അന്തര്വാഹിനി പദ്ധതിയില് നിന്ന് പിന്മാറി ഫ്രാന്സ്: പ്രഖ്യാപനം മോദിയുടെ സന്ദര്ശനത്തിന് തൊട്ടുമുമ്പ്
ദില്ലി: പ്രധാനമന്ത്രിയുടെ സന്ദര്ശത്തിന് തൊട്ടുമുമ്പ് നിര്ണായകമായ അന്തര്വാഹിനികള് ആഭ്യന്തരമായി നിര്മ്മിക്കുന്ന പ്രോജക്റ്റില് നിന്നും പിന്മാറി ഫ്രാന്സ്. എയര് ഇന്ഡിപെന്ഡന്റ് പ്രൊപ്പല്ഷനുമായി ബന്ധപ്പെട്ട നിര്ദ്ദേശത്തില് (ആര്എഫ്പി) പരാമര്ശിച്ചിരിക്കുന്ന വ്യവസ്ഥകള് കാരണം, ഇന്ത്യന് നാവികസേനയ്ക്കായുള്ള ആറ് പരമ്പരാഗത അന്തര്വാഹിനികള് ആഭ്യന്തരമായി നിര്മ്മിക്കുന്ന പി -75 ഐ പദ്ധതിയില് പങ്കെടുക്കാന് കഴിയില്ലെന്ന് ഫ്രാന്സിന്റെ നേവല് ഗ്രൂപ്പ് അറിയിക്കുകയായിരുന്നു.
പ്രധാനമന്ത്രി നരേന്ദ്ര മോദിയുടെ പാരീസ് സന്ദര്ശനത്തിന് ഒരു ദിവസം മുമ്പാണ് നേവല് ഗ്രൂപ്പിന്റെ പ്രഖ്യാപനം. അതേസമയം, അടുത്തിടെ വീണ്ടും തിരഞ്ഞെടുക്കപ്പെട്ട ഫ്രഞ്ച് പ്രസിഡന്റ് ഇമ്മാനുവല് മാക്രോണുമായി പ്രധാനമന്ത്രി നരേന്ദ്ര മോദി കൂടിക്കാഴ്ച നടത്തും. പരമ്പരാഗത അന്തര്വാഹിനിയെ കൂടുതല് നേരം ഉയര്ന്ന വേഗതയില് വെള്ളത്തില് മുങ്ങിക്കിടക്കാന് അനുവദിക്കുന്ന സാങ്കേതിക വിദ്യയാണ് എ ഐ പി സിസ്റ്റം.
കഴിഞ്ഞ വര്ഷം ജൂണില്, പ്രതിരോധ മന്ത്രാലയം പി 75 ഐ പദ്ധതിക്ക് അനുമതി നല്കുകയും തുടര്ന്ന്, ഷോര്ട്ട്ലിസ്റ്റ് ചെയ്ത രണ്ട് ഇന്ത്യന് കമ്പനികള്ക്ക് ആര് എഫ് പി നല്കുകയും ചെയ്തിരുന്നു. സ്വകാര്യ കമ്പനിയായ ലാര്സന് ആന്ഡ് ടൂബ്രോ, സര്ക്കാര് നടത്തുന്ന മസഗാവ് ഡോക്സ് ലിമിറ്റഡ് എന്നിവയായിരുന്നു ആ കമ്പനികള്. അതിനൂതനമായ എയര് ഇന്ഡിപെന്ഡന്റ് പ്രൊപ്പല്ഷന് സൗകര്യങ്ങളോട് കൂടിയ ആറ് അന്തര്വാഹിനികള് നിര്മ്മിക്കുന്നതിന് 43,000 കോടി രൂപയാണ് ചെലവ്. അന്തര്വാഹിനികള് തദ്ദേശിയമായി നിര്മ്മിക്കുന്നതിനാണ് പദ്ധതി ലക്ഷ്യമിട്ടത്. നയതന്ത്ര പങ്കാളിത്ത മാതൃകയുടെ കീഴില് അംഗീകാരം ലഭിക്കുന്ന ആദ്യ പദ്ധതിയാണിത്.
