it and Unblock the Notifications
Sign in with Google