സിപിഐഎമ്മാണ് ഞങ്ങള്ക്ക് വെല്ലുവിളി, തൃണമൂല് അല്ല: ബിജെപി മുഖ്യമന്ത്രി
അഗര്ത്തല: ത്രിപുരയില് ബി ജെ പി എതിരിടുന്നത് സി പി ഐ എമ്മിനെ ആണെന്ന് പുതുതായി സത്യപ്രതിജ്ഞ ചെയ്ത മുഖ്യമന്ത്രി മണിക് സാഹ. സംസ്ഥാനത്തെ മുഖ്യ പ്രതിപക്ഷം സി പി ഐ എം ആണെന്നും മമതാ ബാനര്ജിയുടെ നേതൃത്വത്തിലുള്ള തൃണമൂല് കോണ്ഗ്രസ് അല്ലെന്നും അദ്ദേഹം പറഞ്ഞു. ഇന്ത്യ ടുഡേ ടി വിയ്ക്ക് നല്കിയ അഭിമുഖത്തില് സംസാരിക്കുകയായിരുന്നു അദ്ദേഹം. ത്രിപുര നിയമസഭയിലെ പ്രതിപക്ഷം സി പി ഐ എം ആണ്. അതുകൊണ്ട് അവരാണ് ഇവിടെ പ്രധാന പ്രതിപക്ഷം. സമീപകാല സിവില് പോളുകളുടെ ഫലങ്ങള് ഞങ്ങള്ക്ക് അനുകൂലമാണ്.
നിയമസഭാ തെരഞ്ഞെടുപ്പിന് ഒരു വര്ഷത്തില് താഴെ മാത്രം ശേഷിക്കെ പാര്ട്ടി ഏല്പ്പിച്ചിരിക്കുന്നത് ഭാരിച്ച ഉത്തരവാദിത്തമാണ്. പാര്ട്ടി എന്നെ ഏല്പ്പിച്ച ഉത്തരവാദിത്തം നിറവേറ്റുക എന്നതാണ് വെല്ലുവിളി എന്നതില് സംശയമില്ല. എന്നാല് ഇതൊരു റിലെ മത്സരം പോലെയാണ് ബിപ്ലബ് ദേബ് എനിക്ക് തുടരാനുള്ള ബാറ്റണ് തന്നു, മണിക് സാഹ പറഞ്ഞു. ബിപ്ലബ് ദേബ് ബി ജെ പി സംസ്ഥാന അധ്യക്ഷനായി വീണ്ടും ചുമതലയേല്ക്കണമോയെന്ന് തീരുമാനിക്കേണ്ടത് കേന്ദ്ര നേതൃത്വമാണെന്നും മണിക് സാഹ പറഞ്ഞു.
അദ്ദേഹം സംസ്ഥാന അധ്യക്ഷനായപ്പോഴാണ് ത്രിപുരയില് ബി ജെ പി ചരിത്ര വിജയം നേടിയത്. ഞങ്ങളെല്ലാം അദ്ദേഹത്തിന്റെ നേതൃത്വത്തിലാണ് പ്രവര്ത്തിച്ചത്. അദ്ദേഹം സംസ്ഥാന പ്രസിഡന്റായി ചുമതലയേറ്റാല് തനിക്ക് സന്തോഷമാകുമെന്നും അദ്ദേഹം കൂട്ടിച്ചേര്ത്തു. നിയമസഭാ തിരഞ്ഞെടുപ്പിന് തൊട്ടുമുമ്പ് ബിപ്ലബ് ദേബ് രാജിവെച്ചത് മുഖ്യമന്ത്രിയെന്ന നിലയില് അദ്ദേഹം പരാജയമാണെന്നതിന് അര്ത്ഥമില്ല. ബി ജെ പി ഒരു കുടുംബം പോലെയാണ്. എല്ലാ കുടുംബങ്ങളിലും ഇത്തരം ചെറിയ സംഭവങ്ങള് ഉണ്ടാകാറുണ്ട്.