അതേസമയം, മൂന്ന് ദിവസത്തെ വിദേശ സന്ദര്ശനത്തിനായി പ്രധാനമന്ത്രി നരേന്ദ്ര മോദി തിങ്കളാഴ്ച പുറപ്പെട്ടിരുന്നു. ജര്മ്മനി, ഡെന്മാര്ക്ക്, ഫ്രാന്സ് എന്നീ രാജ്യങ്ങളാണ് പ്രധാനമന്ത്രി സന്ദര്ശിക്കുക. ഇപ്പോള് പ്രധാനമന്ത്രി ജര്മ്മിനിയിലാണ്. ബര്ലിന് ബ്രാന്ഡന്ബര്ഗ് വിമാനത്താവളത്തിലെത്തിയ പ്രധാനമന്ത്രി ഊഷ്മളമായ വരവേല്പ്പാണ് ഇന്ത്യന് സമൂഹം നല്കിയത്. ജര്മന് ചാന്സലര് ഓലാഫ് ഷോള്സിന്റെ ക്ഷണം സ്വീകരിച്ചാണ് മോദി ബര്ലിനിലെത്തിയത്.
-
ചൂടേറുന്നു, ആരോഗ്യം കുറയുന്നു: 2050-ഓടെ ഇന്ത്യയെ കാത്തിരിക്കുന്ന കൊടും ഭീഷണി -
'മോഹൻലാൽ ആ സിനിമയുടെ ചിത്രീകരണ വേളയിൽ അസ്വസ്ഥനായിരുന്നു, പഴി മുഴുവൻ വിദ്യ ബാലന് കിട്ടി'; ശാന്തിവിള ദിനേശ് -
സ്വര്ണം ഇടിഞ്ഞു വീണു; ഇന്ന് സ്വര്ണവിലയില് വന് കുറവ്, ആഭരണം വാങ്ങാം, പവന് വില അറിയാം -
ഖത്തര് ഞെട്ടി; യൂറോപ്പും ഏഷ്യയും ഞെരുങ്ങും, ഒന്നും അറിഞ്ഞില്ലെന്ന് ട്രംപ്, ഇറാന്റെ കൈവിട്ട നീക്കം -
നീചഭംഗ രാജയോഗം ജീവിതം മാറ്റി മറിക്കും; ഈ രാശിക്കാരുടെ പ്രണയം പൂവണിയും..! സാമ്പത്തികമായി നല്ല കാലം -
സ്വർണ വില 1 ലക്ഷത്തിന് താഴേക്കോ അതോ 2 ലക്ഷത്തിന് മുകളിലേക്കോ? സ്വർണം കൈയ്യിലുള്ളവർ അറിയാൻ -
തൊഴിലില് അപ്രതീക്ഷിത മാറ്റങ്ങള്, സാഹസികമായി പ്രവര്ത്തിക്കും, സര്ക്കാര് ആനുകൂല്യം ലഭിക്കും, നാൾഫലം -
സ്വര്ണം എവിടെപോയി നില്ക്കും; ഇന്ന് രണ്ടാംതവണയും വില കുറഞ്ഞു, സ്വര്ണ പ്രേമികള്ക്ക് സന്തോഷം -
ബെംഗളൂരുവില് വര്ക്ക് ഫ്രം ഹോം; സാമ്പത്തിക ലാഭം 10000 രൂപയിലേറെ; കണക്കുകള് നിരത്തി ടെക്കി യുവാവ് -
ബുധനും സൂര്യനും ചേർന്നാൽ നല്ല കാലം; ഈ രാശിക്കാരുടെ പ്രണയജീവിതം സുഖകരം, കൈകളിൽ പണം നിറയും! -
ബെംഗളൂരുവില് രണ്ടാമതൊരു വിമാനത്താവളം യാഥാര്ത്ഥ്യമാകുമോ? ഡികെ ശിവകുമാറിന് കേന്ദ്രത്തിന്റെ മറുപടി -
ബെംഗളൂരുവിൽ ഇനി എത്ര മഴ വന്നാലും പേടിക്കേണ്ട; നടപടികൾ ശക്തമാക്കി ജിബിഎ, 2000 കോടിയുടെ പദ്ധതി
Click it and Unblock the Notifications
Sign in with Google