• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

രാഷ്ട്രപതി തെരഞ്ഞെടുപ്പില്‍ എന്ത് ചെയ്യണം? തലപുകഞ്ഞ് കോണ്‍ഗ്രസ്, തന്ത്രം മെനഞ്ഞ് പ്രാദേശിക പാര്‍ട്ടികള്‍

Google Oneindia Malayalam News

ന്യൂദല്‍ഹി: രാഷ്ട്രപതി തെരഞ്ഞെടുപ്പില്‍ സ്ഥാനാര്‍ത്ഥി നിര്‍ണയത്തില്‍ എന്ത് നിലപാട് സ്വീകരിക്കണം എന്ന കാര്യത്തില്‍ കോണ്‍ഗ്രസിന് ആശങ്ക. ദിവസങ്ങള്‍ക്ക് മുന്‍പ് നടന്ന ചിന്തന്‍ ശിബിരത്തില്‍ പ്രാദേശിക കക്ഷികള്‍ സ്വന്തം ഇടത്തിലേക്ക കടന്നു കയറുന്നത് തടയണമെന്ന് കോണ്‍ഗ്രസ് നേതൃത്വം വ്യക്തമാക്കിയിരുന്നു. ഈ സാഹചര്യത്തില്‍ പ്രതിപക്ഷം സംയുക്ത സ്ഥാനാര്‍ത്ഥിയെ നിര്‍ത്തുമോ എന്ന കാര്യത്തില്‍ വ്യക്തതയില്ല. കോണ്‍ഗ്രസ് പ്രതിപക്ഷ നേതൃസ്ഥാനത്ത് നിന്ന് മാറണം എന്ന് തൃണമൂല്‍ കോണ്‍ഗ്രസ് അടക്കമുള്ള കക്ഷികള്‍ അസന്നിഗ്ധമായി പറഞ്ഞിട്ടുണ്ട്.

എസ് പി, ആം ആദ്മി പാര്‍ട്ടികളും ഇതേ നിലപാടുള്ളവരാണ്. ഇതാണ് കോണ്‍ഗ്രസിനെ അലട്ടുന്നത്. രാഷ്ട്രപതി സ്ഥാനത്തേക്ക് കോണ്‍ഗ്രസ് നിര്‍ദേശിക്കുന്ന സ്ഥാനാര്‍ത്ഥിയെ മറ്റ് പ്രാദേശിക പാര്‍ട്ടികള്‍ പിന്തുണയ്ക്കണം എന്നാണ് പാര്‍ട്ടിക്കുള്ളില്‍ ഒരു വിഭാഗം മുന്നോട്ടുവെക്കുന്നത്. പ്രതിപക്ഷ സ്ഥലത്ത് കോണ്‍ഗ്രസിന്റെ ആധിപത്യം ഉറപ്പിക്കാന്‍ ഒരു പ്രത്യേക പദ്ധതി തയ്യാറാക്കാന്‍ കഴിയുമെന്ന് മുതിര്‍ന്ന കോണ്‍ഗ്രസ് നേതാക്കള്‍ വിശ്വസിക്കുന്നു.

'സാറിന്റേയും എന്റേയും തലയില്‍ ഇടിത്തീ വീഴാതിരിക്കാനാണ് പോരാട്ടം,ദിലീപിനോട് മനുഷ്യത്വം കാണിക്കൂ':രാഹുല്‍'സാറിന്റേയും എന്റേയും തലയില്‍ ഇടിത്തീ വീഴാതിരിക്കാനാണ് പോരാട്ടം,ദിലീപിനോട് മനുഷ്യത്വം കാണിക്കൂ':രാഹുല്‍

cmsvideo
    തൃക്കാക്കരയിൽ കത്തിക്കയറുന്ന ഉമാ തോമസ്,സ്ഥാനാർത്ഥിക്കൊപ്പം ഞാനും | Thrikkakkara Election 2022
    1

