പോലീസുകാരനും സുഹൃത്തും ചേർന്ന് ഓട്ടോ ഡ്രൈവറെ അടിച്ചുകൊലപ്പെടുത്തി, നാടിനെ ഞെട്ടിച്ച സംഭവം കൊച്ചിയിൽ
കൊച്ചി: ഓട്ടോറിക്ഷാ ഡ്രൈവറെ അടിച്ച് കൊലപ്പെടുത്തിയ സംഭവച്ചിൽ പോലീസുകാരൻ രണ്ട് പേർ അറസ്റ്റിൽ. സാമ്പത്തിക ഇടപാടുകളുമായി ബന്ധപ്പെട്ട് ഉടലെടുത്ത തർക്കാണ് കൊലപാതകത്തിൽ കലാശിച്ചിട്ടുള്ളതെന്നാണ് ഡിസിപി ഐശ്വര്യ ഡോംഗ്രെ നൽകുന്ന വിവരം. കുന്നുംപുറം സ്വദേശിയായ കൃഷ്ണകുമാർ എന്ന ഓട്ടോ ഡ്രൈവറെയാണ് കൊലപ്പെടുത്തിയത്. ഞായറാഴ്ച വൈകിട്ടോടെയാണ് സംഭവം.
കൊച്ചി എആർ ക്യാമ്പിലെ പോലീസുകാരനായ ബിജോയ്, ഇദ്ദേഹത്തിന്റെ സുഹൃത്ത് ഫൈസൽ എന്നിവരാണ് ഇതോടെ പോലീസിന്റെ പിടിയിലായിട്ടുള്ളത്. ഇവർക്കൊപ്പം അറസ്റ്റിലായിട്ടുള്ള വ്യക്തിയുമായി കൃഷ്ണകുമാറിന് സാമ്പത്തിക ഇടപാടുണ്ടായിരുന്നു. ഇതെച്ചൊല്ലിയുണ്ടായ തർക്കങ്ങളുമാണ് കൊലപാതകത്തിലേക്ക് എത്തിയിട്ടുള്ളത്. പുഴയ്ക്കരയ്ക്ക് സമീപത്ത് വെച്ച് കമ്പി വടി കൊണ്ട് അടിച്ചാണ് കൊലപ്പെടുത്തിയിട്ടുള്ളത്.
പുഴയ്ക്കരയിൽ നിന്ന് ബഹളമുണ്ടായതിനെ തുടർന്ന് സ്ഥലത്തേക്ക് എത്തിയ പ്രദേശവാസികളാണ് പരിക്കേറ്റ നിലയിൽ കിടക്കുന്ന കൃഷ്ണകുമാറിനെ കാണുന്നത്. തുടർന്ന് പോലീസിനെ വിവരമറിക്കുകയായിരുന്നു. പോലീസ് സ്ഥലത്തെത്തി പരിശോധന നടത്തുമ്പോഴേയ്ക്ക് മരണം സംഭവിച്ചിരുന്നു. സംഭവത്തിൽ കേസെടുത്ത് അന്വേഷണം ആരംഭിച്ച പോലീസ് രണ്ട് പേരെക്കൂടി കസ്റ്റഡിയിലെടുത്തിട്ടുണ്ടെങ്കിലും ഇവർക്ക് കൊലപാതകത്തിൽ പങ്കുണ്ടോ എന്ന് അന്വേഷിച്ചുവരികയാണ്.
Click it and Unblock the Notifications
Sign in with Google