Click it and Unblock the Notifications
Just In
Don't Miss
-
ഇനി പപ്പടമല്ല, നല്ല ഒന്നാന്തരം ഉരുക്കാണ്... ഇടിപ്പരീക്ഷയിൽ 4 സ്റ്റാർ-റേറ്റിംഗുമായി പുത്തൻ സ്വിഫ്റ്റ് -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
അച്ഛനെ പോലെ തന്നെയാണ് മകനും, യാതൊരു കഴിവുമില്ല! മുന്ഭര്ത്താവിനെ പറ്റിയും മകനെ കുറിച്ചും മലൈക അറോറ -
ഒരു വർഷത്തെ നേട്ടം 1932%, നിക്ഷേപകരെ കോടീശ്വരനാക്കിയ ഓഹരി, നിങ്ങൾ വാങ്ങുന്നോ..? -
കാലിഫോര്ണിയയില് ആകാശത്ത് കണ്ടത് അന്യഗ്രഹ ജീവി? മനുഷ്യരൂപത്തോടും കുരിശിനോടും സാദൃശ്യം -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
കെജ്രിവാളിനെ പിന്തുണച്ചാല്‍ വധിക്കും, അണ്ണാ ഹസാരെയ്ക്ക് വധഭീഷണി
പൂനെ: സ്വാതന്ത്ര്യ സമര സേനാനിയും ആക്ടിവിസ്റ്റുമായ അണ്ണാ ഹാസരെയ്ക്ക് വീണ്ടും വധഭീഷണി. ആം ആദ്മി നേതാവ് അരവിന്ദ് കെജ്രിവാളിനെ പിന്തുണച്ചാല്‍ കൊന്നുകളയും എന്നുള്ള ഭീഷണി സന്ദേശമാണ് എത്തിയിരിക്കുന്നത്. അണ്ണാ ഹസാരെയ്ക്ക് കത്തിലൂടെയാണ് ഭീഷണി സന്ദേശം ലഭിച്ചത്.
അരവിന്ദ് കെജ്രിവാളില്‍ നിന്നും വേര്‍പിരിയണമെന്നും ഇല്ലെങ്കില്‍ വധിക്കുമെന്നുമാണ് കത്തിലുള്ളത്. ഇംഗ്ലീഷില്‍ എഴുതിയിരിക്കുന്ന കത്ത് കഴിഞ്ഞ ശനിയാഴ്ചയാണ് എത്തുന്നത്. സംഭവത്തില്‍ പൂനെ അഹ്മദ് നഗര്‍ ജില്ലയിലെ പാര്‍നര്‍ പോലീസ് ഐപിസി 506 ക്രിമിനല്‍ വകുപ്പ് പ്രകാരം കേസെടുത്തിട്ടുണ്ട്.
അണ്ണാ ഹസാരെയ്ക്ക് വധഭീഷണി
അണ്ണാ ഹസാരെയ്ക്ക് കത്തിലൂടെയാണ് ഭീഷണി സന്ദേശം ലഭിച്ചത്. കെജ്രിവാളിനെ ഏതെങ്കിലും തരത്തില്‍ പിന്തുണയ്ക്കുകയാണെങ്കില്‍ വധിക്കുമെന്നാണ് കത്തിലുള്ളത്.
നരേന്ദ്ര ദബോല്‍ക്കറിന്റെ അതേ വിധി
2013ല്‍ പൂനെയില്‍ വെടിയേറ്റ് മരിച്ച നരേന്ദ്ര ദബോല്‍ക്കറിന്റെ അതേ അവസ്ഥ തന്നെയാകും അണ്ണാ ഹസാരെയ്ക്കും സംഭവിക്കുക എന്നും കത്തില്‍ പറയുന്നുണ്ട്. മഹാരാഷ്ട്രയിലെ റാലേഗന്‍ സിദ്ധി എന്ന സ്വന്തം ഗ്രാമത്തില്‍ തന്നെ കഴിയുന്നതാകും നല്ലതെന്നും കത്തില്‍ പറയുന്നുണ്ട്.
അരവിന്ദ് കെജ്രിവാളുമായുള്ള ബന്ധം
2011ല്‍ അണ്ണാ ഹസാരെ നയിച്ച അഴിമതിവിരുദ്ധ ജനലോക്പാല്‍ സമരത്തിലൂടെയാണ് അരവിന്ദ് കെജ്രിവാള്‍ അറിയപ്പെടുന്നത്. സമരത്തെ പിന്തുണച്ച കെജ്രിവാള്‍ ഹസാരെയുമായി നല്ല ബന്ധം പുലര്‍ത്തുകയായിരുന്നു.
ഹസാരെയും കെജ്രിവാളും രണ്ടു വഴിക്ക്
ലോക്പാല്‍ ബില്‍ പാസാക്കുന്നതില്‍ കോണ്‍ഗ്രസും ബിജെപിയും ഒന്നിച്ചതോടെ അണ്ണാ ഹസാരെയും അരവിന്ദ് കെജ്രിവാളും രണ്ടും രണ്ടു വഴിക്ക് പരിഞ്ഞു. പിന്നീട് കെജ്രിവാളിന്റെ രാഷ്ട്രീയ പാര്‍ട്ടി ഉണ്ടാക്കാനുള്ള നീക്കത്തെ ഹസാരെ എതിര്‍ക്കുകയും ചെയ്തതോടെ ഇവര്‍ തമ്മില്‍ അകലുകയായിരുന്നു.
വധഭീഷണി ഇതിനു മുന്‍പും
കേന്ദ്രസര്‍ക്കാരിനെതിരെ തിരിഞ്ഞ അണ്ണാ ഹസാരെയ്ക്ക് ഇതിനുമുന്‍പും ഭീഷണി ഉണ്ടായിട്ടുണ്ട്. കഴിഞ്ഞ മാര്‍ച്ചിനായിരുന്നു ഫേസ്ബുക്കിലൂടെ ഭീഷണി എത്തിയത്. അണ്ണാ ഹസാരയെ വധിക്കേണ്ട സമയമായി, ഞാനായിരിക്കും അടുത്ത നാഥുറാം ഗോഡ്‌സെ എന്നായിരുന്നു ഗഗന്‍ വിധു എന്ന ഇന്ത്യക്കാരന്‍ പോസ്റ്റിട്ടത്.