അതില് കാര്യമില്ലെന്നും അദ്ദേഹം പറഞ്ഞു. ബി ജെ പിയില് വരാന് ആഗ്രഹിക്കുന്നവര് പാര്ട്ടിയുടെ പ്രത്യയശാസ്ത്രം നന്നായി അറിഞ്ഞിരിക്കണം. ഒരു പ്ലം പോസ്റ്റിന്റെ പ്രതീക്ഷയോടെ ഞങ്ങളോടൊപ്പം ചേരുന്നതില് പ്രയോജനമില്ല. അവസാന നിമിഷം വരെ താനായിരിക്കും മുഖ്യമന്ത്രി എന്ന് ഞാന് അറിഞ്ഞിരുന്നില്ല, ആരും അറിഞ്ഞില്ല, അദ്ദേഹം പറഞ്ഞു. ബിപ്ലബ് ദേബ് രാജി വെച്ചത് പാര്ട്ടിയുടെ തീരുമാന പ്രകാരമായിരുന്നു പാര്ട്ടിയെ എങ്ങനെ മുന്നോട്ട് കൊണ്ടുപോകാം എന്നതിനെക്കുറിച്ച് നമ്മുടെ കേന്ദ്ര നേതൃത്വം എപ്പോഴും ചിന്തിക്കാറുണ്ട്.
ആരെയെങ്കിലും മാറ്റി ഭരണം നടത്തുന്നത് പാര്ട്ടിയെ സഹായിക്കുമെന്ന് അവര് കരുതിയിരിക്കണം. ഓര്ക്കുക, പാര്ട്ടി ശക്തമാകുമ്പോള് മാത്രമേ നമുക്ക് ശക്തമായ ഒരു സര്ക്കാര് ഉണ്ടാകൂ, മണിക് സാഹ ചൂണ്ടിക്കാട്ടി. താന് ഒരിക്കലും കോണ്ഗ്രസിനായി പ്രവര്ത്തിച്ചിരുന്നില്ലെന്നും ഒരിക്കല് കോണ്ഗ്രസിനെ പിന്തുണച്ചിരുന്നത് സി പി ഐ എമ്മിനെ എതിര്ക്കാനായിരുന്നെന്നും മണിക് സാഹ പറഞ്ഞു. അതുകൊണ്ട് തന്നെ ഒരുപാട് ആലോചിച്ച ശേഷമാണ് കോണ്ഗ്രസില് നിന്ന് ബി ജെ പിയില് ചേര്ന്നത്.
വരുന്ന നിയമസഭാ തെരഞ്ഞെടുപ്പില് ബി ജെ പിയുടെ മുഖമാകുമോ എന്നത് പാര്ട്ടി തീരുമാനിക്കുമെന്നും അദ്ദേഹം പറഞ്ഞു. മേയ് 14 നാണ് ത്രിപുര മുഖ്യമന്ത്രി സ്ഥാനത്ത് നിന്ന് ബിപ്ലബ്ദേവ് കുമാര് രാജി വെച്ചത്. ബി ജെ പിയുടെ നിര്ദേശപ്രകാരമായരുന്നു രാജി. 2018 ല് 60 അംഗ നിയമസഭയില് 36 എം എല് എമാരുമായാണ് ബിപ്ലബ് ദേബ് സര്ക്കാര് അധികാരത്തിലെത്തിയത്. രണ്ട് പതിറ്റാണ്ടോളം നീണ്ട ഇടത് തുടര്ഭരണം അവസാനിപ്പിച്ചായിരുന്നു ബി ജെ പി ആദ്യമായി സംസ്ഥാനത്ത് അധികാരം പിടിച്ചത്. എന്നാല് 2019 ലെ ലോക്സഭ തെരഞ്ഞടുപ്പിന് പിന്നാലെയാണ് പാര്ട്ടിയില് ഭിന്നത രൂക്ഷമായത്.
സാരിയില് ഷംനയുടെ സൂപ്പര്ലുക്ക് കണ്ടോ; വൈറല് ചിത്രങ്ങള്
-
രാഹുൽ ഗാന്ധിയും മല്ലികാർജുൻ ഖാർഗയും ആത്മപരിശോധന നടത്തണം; സിപിഎം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ?
Click it and Unblock the Notifications
Sign in with Google