8 വര്ഷം കൊണ്ട് റെക്കോഡ് യാത്രകള്; നരേന്ദ്ര മോദി എത്ര രാജ്യങ്ങളില് പോയിട്ടുണ്ടെന്നറിയാമോ?
ന്യൂദല്ഹി: പ്രധാനമന്ത്രി നരേന്ദ്രമോദി സെപ്തംബര് 17 ന് തന്റെ 72-ാം ജന്മദിനം ആഘോഷിക്കുകയാണ്. പ്രധാനമന്ത്രി പദത്തില് തന്റെ എട്ടാമത്തെ വര്ഷമാണ് നരേന്ദ്ര മോദി പിന്നിടുന്നത്. പ്രധാനമന്ത്രിയായതിന് ശേഷം നരേന്ദ്ര മോദി ഏറ്റവും കൂടുതല് തവണ പരിഹസിക്കപ്പെട്ടത് അദ്ദേഹത്തിന്റെ വിദേശ യാത്രയുടെ പേരിലായിരുന്നു.
എന്നാല് 8 വര്ഷത്തെ ഭരണകാലത്ത് ഉടനീളം ലോകമെമ്പാടും ശ്രദ്ധാകേന്ദ്രമാകാന് മോദിക്ക് ഈ യാത്രകള് സഹായിച്ചു എന്ന് നിസംശയം പറയാം. കഴിഞ്ഞ എട്ട് വര്ഷത്തിനിടെ, ലോകമെമ്പാടുമുള്ള 60-ലധികം രാജ്യങ്ങളിലായി 110 തവണയാണ് നരേന്ദ്ര മോദി വിദേശ സന്ദര്ശനങ്ങള് നടത്തിയത്. ആ സന്ദര്ശനങ്ങള് ഏതൊക്കെയാണെന്ന് നോക്കാം.
തന്റെ രണ്ടാം ടേമില് രണ്ട് വര്ഷം ശേഷിക്കെ, പ്രധാനമന്ത്രിയായി മോദി ഇതിനകം 117 തവണ വിദേശ സന്ദര്ശനങ്ങള് നടത്തി. അദ്ദേഹത്തിന്റെ മുന്ഗാമിയായ മന്മോഹന് സിംഗ് പ്രധാനമന്ത്രി സ്ഥാനത്തെ തന്റെ രണ്ട് ടേമിലും കൂടി ആകെ 73 സന്ദര്ശനങ്ങള് ആണ് നടത്തിയത്. ഏറ്റവും കൂടുതല് തവണ മോദി സന്ദര്ശിച്ച രാജ്യം അമേരിക്കയാണ്.
ഏഴ് തവണയാണ് പ്രധാനമന്ത്രി അമേരിക്കയിലെത്തിയത്. ഫ്രാന്സ്, ജര്മ്മനി, റഷ്യ, ചൈന എന്നിവിടങ്ങളില് 5 തവണ വീതം പ്രധാനമന്ത്രി സന്ദര്ശിച്ചിട്ടുണ്ട്. 2014 ല് അധികാരമേറ്റ മോദിക്ക് 2015 ലാണ് വിദേശയാത്രകളില് ഏറ്റവും തിരക്കേറിയ വര്ഷമായത്. ഈ കാലയളവില് 28 രാജ്യങ്ങളാണ് മോദി സന്ദര്ശിച്ചത്.
2018ലും പ്രധാനമന്ത്രി മോദി 20 വിദേശ സന്ദര്ശനങ്ങള് നടത്തിയിരുന്നു. 2019 ല് ലോക്സഭാ തിരഞ്ഞെടുപ്പ് നടന്ന വര്ഷമായിരുന്നതിനാല് ആ വര്ഷം സന്ദര്ശനങ്ങളുടെ എണ്ണം 14 ആയി കുറഞ്ഞു. കൊവിഡ് മഹാമാരി സമയത്ത് പ്രധാനമന്ത്രിയുടെ വിദേശ സന്ദര്ശനങ്ങള് ഗണ്യമായി കുറഞ്ഞു. 2020 മുതല് പ്രധാനമന്ത്രി മോദി ഏഴ് രാജ്യങ്ങള് സന്ദര്ശിച്ചു.
2020 ല് ലോകത്തിന്റെ ഭൂരിഭാഗവും ലോക്ക്ഡൗണിലേക്ക് നീങ്ങിയപ്പോള് പ്രധാനമന്ത്രി മോദി ഒരു രാജ്യം പോലും സന്ദര്ശിച്ചിരുന്നില്ല. ടെക്സാസിലെ ഹൂസ്റ്റണില് ആയിരക്കണക്കിന് അനുയായികളെ അഭിസംബോധന ചെയ്യുന്നത് മുതല് ബ്രിട്ടനിലെയും ഓസ്ട്രേലിയയിലെയും നിറഞ്ഞ പാര്ലമെന്റുകളെ അഭിസംബോധന ചെയ്യുന്നത് വരെ, മോദി തന്റെ സന്ദര്ശനങ്ങളില് നിരവധി ഐതിഹാസിക നിമിഷങ്ങള് സൃഷ്ടിച്ചു.
കാബൂളില് നിന്ന് മടങ്ങിയെത്തിയ പ്രധാനമന്ത്രി മോദി അപ്രതീക്ഷിതമായി പാകിസ്ഥാന് സന്ദര്ശിച്ചതാണ് വേറിട്ട മറ്റൊരു സന്ദര്ശനം. എന്നിരുന്നാലും, അതിര്ത്തി കടന്നുള്ള ആക്രമണങ്ങളുടെ പേരില് ബന്ധം വഷളായതിനാല് 2015 മുതല് പ്രധാനമന്ത്രി മോദി അയല് രാജ്യം സന്ദര്ശിച്ചിട്ടില്ല.
Click it and Unblock the Notifications
Sign in with Google