എട്ട് മുസ്ലീം തീവ്രവാദികള് ഭോപ്പാല് ജയില് ചാടി, പോലീസുകാരനെ കൊന്നു.... സിമി പ്രവര്ത്തകര്
ഒരു പോലിസുകാരന് കൊല്ലപ്പെട്ടു
ഭോപ്പാല്: അതിര്ത്തിയില് പാകിസ്താന് സൈന്യവും പാക് ഭീകരരും പ്രതിസന്ധി സൃഷ്ടിച്ചുകൊണ്ടിരിക്കുന്നതിനിടെ രാജ്യത്തെ ജയിലില് നിന്ന് എട്ട് മുസ്ലീം തീവ്രവാദികള് രക്ഷപ്പെട്ടു. ഭോപ്പാല് സെന്ട്രല് ജയിലില് നിന്നാണ് ഇവര് രക്ഷപ്പെട്ടത്.
നിരോധിത സംഘടനയായ സ്റ്റുഡന്റ്സ് ഇസ്ലാമിക് മൂവ്മെന്റ് ഓഫ് ഇന്ത്യ- സിമി- യുടെ പ്രവര്ത്തകരമാണ് രക്ഷപ്പെട്ട എട്ട് പേരും. ജയില് ഡ്യൂട്ടിയില് ഉണ്ടായിരുന്ന ഗാര്ഡിനെ കൊലപ്പെടുത്തിയാണ് ഇവര് രക്ഷപ്പെട്ടത്.
ഒക്ടോബര് 31 ന് പുലര്ച്ചെ രണ്ട് മണിയോടെയായിരുന്നു സംഭവം. ഹെഡ് കോണ്സ്റ്റബിള് ആയ രാമ ശങ്കറിനെയാണ് ഇവര് കൊന്നത്. കത്തികൊണ്ട് കഴുത്തറുത്തായിരുന്നു കൊലപാതകം.
പുതപ്പുകള് ഉപയോഗിച്ചാണ് ഇവര് ജയിലിന്റെ ചുറ്റുമതില് ചാടിക്കടന്നത്. ജയില് ചാടുന്നതിനാ.യി ദീപാവലി രാത്രി തന്നെ തിരഞ്ഞെടുക്കുകയായിരുന്നു എന്നാണ് വിവരം. ജനങ്ങള് പടക്കം പൊട്ടിച്ച് ദീപാവലി ആഘോഷിക്കുമ്പോള് രക്ഷപ്പെടാന് താരതമ്യേന എളുപ്പമാണ്.
മധ്യപ്രദേശില് ആദ്യമായല്ല സിമി പ്രവര്ത്തകര് സമാനമായ രീതിയില് ജയില് ചാടുന്നത്. മൂന്ന് വര്ഷം മുമ്പ് ഖാണ്ട്വയിലെ ജയില്ലും സമാനമായ സംഭവം നടന്നിരുന്നു. കുളിമുറിയുടെ ചുമര് തകര്ത്ത് എന്ന് ഏഴ് പേരായിരുന്നു രക്ഷപ്പെട്ടത്.