Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
സോണിയ ഗാന്ധിക്കെതിരെ ലേഖനമെഴുതിയ എഡിറ്ററെ പുറത്താക്കി!
മുംബൈ: കോണ്‍ഗ്രസിനെയും പാര്‍ട്ടി അധ്യക്ഷ സോണിയ ഗാന്ധിയെയും കുറിച്ച് എഴുതിയാല്‍ ഇങ്ങനെയിരിക്കും. കോണ്‍ഗ്രസിന്റെ ദര്‍ശന്‍ മാസികയില്‍ സോണിയ ഗാന്ധിക്കെതിരെ ലേഖനമെഴുതിയ കണ്ടന്റ് എഡിറ്ററെ പുറത്താക്കി എന്നാണ് റിപ്പോര്‍ട്ട്. കോണ്‍ഗ്രസിന് നാണക്കേടുണ്ടാക്കുന്ന തരത്തില്‍ എഴുതിയതുമായി ബന്ധപ്പെട്ട സംഭവത്തെക്കുറിച്ച് അന്വേഷിക്കാനും പാര്‍ട്ടി നേതൃത്വം നിര്‍ദ്ദേശിച്ചിട്ടുണ്ട്.
സോണിയയ്‌ക്കെതിരെ ലേഖനമെഴുതിയ കണ്ടന്റ് എഡിറ്റര്‍ സുധീര്‍ ജോഷിയെയാണ് പുറത്താക്കിയത്. ഇറ്റലിയിലെ ഫാസിസ്റ്റ് പാര്‍ട്ടി പ്രവര്‍ത്തകനായിരുന്നു സോണിയാ ഗാന്ധിയുടെ അച്ഛനെന്നാണ് ലേഖനത്തില്‍ ഇയാള്‍ പറയുന്നത്. കോണ്‍ഗ്രസിനെ വെട്ടിലാക്കുന്ന തരത്തിലുള്ള വിമര്‍ശനങ്ങളായിരുന്നു ലേഖനത്തില്‍ പ്രത്യക്ഷപ്പെട്ടത്.
കോണ്‍ഗ്രസ് പാര്‍ട്ടിയില്‍ പ്രാഥമിക അംഗത്വമെടുത്ത് വെറും 62 ദിവസം കൊണ്ട് സോണിയാ ഗാന്ധി പാര്‍ട്ടി പ്രസിഡണ്ടായി എന്നും ലേഖനം കുറ്റപ്പെടുത്തുന്നു. 1997 ല്‍ സോണിയ പാര്‍ട്ടി പ്രസിഡണ്ടായെങ്കിലും കേന്ദ്രത്തില്‍ സര്‍ക്കാരുണ്ടാക്കുന്നതില്‍ കോണ്‍ഗ്രസ് പരാജയപ്പെട്ടു.
സോണിയാ ഗാന്ധിക്കെതിരെ മാത്രമല്ല, ഇന്ത്യയുടെ ആദ്യ പ്രധാനമന്ത്രിയായ ജവഹര്‍ലാല്‍ നെഹ്‌റുവിനെതിരെയും മാസികയില്‍ ആരോപണങ്ങളുണ്ട്. സര്‍ദാര്‍ വല്ലഭായി പട്ടേലിന്റെ വാക്കുകള്‍ നെഹ്‌റു കേട്ടിരുന്നെങ്കില്‍ കാശ്മീര്‍ പ്രശ്‌നം ഇന്നത്തേത് പോലെ ഇത്ര വഷളാകുമായിരുന്നില്ലെന്നും ലേഖനം കുറ്റപ്പെടുത്തുന്നുണ്ട്.
