ധീരജിനെ കുത്തിയത് 12 പേർ ചേർന്ന്; അതും നെഞ്ചിൽ തന്നെ; വെളിപ്പെടുത്തി വിദ്യാര്ത്ഥി
ധീരജിനെ കുത്തിയത് 12 പേർ ചേർന്ന്; അതും നെഞ്ചിൽ തന്നെ; വെളിപ്പെടുത്തി വിദ്യാര്ത്ഥി
ഇടുക്കി: ധീരജിനെ കുത്തിയത് പന്ത്രണ്ട് പേരടങ്ങുന്ന യൂത്ത് കോണ്ഗ്രസ് പ്രവര്ത്തകരാണ് സഹ പാഠി. സമാധാനപരമായി നടന്ന കോളേജ് തെരഞ്ഞെടുപ്പിന് ശേഷം പുറത്തെത്തിയ വിദ്യാർഥികളെ ക്യാമ്പസില് മാരകായുധവുമായി കാത്തു നിന്ന യൂത്ത് കോൺഗ്രസ് വാഴത്തോപ്പ് നിയോജക മണ്ഡലം പ്രസിഡന്റ് നിഖിൽ പൈലിയുടെ നേതൃത്വത്തിലുള്ള ക്രിമിനൽ സംഘം ആക്രമിക്കുകയായിരുന്നു.
ധീരജിനെ കുത്തിയ നിഖില് പൈലി രണ്ടു മാസം മുമ്പ് നടന്ന ആക്രമണത്തിലും ഉള്പ്പെട്ടിരുന്നെന്നും കോളേജ് വിദ്യാര്ത്ഥിയും എസ് എഫ് ഐ ഏരിയാ കമ്മിറ്റി അംഗവുമായ ടോണി പറഞ്ഞു. കോളേജിന് പുറത്ത് നിന്നുള്ള യൂത്ത് കോണ്ഗ്രസ് - കെ എസ് യു പ്രവര്ത്തകര് ക്യാമ്പസില് വന്നിരുന്നു. ക്യാമ്പസിന്റെ ഭാഗത്ത് നിന്ന് പോകണമെന്ന് ഇവരോട് ആവശ്യപ്പെട്ടു. ഇതോടെ യൂത്ത് കോണ്ഗ്രസ് പ്രവര്ത്തകര് അക്രമാസ്കതരായി.
യൂത്ത് കോണ്ഗ്രസിന്റെ മണ്ഡലം പ്രസിഡന്റ് നിഖില് പൈലി പേനാക്കത്തിയുമെടുത്ത് മൂന്നു പേരെ കുത്തി. ഉടന് തന്നെ അവരെ ആശുപത്രിയില് പ്രവേശിപ്പിച്ചു. ഇടുക്കിയില് തന്നെയുള്ള യൂത്ത് കോണ്ഗ്രസിന്റെയും കോണ്ഗ്രസിന്റെയും പ്രവര്ത്തകരാണ് ആക്രമണത്തില് പങ്കെടുത്തതെന്നും വിദ്യാര്ത്ഥി പറഞ്ഞു. ക്യാമ്പസില് പഠിക്കുന്ന കെഎസ്യുവിന്റെ ഒരു ഭാരവാഹിയും ആക്രമണത്തില് ഉണ്ടായിരുന്നെന്ന് വിദ്യാര്ത്ഥി പറഞ്ഞു.
പൈനാവ് എൻജിനീയറിങ് കോളേജിൽ എസ്എഫ്ഐ പ്രവർത്തകൻ ധീരജ്. കൊല്ലണമെന്ന ഉദേശത്തോടെ ധീരജിന്റെ നെഞ്ചിൽ കുത്തുകയായിരുന്നു. കുത്തേറ്റ മറ്റൊരു വിദ്യാർഥിയെ ഇടുക്കി മെഡിക്കൽ കോളേജ് തീവ്ര പരിചരണ വിഭാഗത്തില് പ്രവേശിപ്പിച്ചു. ഒരു വിദ്യാര്ഥിയുടെ തോളെല്ലിനും ഗുരുതര പരിക്കുണ്ട്.
ക്യാമ്പസിൽ യാതൊരു സംഘർഷവും നിലനിന്നിരുന്നില്ലെന്നും തെരഞ്ഞെടുപ്പുമായി ബന്ധപ്പെട്ട് ആവശ്യമായ മുന്കരുതലുകൾ എടുത്തിരുന്നതായും കോളേജ് പ്രിൻസിപ്പൽ നേരത്തെ വ്യക്തമാക്കിയിരുന്നു. തിങ്കളാഴ്ച ഉച്ചയോടെയായിരുന്നു ഇടുക്കി പൈനാവ് എൻജിനീയറിങ് കോളേജില് എസ്എഫ്ഐ പ്രവര്ത്തകൻ ധീരജ് രാജേന്ദ്രനെ കെഎസ്യു‐യൂത്ത് കോൺഗ്രസ് പ്രവർത്തകർ കുത്തിക്കൊന്നത്. കമ്പ്യൂട്ടർ സയൻസ് ആൻഡ് എൻജീനിയറിങ് ഏഴാം സെമസ്റ്റർ വിദ്യാര്ഥിയായിരുന്നു. കണ്ണൂര് തളിപ്പറമ്പ് പാൽകുളങ്ങര ആതിര നിവാസിൽ രാജേന്ദ്രന്റെ മകനാണ്.
കോൺഗ്രസ് ഉന്നതനേതാക്കളുമായി അടുത്ത ബന്ധമുള്ള നിഖിൽ പൈലിയാണ് ധീരജിനെ കുത്തിയതെന്ന് സ്ഥലത്തുണ്ടായിരുന്ന വിദ്യാർഥികൾ പറഞ്ഞു.യൂത്ത് കോൺഗ്രസ് വാഴത്തോപ്പ് നിയോജക മണ്ഡലം പ്രസിഡന്റാണ് നിഖിൽ. നിഖിലാണ് കുത്തിയതെന്ന് പൊലീസും സ്ഥിരീകരിച്ചു. കോളേജിൽ പഠിക്കുന്ന ഒരു വിദ്യാർഥിയും കെഎസ്യുവിന്റെ ഒരു ഭാരവാഹിയും അക്രമിസംഘത്തിനൊപ്പം ഉണ്ടായിരുന്നുവെന്ന് എസ്എഫ്ഐ നേതാക്കൾ വ്യക്തമാക്കി.
Click it and Unblock the Notifications
Sign in with Google