    ബി ജെ പി നേതൃത്വത്തിലുള്ള എന്‍ ഡി എയുടെ നോമിനി വരാനിരിക്കുന്ന രാഷ്ട്രപതി, ഉപരാഷ്ട്രപതി തെരഞ്ഞെടുപ്പുകളില്‍ അനായാസം വിജയിക്കാനാണ് സാധ്യത കൂടുതല്‍. എന്നാലും പ്രതിപക്ഷത്ത് നിന്ന് രണ്ട് സ്ഥാനാര്‍ത്ഥി ഇല്ലാതിരിക്കാനാണ് കോണ്‍ഗ്രസ് ശ്രമിക്കുന്നത്. രാഷ്ട്രപതി, ഉപരാഷ്ട്രപതി സ്ഥാനങ്ങളിലേക്ക് സംയുക്ത സ്ഥാനാര്‍ത്ഥികളെ നിര്‍ത്താന്‍ പ്രാദേശിക പാര്‍ട്ടികളെ അണിനിരത്തുന്നതില്‍ കോണ്‍ഗ്രസ് വിജയിക്കുമോയെന്നും ഈ പാര്‍ട്ടികളില്‍ ചിലത് എന്ത് നിലപാടാണ് സ്വീകരിക്കുന്നതെന്നും കണ്ടറിയണം.

    2

    ഡി എം കെ, എന്‍ സി പി, ശിവസേന, ഇടതുപക്ഷം എന്നിവയുമായി ഇപ്പോഴും കോണ്‍ഗ്രസിന് നല്ല ബന്ധമുണ്ട്. നിലവിലെ രാഷ്ട്രപതി രാംനാഥ് കോവിന്ദിന്റെ കാലാവധി ജൂലൈ 25ന് അവസാനിക്കും. 2017ല്‍ ചെയ്തതുപോലെ പ്രതിപക്ഷ പാര്‍ട്ടികള്‍ ഒന്നിച്ച് രണ്ട് തെരഞ്ഞെടുപ്പുകളിലും സംയുക്ത സ്ഥാനാര്‍ത്ഥികളെ നിര്‍ത്തിയാലും 2024ലെ പൊതുതിരഞ്ഞെടുപ്പിന് മുന്നോടിയായി ഒരു വലിയ തിരഞ്ഞെടുപ്പ് സഖ്യത്തിന് അത് വഴിവെക്കില്ല. എന്നാല്‍ വ്യത്യസ്ത പാര്‍ട്ടികള്‍ക്കിടയിലുള്ള പ്രവര്‍ത്തന ബന്ധമാണ് പ്രതിപക്ഷ നേതാക്കളില്‍ ചിലര്‍ ഉറ്റുനോക്കുന്നത്.

    3

    തെലങ്കാന മുഖ്യമന്ത്രിയും ടി ആര്‍ എസ് തലവനുമായ കെ ചന്ദ്രശേഖര്‍ റാവു ഫെഡറല്‍ മുന്നണിയ്ക്കായി കോപ്പുകൂട്ടുന്നുണ്ട്. എസ് പി നേതാവ് അഖിലേഷ് യാദവ്, ആം ആദ്മി നേതാവ് അരവിന്ദ് കെജ്രിവാള്‍ എന്നിവരുമായി ഇതിനോടകം കെ സി ആര്‍ ചര്‍ച്ച നടത്തിയിരുന്നു. കേരള മുഖ്യമന്ത്രി പിണറായി വിജയനുമായും അദ്ദേഹം ചര്‍ച്ച നടത്തിയിരുന്നു. അഖിലേഷ് യാദവുമായും കെജ്രിവാളുമായും കെ സി ആര്‍ നടത്തിയ ചര്‍ച്ചകളില്‍ രാഷ്ട്രപതി തിരഞ്ഞെടുപ്പ് ഇടംപിടിച്ചതായി വൃത്തങ്ങള്‍ പറഞ്ഞു. അതേസമയം ടി ആര്‍ എസുമായി കോണ്‍ഗ്രസ് നല്ല ബന്ധത്തിലല്ല. ഈ സാഹചര്യത്തില്‍ ആം ആദ്മിയുമായി ചേര്‍ന്നുള്ള കെ സി ആറിന്റെ നീക്കം പ്രധാനമാണ്.

