Click it and Unblock the Notifications
Just In
Don't Miss
-
വളച്ചൊടിക്കാനും പ്രശ്നമുണ്ടാക്കാനും ചിലര് ശ്രമിക്കുന്നുണ്ട്! തനിക്കപ്പോൾ കരയാത്ത ദിവസങ്ങളില്ലെന്ന് ദിലീപ് -
IPL 2024: ശശാങ്കിനെ ഫിനിഷര് ആക്കിയത് തെറ്റ്! പഞ്ചാബിന് യുവ താരങ്ങളെ വിശ്വാസമില്ല; തുറന്നടിച്ച് ആകാശ് ചോപ്ര -
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
അയ്യപ്പ ഭക്തരുടെ ബസ്സില്‍ നിന്ന് യുവതിയേയും കൈക്കുഞ്ഞുങ്ങളേയും ഇറക്കിവിട്ടു
എറണാകുളം: കെഎസ്ആര്‍ടിസിയുടെ ശബരിമലയിലേക്കുള്ള സ്‌പെഷ്യല്‍ സര്‍വ്വീസുകളില്‍ അയ്യപ്പ ഭക്തര്‍ മാത്രമേ കയറാന്‍ പാടുള്ളൂ എന്ന് നിയമമുണ്ടോ... കെഎസ്ആര്‍ടിസി ബസ്സുകളില്‍ സ്ത്രീകള്‍ക്ക് സംവരണം ഇല്ലേ...
ഈ ചോദ്യങ്ങളൊക്കെ ചോദിക്കേണ്ടി വരും. കാരണം കഴിഞ്ഞ ദിവസം ഉണ്ടായ ഒരു സംഭവം തന്നെ. കൈക്കുഞ്ഞുങ്ങളുമായി ബസ്സില്‍ കയറിയ യുവതിയേയും ഭര്‍തൃമാതാവിനേയും അയ്യപ്പ ഭക്തരുടെ പേര് പറഞ്ഞ് കണ്ടക്ടര്‍ ഇറക്കിവിട്ടു.
എറണാകുളത്താണ് സംഭവം. സൗത്ത് റെയില്‍വേ സ്റ്റേഷനില്‍ നിന്ന് രണ്ട് കൈക്കുഞ്ഞുങ്ങളേയും ഭര്‍ത്താവിന്റെ അമ്മയേയും കൊണ്ട് ബസ് കയറിയതാണ് നസീറ എന്ന യുവതി. എന്നാല്‍ കണ്ടക്ടര്‍ ഇവരെ യാത്ര ചെയ്യാന്‍ അനുവദിച്ചില്ല.
കെഎസ്ആര്‍ടിസിയുടെ പമ്പ -എരുമേലി ബസ്സിലായിരുന്നു ഇവര്‍ കയറിയത്. സ്ത്രീകള്‍ കയറിയാല്‍ അയ്യപ്പ ഭക്തരുടെ വ്രശുദ്ധി നഷ്ടപ്പെടുമെന്ന് പറഞ്ഞായിരുന്നു കണ്ടക്ടറുടെ നടപടി. അയ്യപ്പന്‍മാരെ തൊട്ടുള്ള ഒരു കളിയ്ക്കും താനില്ലെന്നായിരുന്നത്രെ കണ്ടക്ടര്‍ പറഞ്ഞത്.
സ്ത്രീകള്‍ക്ക് കെഎസ്ആര്‍ടിസിയില്‍ സീറ്റ് സംവരണം ഇല്ലേ എന്ന് നസീറ തിരിച്ച് ചോദിച്ചപ്പോഴും കണ്ടക്ടര്‍ക്ക് മറുപടിയുണ്ട്- സ്ത്രീകള്‍ക്ക് റിസര്‍വേഷന്‍ ഉണ്ടാകാം, എന്നാല്‍ ഇപ്പോള്‍ റിസര്‍വേഷന്‍ അയ്യപ്പ ഭക്തര്‍ക്കാണ്.
പിന്നീടാണ് കണ്ടക്ടറുടെ യഥാര്‍ത്ഥ പ്രശ്‌നം മനസ്സിലായത്- സ്ത്രീകള്‍ക്ക് ആര്‍ത്തവമുണ്ടോ ഇല്ലയോ എന്ന് തിരിച്ചറിയാന്‍ കണ്ടക്ടര്‍ക്ക് മാര്‍ഗ്ഗമില്ലല്ലോ- ഇതോടെ ബസ്സില്‍ നിന്ന് ഇറക്കി വിടുകും ചെയ്തു.
നസീറ ഇക്കാര്യത്തില്‍ വെറുതേയിരിക്കാന്‍ തയ്യാറായില്ല. പോലീസില്‍ പരാതി നല്‍കി. ഒടുവില്‍ പോലീസ് വണ്ടിയില്‍ ഇവരെ വീട്ടിലെത്തിക്കുകയായിരുന്നു. തിരുവനന്തപുരത്ത് നിന്ന് വരികയായിരുന്നു നസീറയും കുടുംബവും. ഡിസംബര്‍ 17 ബുധനാഴ്ച രാത്രിയിലായിരുന്നു സംഭവം.
