ദില്ലിയിൽ ഡീസലിന് എട്ട് രൂപ കുറഞ്ഞു..! ജനങ്ങളെ അമ്പരപ്പിച്ച് കെജ്രിവാൾ; പുതിയ നീക്കത്തിന് കയ്യടി!
ദില്ലി: രാജ്യത്ത് കൊവിഡ് കേസുകള് അനുദിനം വര്ദ്ധിച്ചുവരികയാണ്. 15 ലക്ഷത്തില് കൂടുതല് പേര്ക്കാണ് കൊവിഡ് ബാധിച്ചിരിക്കുന്നത്. ഇതിനിടെയിലായിരുന്നു ഇന്ധനവില വര്ദ്ധനവും, ഇത് ഇന്ത്യയിലെ ജനങ്ങളെ വലിയ രീതിയിലാണ് വലച്ചത്. കഴിഞ്ഞ കുറച്ച് ദിവസങ്ങള് മുമ്പ് തുടര്ച്ചയായ മൂന്ന് ആഴ്ചകളോളമാണ് ഇന്ത്യയില് ഇന്ധനവില വര്ദ്ധിച്ചത്. ആഗോളവിപണിയില് ക്രൂഡ് ഓയിലിന് വില കുറുയുന്ന സാഹചര്യത്തിലായിരുന്നു ഇവിടെ വില ക്രമാധീതമായി വര്ദ്ധിച്ചത്.
കൊറോണ കാലത്ത് റഷ്യയും സൗദിയും ക്രൂഡ് ഓയിലിന്റെ പേരില് മത്സരം തുടങ്ങിയതോടെയാണ് വില തകര്ന്നടിഞ്ഞത്. പെട്ടെന്നുണ്ടായ ഇന്ധനവില വര്ദ്ധനവ് ജനങ്ങളെ വീണ്ടും വിലക്കയറ്റത്തിലേക്ക് തള്ളിവിട്ടിരുന്നു. എന്നാല് ജനങ്ങള്ക്ക് സന്തോഷിക്കാവുന്ന ഒരു വാര്ത്തയാണ് ദില്ലിയില് നിന്നും പുറത്തുവരുന്നത്.
വാറ്റ് വെട്ടിക്കുറയ്ക്കുന്നു
രാജ്യതലസ്ഥാനത്ത് ഡീസലിന്റെ മൂല്യവര്ദ്ധിത നികുതി വെട്ടിക്കുറച്ചിരിക്കുകയാണ് അരവിന്ദ് കേജ്രിവാളിന്റെ നേതൃത്വത്തിലുള്ള ആം ആദ്മി സര്ക്കാര്. ഇതോടെ ഡീസലിന്റെ വിലയിലും നല്ല മാറ്റമുണ്ടാകും. 30 ശതമാനത്തില് നിന്ന് 16.75 ശതമാനത്തിലേക്കാണ് വാറ്റ് കുറയ്ക്കുന്നത്. സാധനങ്ങള്ക്ക് വലിയ വില വര്ദ്ധന നേടുന്ന സാഹചര്യത്തില് പൊതുജനങ്ങള്ക്ക് ഇത് വലിയ ആശ്വാസമാകും.
മന്ത്രിസഭ തീരുമാനം
സംസ്ഥാന മന്ത്രി സഭയാണ് ഇതുമായി ബന്ധപ്പെട്ട തീരുമാനം കൈക്കൊണ്ടത്. മന്ത്രിസഭ യോഗിത്തിന് ശേഷം മുഖ്യമന്ത്രി അരവിന്ദ് കേജ്രിവാളാണ് ഇക്കാര്യം അറിയിച്ചത്. ദില്ലിയുടെ സമ്പദ് വ്യവസ്ഥയെ പുനരുജ്ജീവിക്കാന് സര്ക്കാര് സ്വീകരിച്ച വിവിധ നടപടികളുടെ ഭാഗമാണിതെന്ന് അരവിന്ദ് കേജ്രിവാള് പറഞ്ഞു.
Recommended Video
കുറയുന്നത് എട്ട് രൂപ
ഡീസലിന്റെ വാറ്റ് ശതമാനത്തില് നല്ലൊരു വിഹിതം കുറച്ചതോടെ വിലയില് വലിയ വ്യത്യാസമാണുണ്ടാകുക. നിലവില് സംസ്ഥാനത്ത് 82 രൂപയാണ് ഡീസലിന്റെ വില. വാറ്റ് കുറച്ചതോടെ ഇത് 73.64 രൂപയാകും. അതായത് ഒരു ലിറ്റര് ഡീസലിന് 8.36 പൈസ കുറയുമെന്ന് മുഖ്യമന്ത്രി അറിയിച്ചു. ദില്ലിയില് വില വര്ദ്ധനവിനിടെ പെട്രോളിനെ ഡീസല് മറികടന്നിരുന്നു.
സമ്പദ് വ്യവസ്ഥ
ദില്ലയിലെ സമ്പദ് വ്യവസ്ഥ പുനരുജ്ജീവിപ്പിക്കുന്നതിനായി സര്ക്കാര് നിരവധി നടപടികള് സ്വീകരിച്ചെന്നാണ് മുഖ്യമന്ത്രി പറയുന്നത്. ഇതിന്റെ ഭാഗമായി വ്യവസായ ഗ്രൂപ്പുകളും വിദഗ്ദരുമായുള്ള വീഡിയോ കോണ്ഫറന്സ് നടത്തുമെന്നും അദ്ദേഹം വ്യക്തമാക്കി. തൊഴില് അന്വേഷിക്കുന്നവര്ക്ക് പെട്ടെന്ന് ജോലി ലഭ്യമാക്കാന് തൊഴിലുടമകളെ ചേര്ത്ത് ഒരു പോര്ട്ടല് ആരംഭിച്ചിരുന്നെന്നും കേജ്രിവാള് വ്യക്തമാക്കി.
സ്വാഗതം ചെയ്ത് ജനങ്ങള്
അതേസമയം, സര്ക്കാരിന്റെ പുതിയ തീരുമാനത്തിന് മികച്ച ജനപിന്തുണയാണ് ലഭിക്കുന്നത്. ഡീസല് വില വര്ദ്ധിച്ചത് ജനങ്ങളെ ഈ കൊവിഡ് കാലത്ത് വല്ലാതെ വലച്ചിരുന്നു. എട്ട് രൂപ ഒരു ലിറ്റര് ഡീസലില് കുറയുന്നത് ജനങ്ങള്ക്ക് വലിയ ആശ്വാസമായിരിക്കും
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google