Click it and Unblock the Notifications
Just In
Don't Miss
-
റിസ്ത മാത്രമല്ല, ഫാമിലികള്ക്ക് പറ്റിയ മറ്റൊരു ഇവി കൂടി വരുന്നുണ്ട്! അരങ്ങേറ്റത്തിന് ഇനി ദിവസങ്ങള് മാത്രം -
സര്പ്പശാപം തീര്ക്കാനെത്തുന്ന ഭക്തര്, നിഗൂഢത നിറഞ്ഞ കുക്കെ സുബ്രഹ്മണ്യ സ്വാമി ക്ഷേത്രം -
ഭാര്യയുടെ സഹോദരൻ ഇന്നും എന്നെ കുറ്റക്കാരനായി കാണുന്നു; ദേവയാനിയുമായും സംസാരമില്ല; നകുലിനെക്കുറിച്ച് രാജകുമാരൻ -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
IPL 2024: ചാഹലിനെ ആര്സിബിയ്ക്ക് നഷ്ടപ്പെട്ടത് ആ മണ്ടത്തരം കാരണം; ലേലത്തില് നടന്നത് എന്ത്? വെളിപ്പെടുത്തല് -
വാങ്ങിയ ഉടൻ തന്നെ ഉപയോഗിക്കരുത്; പുത്തൻ ലാപ്ടോപ്പിൽ ഇക്കാര്യങ്ങൾ ആദ്യം ചെയ്യണം -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
കര്‍ഷക സമരം എട്ട് മാസങ്ങള്‍ കൂടി നീളും, മെയ് പത്തിന് ശേഷം സമരം ശക്തിപ്പെടുമെന്ന് തികായത്
ദില്ലി: കര്‍ഷക സമരം എട്ട് മാസങ്ങള്‍ കൂടി നീളുമെന്ന് ഭാരതീയ കിസാന്‍ യൂണിയന്‍ വക്താവും കര്‍ഷക സമര നേതാവുമായ രാകേഷ് തികായത്. ഈ സമരം തങ്ങളുടെ ഭൂമിയെ സംബന്ധിച്ചും അവകാശങ്ങളെ സംബന്ധിച്ചും ഉളളതാണെന്ന് രാകേഷ് തികായത് പ്രതികരിച്ചു. മെയ് പത്തിന് ശേഷം കര്‍ഷക സമരം കൂടുതല്‍ ശക്തിപ്പെടും. കര്‍ഷകര്‍ അതുവരെ വിളകള്‍ കൊയ്യുമെന്നും രാകേഷ് തികായത് പറഞ്ഞു.
ഫെബ്രുവരിയില്‍ നടത്താനിരുന്ന പാര്‍ലമെന്റ് മാര്‍ച്ച് വീണ്ടും നടത്താനിരിക്കുകയാണ് കര്‍ഷകര്‍. മെയ് ആദ്യപകുതിയില്‍ പാര്‍ലമെന്റിലേക്ക് കര്‍ഷകര്‍ മാര്‍ച്ച് നടത്തുമെന്ന് സംയുക്ത കിസാന്‍ മോര്‍ച്ച കഴിഞ്ഞ ദിവസം പ്രഖ്യാപിച്ചിരുന്നു. ദില്ലിയിലെ മൂന്ന് പ്രധാന സമര കേന്ദ്രങ്ങളായ തിക്രി, സിംഘു, ഗാസിപ്പൂര്‍ എന്നിവിടങ്ങളില്‍ നിന്നാണ് കര്‍ഷകര്‍ പാര്‍ലമെന്റിലേക്ക് മാര്‍ച്ച് നടത്തുക. മാര്‍ച്ചിന്റെ തിയ്യതി പ്രഖ്യാപിച്ചിട്ടില്ല.
കര്‍ഷകരെ കൂടാതെ തൊഴില്‍രഹിതരായ യുവാക്കള്‍, സ്ത്രീകള്‍, വിദ്യാര്‍ത്ഥികള്‍ അടക്കമുളളവരും പാര്‍ലമെന്റ് മാര്‍ച്ചിന്റെ ഭാഗമാവും എന്നാണ് കര്‍ഷക സംഘടനാ നേതാക്കള്‍ വ്യക്തമാക്കുന്നത്. കഴിഞ്ഞ നാല് മാസങ്ങളായി ദില്ലി അതിര്‍ത്തിയില്‍ ആയിരക്കണക്കിന് കര്‍ഷകര്‍ സമരത്തിലാണ്. കേന്ദ്ര സര്‍ക്കാര്‍ പാസ്സാക്കിയ വിവാദ കാര്‍ഷിക നിയമങ്ങള്‍ പിന്‍വലിക്കണം എന്നാവശ്യപ്പെട്ടാണ് സമരം നടക്കുന്നത്. പല തവണ കേന്ദ്ര സര്‍ക്കാര്‍ കര്‍ഷകരുമായി ഇതിനകം ചര്‍ച്ച നടത്തിയെങ്കിലും ഫലമുണ്ടായിട്ടില്ല.
കേന്ദ്ര സര്‍ക്കാര്‍ കാര്‍ഷിക നിയമങ്ങള്‍ പിന്‍വലിക്കാന്‍ തയ്യാറല്ലെന്ന നിലപാടിലാണ്. നിയമത്തില്‍ ചില ഭേദഗതികള്‍ വരുത്താന്‍ തയ്യാറാണ് എന്നും കേന്ദ്ര സര്‍ക്കാര്‍ പറയുന്നു. എന്നാല്‍ നിയമം പൂര്‍ണമായും പിന്‍വലിക്കാതെ സമരത്തില്‍ നിന്ന് പിന്നോട്ടില്ലെന്ന നിലപാടിലാണ് കര്‍ഷകരുളളത്. റിപ്പബ്ലിക് ദിനത്തില്‍ കര്‍ഷകര്‍ ദില്ലിയിലേക്ക് നടത്തിയ മാര്‍ച്ചില്‍ സംഘര്‍ഷമുണ്ടായതിന് ശേഷം കര്‍ഷകരുമായി കേന്ദ്ര സര്‍ക്കാര്‍ ചര്‍ച്ച നടത്തിയിരുന്നില്ല.