    4

    ഇരുവരും ബി ജെ പിയില്‍ നിന്ന് ശക്തമായ തിരഞ്ഞെടുപ്പ് ഭീഷണി നേരിടുന്നുണ്ടെങ്കിലും കോണ്‍ഗ്രസിനെയും ശക്തമായി എതിര്‍ക്കുന്നു. രാഷ്ട്രപതി തിരഞ്ഞെടുപ്പിനുള്ള ഇലക്ടറല്‍ കോളേജില്‍ ഇന്നത്തെ കണക്കനുസരിച്ച് 42.2 ശതമാനം വോട്ടുകളാണ് ബി ജെ പിക്കുള്ളത്. സഖ്യകക്ഷികളുടെ വോട്ട് ചേരുമ്പോള്‍ ഇത് 48 ശതമാനമായി ഉയരും. കോണ്‍ഗ്രസിന് 13.38 ശതമാനം വോട്ടുണ്ട്. ഡി എം കെ, എന്‍ സി പി, ശിവസേന, നാഷണല്‍ കോണ്‍ഫറന്‍സ്, ജാര്‍ഖണ്ഡ് മുക്തി മോര്‍ച്ച, മുസ്ലീം ലീഗ്, റവല്യൂഷണറി സോഷ്യലിസ്റ്റ് പാര്‍ട്ടി, വിടുതലൈ ചിരുതൈകള്‍ കച്ചി, മറുമലര്‍ച്ചി ദ്രാവിഡ മുന്നേറ്റ കഴകം, തുടങ്ങിയ യു പി എയ്ക്ക് 24 ശതമാനം വോട്ടുണ്ട്.

    5

    2.5 ശതമാനം വോട്ടുള്ള ഇടതുപാര്‍ട്ടികളും യു പി എയുടെ കണക്കിനൊപ്പം ചേര്‍ത്താല്‍ 26.3 ശതമാനമായി ഉയരും. അടുത്ത മാസം നടക്കുന്ന രാജ്യസഭാ തെരഞ്ഞെടുപ്പുകള്‍ മുതല്‍ ദ്വിവത്സര തെരഞ്ഞെടുപ്പിന് ശേഷം കണക്കുകളില്‍ ചെറിയ മാറ്റമുണ്ടാകാം. മുന്‍കാല പ്രവണതകള്‍ പരിശോധിച്ചാല്‍, ബിജു ജനതാദളിനും (2.9 ശതമാനം) വൈഎസ്ആര്‍ കോണ്‍ഗ്രസ് പാര്‍ട്ടിക്കും (3 ശതമാനം) എന്‍ഡിഎ നോമിനിയെ പിന്തുണയ്ക്കാനാണ് സാധ്യത. 5.3 ശതമാനം വോട്ടാണ് തൃണമൂല്‍ കോണ്‍ഗ്രസിനുള്ളത്. കഴിഞ്ഞ വര്‍ഷം പശ്ചിമ ബംഗാളില്‍ കോണ്‍ഗ്രസ് ഇടതുപക്ഷവുമായി സഖ്യമുണ്ടാക്കിയതിന് ശേഷം തൃണമൂല്‍-കോണ്‍ഗ്രസ് ബന്ധം വഷളായിരുന്നു. സമാജ് വാദി പാര്‍ട്ടിയും ഇതേ നിലപാടിലാണ്.

    ജെന്ററല്ല, പ്രതിഭ നോക്കൂ; സ്ത്രീകളെ മാറ്റിനിര്‍ത്തി ഒന്നും ചെയ്യാനാകില്ലെന്ന് ഐശ്വര്യ റായ്

    English summary
    Congress is concerned about the position to be taken in Presidential elections
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X