Click it and Unblock the Notifications
Just In
Don't Miss
-
T20 World Cup 2024: റിഷഭല്ല, ടീമില് വേണ്ടത് സഞ്ജു തന്നെ! കാരണം പറഞ്ഞ് മഞ്ജരേക്കര് -
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ആവേശം വാനോളം; മഴയത്തും പ്രസംഗം നിര്‍ത്താതെ രാഹുല്‍, ജോഡോയില്‍ സോണിയ എത്തും
ബംഗളൂരു: കോണ്‍ഗ്രസ് നേതാവ് രാഹുല്‍ ഗാന്ധിയുടെ നേതൃത്വത്തില്‍ നടക്കുന്ന ഭാരത് ജോഡോ യാത്രയ്ക്ക് ആവേശം പകരാന്‍ സോണിയ ഗാന്ധി എത്തും. കര്‍ണാടകയില്‍ എത്തിയ ഭാരത് ജോഡോ യാത്രയിലാണ് സോണിയ ഗാന്ധി പങ്കെടുക്കുന്നത്. വ്യാഴാഴ്ചയോടെ സോണിയ കര്‍ണാടകയില്‍ നിന്നും യാത്രയില്‍ പങ്കുചേരുമെന്നാണ് കോണ്‍ഗ്രസ് വൃത്തങ്ങള്‍ നല്‍കുന്ന സൂചന. സോണിയ്ക്ക് പിന്നാലെ അടുത്ത ദിവസം മകള്‍ പ്രിയങ്ക ഗാന്ധിയും ഭാരത് ജോഡോ യാത്രയില്‍ പങ്കെടുക്കുമെന്നാണ് കോണ്‍ഗ്രസ് വൃത്തങ്ങളില്‍ നല്‍കുന്ന സൂചന.
ഭാരത് ജോഡോ യാത്ര ആരംഭിക്കുന്ന സമയത്ത് സോണിയ ഗാന്ധി ആരോഗ്യ പരിശോധനകള്‍ക്കായി വിദേശത്തായിരുന്നു. മാണ്ഡ്യ ജില്ലയില്‍ എത്തുന്ന യാത്രയിലാണ് സോണിയ ഗാന്ധി പങ്കെടുക്കുക. നാളെ സോണിയ ഗാന്ധി കര്‍ണാടകയില്‍ എത്തുമെന്നാണ് വിവരം. അതേസമയം, ഭാരത് ജോഡോ യാത്ര ഇപ്പോള്‍ മൈസൂരില്‍ പര്യടനം നടത്തുകയാണ്.
അതേസമയം, കര്‍ണാടകയില്‍ മഴയെ പോലും വകവയ്ക്കാതെയാണ് രാഹുല്‍ പര്യടനം ഇപ്പോള്‍ പൂര്‍ത്തിയാക്കുന്നത്. ഇന്ന് പെയ്ത കനത്ത മഴയിലും രാഹുല്‍ പ്രസംഗം അവസാനിപ്പിക്കാതെ തുടരുകയായിരുന്നു. മൈസൂരില്‍ വച്ചായിരുന്നു രാഹുല്‍ കനത്ത മഴയിലും പ്രസംഗം തുടര്‍ന്നത്. ഇന്ത്യയെ ഒന്നിപ്പിക്കുന്നതില്‍ ആര്‍ക്കും നമ്മെ തടയാനാവില്ല. ഇന്ത്യയുടെ ശബ്ദം ഉയര്‍ത്തുന്നതില്‍ നിന്ന് ആര്‍ക്കും ഞങ്ങളെ തടയാനാവില്ല. കന്യാകുമാരി മുതല്‍ കാശ്മീര്‍ വരെ ഞങ്ങള്‍ യാത്ര തുടരും, ഭാരത് ജോഡോ യാത്ര തടയാന്‍ ആര്‍ക്കും കഴിയില്ലെന്ന് രാഹുല്‍ പറഞ്ഞു.
കര്‍ണാടകയില്‍ 21 ദിവസമാണ് ഭാരത് ജോഡോ യാത്ര സംഘടിപ്പിച്ചിരിക്കുന്നത്. ഏഴ് ജില്ലകളിലൂടെ 511 കിലോമീറ്റര്‍ കാല്‍നടയായി സഞ്ചരിക്കും. കര്‍ഷക നേതാക്കളുമായി രാഹുല്‍ കൂടിക്കാഴ്ച നടത്തും. സംസ്ഥാനത്തെ അഴിമതി, തൊഴിലില്ലായ്മ, വിലകയറ്റം എന്നിവ ഈ യാത്രയിലൂടെ നിങ്ങള്‍ക്ക് തിരിച്ചറിയാന്‍ സാധിക്കുമെന്നും രാഹുല്‍ ഗാന്ധി നേരത്തെ പറഞ്ഞിരുന്നു.
യാത്ര ഇന്നലെ വൈകിട്ട് 7 മണിക്കാണ് മൈസൂരു ജില്ലയില്‍ പ്രവേശിച്ചത്. തുടര്‍ന്ന് മുതിര്‍ന്ന നേതാക്കളായ ഡി കെ ശിവകുമാര്‍,സിദ്ധരാമയ്യ എന്നിവര്‍ സംയുക്ത പ്രസ്താവന നടത്തും. നേരത്തെ ഗുണ്ടല്‍പേട്ടിലെ സമ്മേളനത്തില്‍ കര്‍ണാടക പ്രതിപക്ഷ നേതാവ് സിദ്ധരാമയ്യ, കെ പി സി സി പ്രസിഡന്റ് ഡി.കെ. ശിവകുമാര്‍, ജയറാം രമേശ്, രണ്‍ദീപ് സുര്‍ജേവാല, വീരപ്പമൊയ്ലി,തുടങ്ങിയ പ്രമുഖ നേതാക്കള്‍ അണി നിരന്നിരുന്നു.
