Click it and Unblock the Notifications
Just In
Don't Miss
-
T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു -
പഴ്സിന് നിറം ഇതെങ്കില് പണം വന്ന് നിറയും, സമൃദ്ധി ആകര്ഷിക്കുന്ന വാസ്തു ഉപദേശം -
സാമ്പത്തിക സ്വാതന്ത്ര്യം നേടാം 30 വയസിൽ; ചെയ്യേണ്ടതും ചെയ്യരുതാത്തതും… -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര
സോണിയാ ഗാന്ധിക്കെതിരെ കോണ്‍ഗ്രസ് മുഖപത്രം, മുഖം നഷ്ടപ്പെട്ട് പാര്‍ട്ടി!
മുംബൈ: പാര്‍ട്ടി അധ്യക്ഷ സോണിയാ ഗാന്ധിക്കെതിരെ പാര്‍ട്ടി മുഖപത്രത്തില്‍ ലേഖനം പ്രത്യക്ഷപ്പെട്ടത് കോണ്‍ഗ്രസിനെ വെട്ടിലാക്കുന്നു. മഹാരാഷ്ട്രയിലെ പാര്‍ട്ടി മുഖപത്രമായ കോണ്‍ഗ്രസ് ദര്‍ശനിലാണ് സോണിയാ ഗാന്ധിക്കെതിരെ പരാമര്‍ശങ്ങള്‍ പ്രത്യക്ഷപ്പെട്ടത്. ഇറ്റലിയിലെ ഫാസിസ്റ്റ് പാര്‍ട്ടി പ്രവര്‍ത്തകനായിരുന്നു സോണിയാ ഗാന്ധിയുടെ അച്ഛനെന്നാണ് ഡിസംബര്‍ ലക്കത്തിലെ ലേഖനത്തില്‍ പറയുന്നത്.
കോണ്‍ഗ്രസ് പാര്‍ട്ടിയില്‍ പ്രാഥമിക അംഗത്വമെടുത്ത് വെറും 62 ദിവസം കൊണ്ട് സോണിയാ ഗാന്ധി പാര്‍ട്ടി പ്രസിഡണ്ടായി എന്നും ലേഖനം കുറ്റപ്പെടുത്തുന്നു. 1997 ല്‍ സോണിയ പാര്‍ട്ടി പ്രസിഡണ്ടായെങ്കിലും കേന്ദ്രത്തില്‍ സര്‍ക്കാരുണ്ടാക്കുന്നതില്‍ കോണ്‍ഗ്രസ് പരാജയപ്പെട്ടു. സോണിയാ ഗാന്ധിക്കെതിരെ മാത്രമല്ല, ഇന്ത്യയുടെ ആദ്യ പ്രധാനമന്ത്രിയായ ജവഹര്‍ലാല്‍ നെഹ്‌റുവിനെതിരെയും മാസികയില്‍ പരാമര്‍ശങ്ങളുണ്ട്.
ഉപപ്രധാനമന്ത്രിയായിരുന്ന സര്‍ദാര്‍ വല്ലഭായി പട്ടേലിന്റെ വാക്കുകള്‍ കണക്കിലെടുത്തില്ല എന്ന് പറഞ്ഞാണ് നെഹ്‌റുവിനെ കുറ്റപ്പെടുത്തുന്നത്. പട്ടേലിന്റെ വാക്കുകള്‍ നെഹ്‌റു കേട്ടിരുന്നെങ്കില്‍ കാശ്മീര്‍ പ്രശ്‌നം ഇന്നത്തേത് പോലെ ഇത്ര വഷളാകുമായിരുന്നില്ല. ചൈന, ടിബറ്റ്, നേപ്പാള്‍ എന്നീ രാജ്യങ്ങളുടെ കാര്യത്തിലും നെഹ്‌റുവിന്റെ നിലപാടുകളെ മാസിക വിമര്‍ശിക്കുന്നുണ്ട്.
കോണ്‍ഗ്രസ് മുഖപത്രത്തില്‍ വന്ന ലേഖനം ആശങ്കപ്പെടുത്തുന്നതാണ് എന്ന് പാര്‍ട്ടി സീനിയര്‍ നേതാവും കോണ്‍ഗ്രസ് ദര്‍ശന്‍ എഡിറ്ററുമായ സഞ്ജയ് നിരുപം പറഞ്ഞു. ഇത്തരം സംഭവങ്ങള്‍ ആവര്‍ത്തിക്കാതിരിക്കാന്‍ വേണ്ടത് ചെയ്യും. ഈ ലേഖനത്തിന് പിന്നിലുള്ളവരെ കണ്ടെത്തി നടപടി എടുക്കും. എ ഐ സി സി സംഭവത്തില്‍ അന്വേഷണം നടത്തുമെന്ന് മുന്‍ കേന്ദ്രമന്ത്രി സല്‍മാന്‍ ഖുര്‍ഷിദ് പറഞ്ഞു.
