ജനങ്ങള് പരിഭ്രാന്തരാകണ്ട, ആധാര് വിഷയത്തില് ആദായനികുതി വകുപ്പ്, സത്യം ഇതാണ്
ജൂണ് 28ന് ആദായ നികുതി വകുപ്പ് പുറപ്പെടുവിച്ച വിജ്ഞാപനമാണ് ജനങ്ങളില് ഭീതി വിതച്ചിട്ടുള്ളത്.
ദില്ലി: ജൂലൈ ഒന്നിന് ശേഷം ആധാര് കാര്ഡുമായി ബന്ധിപ്പിക്കാത്ത പാന് കാര്ഡുകള് അസാധുവാകില്ലെന്ന് ആദായനികുതി വകുപ്പ്. ഇത് സംബന്ധിച്ച് ജനങ്ങള്ക്ക് ആശങ്ക വര്ധിച്ച സാഹചര്യത്തിലാണ് സെന്ട്രല് ബോര്ഡ് ഓഫ് ഡയറക്ട് ടാക്സ് ഇക്കാര്യം ചൂണ്ടിക്കാണിച്ച് വിജ്ഞാപനം പുറപ്പെടുവിച്ചിട്ടുള്ളത്. ജൂണ് 28ന് ആദായ നികുതി വകുപ്പ് പുറപ്പെടുവിച്ച വിജ്ഞാപനമാണ് ജനങ്ങളില് ഭീതി വിതച്ചിട്ടുള്ളത്.
ജനങ്ങള് പരിഭ്രാന്തരാകേണ്ടെന്നും ജൂലൈ ഒന്നിന് മുമ്പായിആധാര് കാര്ഡുമായി ബന്ധിപ്പിക്കാത്തവരുടെ പാന് കാര്ഡുകള് അസാധുവാകില്ലെന്നും ഇതിനായി സര്ക്കാര് ഒരു അവസാന തിയ്യതി നിശ്ചയിച്ചിട്ടില്ലെന്നും ആദായനികുതി വകുപ്പ് സുശീല് ചന്ദ്രയെ ഉദ്ധരിച്ച് ഇക്കണോമിക്സ് ടൈംസാണ് വാര്ത്ത റിപ്പോര്ട്ട് ചെയ്യുന്നത്.
ജൂലായ് ഒന്നിന് മുൻപ് പാൻ കാർഡും ആധാറും തമ്മിൽ ബന്ധിപ്പിക്കണമെന്നാണ് കേന്ദ്രത്തിന്റെ നിർദേശമെങ്കിലും ഇരു കാർഡുകളിലുമുള്ള അക്ഷരത്തെറ്റുകളും, പേരുകളിലെ വ്യത്യാസങ്ങളും കാരണം ഭൂരിഭാഗം പേർക്കും ഈ സമയത്തിനുള്ളില് ഇത് പൂര്ത്തിയാക്കാന് കഴിഞ്ഞിട്ടില്ല. പാൻ കാർഡും ആധാറും തമ്മിൽ ഓൺലൈനിലൂടെ ബന്ധിപ്പിക്കുന്നതിനായി ഇ ഫയലിംഗ് സംവിധാനവും സര്ക്കാര് ആരംഭിച്ചിട്ടുണ്ട്. എന്നാല് ഇതിലും സാങ്കേതിക പ്രശ്നങ്ങളുണ്ടെന്ന് പരാതികളുണ്ട്.
Click it and Unblock the Notifications
Sign in with Google