Click it and Unblock the Notifications
Just In
Don't Miss
-
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന്‍ ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ട്രെയിന്‍ ടിക്കറ്റ് ബുക്ക് ചെയ്യണോ, 35 സെക്കന്‍ഡ് കാത്തുനിന്നേ പറ്റൂ.... !
ദില്ലി: യാത്ര ചെയ്യുന്നവരുടെ പേരും വയസ്സും മറ്റ് വിവരങ്ങളും തയ്യാറാക്കി വെച്ച് കൃത്യം 11 മണിക്ക് തന്നെ ഐ ആര്‍ സി ടി സിയില്‍ തത്ക്കാല്‍ ടിക്കറ്റ് ബുക്ക് ചെയ്യുന്ന ആളാണോ നിങ്ങള്‍. എങ്കില്‍ ഇനി ഈ പരിപാടി നടക്കില്ല. ഓട്ടോഫില്‍ ഓപ്ഷന്‍ ഉപയോഗിച്ച് അതിവേഗം ടിക്കറ്റ് ബുക്ക് ചെയ്യുന്ന വീരന്മാര്‍ക്ക് പണി കൊടുക്കാന്‍ വേണ്ടി ഐ ആര്‍ സി ടി സി ഒരു നിയന്ത്രണം കൊണ്ടുവന്നിരിക്കുകയാണ്.
ലോഗിന്‍ ചെയ്ത് 35 സെക്കന്‍ഡ് കാത്തുനിന്നാലേ ഇനി ഐ ആര്‍ സി ടി സി വെബ്‌സൈറ്റില്‍ ടിക്കറ്റ് ബുക്ക് ചെയ്യാന്‍ പറ്റൂ. ടിക്കറ്റ് ഏജന്റുമാരടക്കമുള്ള മിടുക്കന്മാര്‍ ഓട്ടോഫില്‍ ഡാറ്റ ഉപയോഗിച്ച് വേഗം തന്നെ ടിക്കറ്റ് എടുക്കുമ്പോള്‍ ഒരുപാട് പേര്‍ക്ക് ടിക്കറ്റ് കിട്ടാതെ വരുന്നു. ഈ പ്രശ്നം മറികടക്കാനാണ് റെയില്‍വേ 35 സെക്കന്‍ഡ് വെയ്റ്റിങ് ടൈം നിര്‍ബന്ധമാക്കിയിരിക്കുന്നത്.
വേഗത്തിലുള്ള ബുക്കിങുകള്‍ കാരണം തങ്ങള്‍ക്ക് ടിക്കറ്റുകള്‍ കിട്ടുന്നില്ല എന്ന പരാതിയുമായി ഒരുപാട് പേര്‍ തങ്ങളെ സമീപിച്ചിട്ടുണ്ട് എന്നാണ് ഐ ആര്‍ സി ടി സി ചെയര്‍മാനും മാനേജിങ് ഡയറക്ടറുമായ എ കെ മനോച പറയുന്നത്. കുറഞ്ഞത് 35 സെക്കന്‍ഡ് സമയമെങ്കിലും ഉണ്ടെങ്കിലേ ആവശ്യമുള്ള വിവരങ്ങള്‍ പൂരിപ്പിക്കാന്‍ പറ്റൂ. അതുകൊണ്ടാണ് 35 സെക്കന്‍ഡ് കാത്തിരിപ്പ് സമയമായി നിജപ്പെടുത്തിയത്.
തത്കാല്‍ ടിക്കറ്റുകളിലാണ് ഈ പ്രശ്നം ഏറ്റവും കൂടുതലായി ഉള്ളത്. തത്കാല്‍ ടിക്കറ്റ് എ സി കോച്ചുകളില്‍ 10 മണി മുതലും നോണ്‍ എ സി കോച്ചുകളില്‍ 11 മണി മുതലുമാണ് ലഭ്യമാകുക. ഐ ആര്‍ സി ടി സിയുടെ ഈ തീരുമാനത്തില്‍ സന്തോഷം പ്രകടിപ്പിച്ച് ഒരുപാട് പേര്‍ രംഗത്തെത്തിയിട്ടുണ്ട്. തങ്ങള്‍ കാലങ്ങളായി ആവശ്യപ്പെടുന്നതാണ് ഇക്കാര്യമെന്ന് ആളുകള്‍ സോഷ്യല്‍ നെറ്റ് വര്‍ക്കിംഗ് സൈറ്റുകളില്‍ അഭിപ്രായപ്പെടുന്നു.
