Click it and Unblock the Notifications
Just In
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ജനിച്ചത് ഇരട്ടകള്‍... മരിച്ചെന്ന് വിധിയെഴുതി ആശുപത്രി, പിന്നീട് സംഭവിച്ചത് ഞെട്ടിക്കും!!
ദില്ലിയിലെ സ്വകാര്യ ആശുപത്രിയിലാണ് സംഭവം നടന്നത്
ദില്ലി: സ്വകാര്യ ആശുപത്രിയിലെ ഡോക്ടര്‍മാര്‍ക്കു സംഭവിച്ചത് ഗുരുതര വീഴ്ച. രാജ്യ തലസ്ഥാനമായ ദില്ലിയാണ് ഞെട്ടിക്കുന്ന സംഭവം നടന്നത്. ഡോക്ടര്‍മാര്‍ മരിച്ചെന്നു വിധിയെഴുതിയ ഇരട്ട കുഞ്ഞുങ്ങളില്‍ ഒരാള്‍ക്കു സംസ്‌കാര ചടങ്ങിനായി കൊണ്ടു പോവുന്നതിനിടെ ജീവന്‍ വയ്ക്കുകയായിരുന്നു. ദില്ലിയിലെ ഷാലിമാര്‍ ബാഗിലുള്ള മാക്‌സ് ആശുപത്രിയിലാണ് വിവാദ സംഭവം നടന്നത്.
വ്യാഴാഴ്ചയാണ് മാക്‌സ് ആശുപത്രിയില്‍ വച്ച് ദമ്പതികള്‍ക്കു ഇരട്ടക്കുഞ്ഞുങ്ങള്‍ ജനിച്ചത്. ഒന്ന് ആണ്‍കുട്ടിയും മറ്റൊന്നു പെണ്‍കുട്ടിയുമായിരുന്നു. മണിക്കൂറുകള്‍ക്കകം പെണ്‍കുഞ്ഞ് മരിച്ചതായി ഡോക്ടര്‍മാര്‍ ബന്ധുക്കളെ അറിയിക്കുകയായിരുന്നു. മാസം തികയാതെ ജനിച്ചതിനാല്‍ ആണ്‍കുട്ടിയുടെ ആരോഗ്യസ്ഥിതി ഗുരുതരമാണെന്നും ഡോക്ടര്‍മാര്‍ അറിയിച്ചു. തുടര്‍ന്നു കുഞ്ഞിനെ തീവ്ര പരിചരണ വിഭാഗത്തിലേക്ക് മാറ്റുകയും ചെയ്തു. എന്നാല്‍ മണിക്കൂറുകള്‍ക്കുള്ളില്‍ ഈ കുഞ്ഞും മരിച്ചതായി ഡോക്ടര്‍മാര്‍ രക്ഷിതാക്കളെ അറിയിക്കുകയായിരുന്നു. തുടര്‍ന്നു രണ്ടു പ്ലാസ്റ്റിക് ബാഗുകളിലാക്കി കുഞ്ഞുങ്ങളുടെ ശരീരം ബന്ധുക്കള്‍ക്കു കൈമാറുകയും ചെയതു.
ശവസംസ്‌കാര ചടങ്ങുകള്‍ക്കായി കൊണ്ടു പോവുന്നതിനിടെയാണ് ആണ്‍കുട്ടിയെ സൂക്ഷിച്ച കവര്‍ ഇളകുന്നതായി കണ്ടത്. ഉടന്‍ തന്നെ കുഞ്ഞിനെ ആശുപത്രിയിലേക്ക് കൊണ്ടു പോവുകയായിരുന്നു. വിദഗ്ധ ചികില്‍സയ്ക്കു ശേഷം ഈ കുഞ്ഞ് ഇപ്പോള്‍ സുഖം പ്രാപിച്ചു വരുന്നതായി രക്ഷിതാക്കള്‍ അറിയിച്ചു. മരിച്ച പെണ്‍കുഞ്ഞിന്റെ സംസ്‌കാര ചടങ്ങുകള്‍ നടത്തിയ ശേഷം രക്ഷിതാക്കള്‍ പോലീസ് സ്‌റ്റേഷനിലെത്തി പരാതി നല്‍കുകയായിരുന്നു. സംഭവം വിവാദമായതോടെ കുഞ്ഞുങ്ങള്‍ മരിച്ചെന്നു വിധിയെഴുതിയ ഡോക്ടറെ ആശുപത്രിയില്‍ അവധിയില്‍ പ്രവേശിപ്പിച്ചിരിക്കുകയാണ്. സംഭവം തങ്ങളെ ഞെട്ടിച്ചെന്നും വിശദമായി അന്വേഷിക്കുമെന്നും ആശുപത്രി അധികൃതര്‍ അറിയിച്ചു. ദില്ലി പോലീസും സംഭവത്തെക്കുറിച്ച് അന്വേഷണം ആരംഭിച്ചു കഴിഞ്ഞു. സംഭവം ഞെട്ടിക്കുന്നതാണെന്നും വലിയ വീഴ്ചയാണ് സംഭവിച്ചിരിക്കുന്നതെന്നും പോലീസ് ചൂണ്ടിക്കാട്ടി.
