സര്ക്കാരിനെയും കോടതിയെയും സൈന്യത്തെയും വിമര്ശിക്കുന്നത് രാജ്യദ്രോഹമല്ല; ജസ്റ്റിസ് ദീപക് ഗുപ്ത
അഹമ്മദാബാദ്: രാജ്യത്തെ ഭരണസംവിധാനങ്ങളെ വിമര്ശിക്കുന്നത് രാജ്യദ്രോഹമല്ലെന്ന് സുപ്രീംകോടതി ജസ്റ്റിസ് ദീപക് ഗുപ്ത. ജുഡീഷ്യറിക്കെതിരായ വിമര്ശനത്തെ കോടതിയലക്ഷ്യമാക്കുന്നതിനോടും യോജിക്കാനാകില്ലെന്ന് അദ്ദേഹം അഭിപ്രായപ്പെട്ടു. ജുഡീഷ്യറി വിമര്ശനത്തിന് അതീതമല്ല. കോടതിയുടെ തീരുമാനങ്ങളെ വിമര്ശിക്കുന്നത് താന് സ്വാഗതം ചെയ്യും. കാരണം എവിടെ വിമര്ശനങ്ങള് ഉയരുന്നുവോ അവിടെയാണ് കൂടുതല് പുരോഗതിയുണ്ടാകുക. കോടതികള് എടുത്ത തീരുമാനത്തില് ഇനിയും തിരുത്തല് വേണമോ എന്ന കാര്യം ആത്മപരിശോധന നടത്തുകയാണ് വേണ്ടതെന്നും ജസ്റ്റിസ് ദീപക് ഗുപ്ത പറഞ്ഞു.
സര്ക്കാരിനെയും ജുഡീഷ്യറിയെയും ബ്യൂറോക്രസിയെയും സൈന്യത്തെയും വിമര്ശിക്കുന്നത് രാജ്യദ്രോഹമായി കണക്കാക്കാന് സാധിക്കില്ല. വിമര്ശനങ്ങള് നിയന്ത്രിക്കുമ്പോള് രാജ്യം പോലീസ് സ്റ്റേറ്റായി മാറുമെന്നും ജസ്റ്റിസ് ദീപക് ഗുപ്ത മുന്നറിയിപ്പ് നല്കുന്നു. നമ്മുടെ പൂര്വികര് സ്വപ്നം കണ്ട ഇന്ത്യയായിരിക്കില്ല അത്. പ്രലീന് പബ്ലിക് ചാരിറ്റബിള് ട്രസ്റ്റ് രാജ്യദ്രോഹ നിയമവും ആവിഷ്കാര സ്വാതന്ത്ര്യവും എന്ന വിഷയത്തില് അഹമ്മദാബാദില് സംഘടിപ്പിച്ച ശില്പ്പശാലയില് സംസാരിക്കുകയായിരുന്നു ജസ്റ്റിസ് ദീപക് ഗുപ്ത.
പല കേസുകളിലും രാജ്യദ്രോഹ വകുപ്പ് അനാവശ്യമായി ചുമത്തുകയാണ്. അപകീര്ത്തിപ്പെടുത്തി എന്ന വകുപ്പില് കേസെടുക്കേണ്ട വിഷയം പോലും രാജ്യദ്രോഹമാക്കി മാറ്റുന്നു. ഇത്തരം നടപടികളോട് യോജിക്കാന് സാധിക്കില്ല. ജാതി വിവേചനത്തെ കുറിച്ച് പറഞ്ഞ തമിഴ് സംവിധായകന് പാ രഞ്ജിത്തിനെതിരെ രാജ്യദ്രോഹം ചുമത്തിയതുള്പ്പെടെയുള്ള വിഷയങ്ങള് ജസ്റ്റിസ് ദീപക് ഗുപ്ത എടുത്തുപറഞ്ഞു.
ഭയം കൂടാതെ തന്റെ അഭിപ്രായങ്ങള് പറയാനുള്ള സാഹചര്യമാണ് വേണ്ടത്. ഒരു സമൂഹത്തിന്റെ വളര്ച്ചയ്ക്ക് അനിവാര്യമാണത്. പുതിയ ആശയങ്ങളും വഴികളും രൂപപ്പെടുന്നത് വ്യത്യസ്തമായ അഭിപ്രായ പ്രകടനത്തിലൂടെയാണ്. ഭൂരിപക്ഷവാദങ്ങള് നിയമമാക്കാന് സാധിക്കില്ല. ന്യൂനപക്ഷത്തിനും അഭിപ്രായം പ്രകടിപ്പിക്കാനുള്ള അവകാശമുണ്ട്. 50 ശതമാനത്തിലധികം വോട്ട് കിട്ടാത്ത സര്ക്കാര് നടപ്പാക്കുന്നത് ഭൂരിപക്ഷത്തിന്റെ ആവശ്യമാണെന്ന് പറയാന് സാധിക്കില്ല. കാരണം അവര് രാജ്യത്തെ പകുതി വോട്ടര്മാരെ പോലും പ്രതിനിധീകരിക്കുന്നില്ലെന്നും ജസ്റ്റിസ് ദീപക് ഗുപ്ത പറഞ്ഞു.
-
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി
Click it and Unblock the Notifications
Sign in with Google