ഗുലാം നബി പുതിയ പടയോട്ടം തുടങ്ങി; ജമ്മു നിറച്ച് ബാനറുകള്... സുപ്രധാന പ്രഖ്യാപനം ഇന്ന്
ന്യൂഡല്ഹി: കോണ്ഗ്രസില് നിന്ന് രാജിവച്ച മുതിര്ന്ന നേതാവ് ഗുലാം നബി ആസാദ് ഇന്ന് പുതിയ പാര്ട്ടി പ്രഖ്യാപിച്ചേക്കും. ജമ്മുവില് മഹാറാലി സംഘടിപ്പിച്ചിരിക്കുകയാണ് അദ്ദേഹം. റാലിയില് തന്റെ പാര്ട്ടി പ്രഖ്യാപിക്കുമെന്നാണ് റിപ്പോര്ട്ടുകള്. കോണ്ഗ്രസില് നിന്ന് പുറത്തുവന്ന ശേഷം ആസാദ് നടത്തുന്ന ആദ്യ പൊതു പരിപാടിയാണിന്ന്. ഡല്ഹിയില് നിന്ന് രാവിലെ അദ്ദേഹം ജമ്മുവിലെത്തും. സൈനിക് കോളനിയിലാണ് സമ്മേളനം നടക്കുക എന്ന് മുന് മന്ത്രി ജിഎം സരൂരി പറഞ്ഞു.
ആസാദ് കോണ്ഗ്രസ് വിട്ടതോടെ കൂടെ രാജിവച്ചവരാണ് സരൂരി ഉള്പ്പെടെയുള്ള നേതാക്കള്. ഇവരെല്ലാം ആസാദിനൊപ്പം ഉറച്ചുനില്ക്കുകയാണ്. ജമ്മു കശ്മീരില് പുതിയ പാര്ട്ടി രൂപീകരിച്ച് സംസ്ഥാന രാഷ്ട്രീയത്തില് നിറയാനാണ് തീരുമാനം. നേരത്തെ കശ്മീര് മുഖ്യമന്ത്രിയായിരുന്ന വ്യക്തി കൂടിയാണ് ആസാദ്. ദേശീയ രാഷ്ട്രീയത്തില് സജീവമായതോടെ പ്രവര്ത്തന കേന്ദ്രം ഡല്ഹിയിലേക്ക് മാറ്റുകയായിരുന്നു. കഴിഞ്ഞ അമ്പത് വര്ഷേേത്താളം കോണ്ഗ്രസിന്റെ ഭാഗമായിരുന്നു അദ്ദേഹം.
ജമ്മു വിമാനത്താവള വഴിയില് ആസാദിനെ സ്വാഗതം ചെയ്തുള്ള ബാനറുകളും ബോര്ഡുകളും നിറഞ്ഞിരിക്കുകയാണ്. 20000 പേര്ക്ക് ഇരിക്കാനുള്ള സൗകര്യം സമ്മേളന നഗരിയില് ഒരുക്കിയിട്ടുണ്ട്. ആസാദിനെ പിന്തുണച്ച് കോണ്ഗ്രസ് വിട്ട എല്ലാവരും റാലിക്കെത്തും. ഇന്ന് 3000 പേര് ആസാദിനൊപ്പം ചേരുന്നതായി സമ്മേളന നഗരിയില് വച്ച് പ്രഖ്യാപിക്കും. ഇവര്ക്ക് പ്രത്യേക ഇരിപ്പിടം ഒരുക്കിയിട്ടുണ്ട്. ആസാദ് ഗ്രൗഡിലെത്തുന്ന വേളയില് എല്ലാവരും കൈ ഉയര്ത്തിക്കാട്ടി പിന്തുണ പ്രഖ്യാപിക്കാനാണ് തീരുമാനം. ശനിയാഴ്ച കോണ്ഗ്രസില് നിന്ന് രാജിവച്ച മുന് എംഎല്എ അശോക് ശര്മ, ആസാദിന്റെ പാര്ട്ടിയില് ചേരുമെന്നാണ് റിപ്പോര്ട്ട്.
2005 മുതല് 2008 വരെ കശ്മീര് മുഖ്യമന്ത്രിയായിരുന്നു ആസാദ്. അദ്ദേഹത്തെ വീണ്ടും മുഖ്യമന്ത്രിയാക്കാനാണ് തങ്ങളുടെ പ്രവര്ത്തനമെന്ന് സരൂരി പറഞ്ഞു. കശ്മീരില് തിരഞ്ഞെടുപ്പ് വോട്ടര് പട്ടിക തയ്യാറാക്കുന്ന അന്തിമ ഘട്ടത്തിലാണ്. നവംബര് 25ന് പട്ടിക തയ്യാറായാല് നിയമസഭാ തിരഞ്ഞെടുപ്പിന് കശ്മീര് ഒരുങ്ങും. കശ്മീരിന്റെ സംസ്ഥാന പദവി തിരിച്ചുകിട്ടണമെന്ന ആവശ്യമുള്ളവരാണ് ആസാദും കൂട്ടരും.
ആസാദ് ബിജെപിയില് ചേരാന് സാധ്യതയുണ്ടെന്ന് ചില കോണ്ഗ്രസ് നേതാക്കള് പ്രചരിപ്പിച്ചിരുന്നു. എന്നാല് ഇക്കാര്യം തള്ളുകയാണ് ആസാദ് ചെയ്തത്. രാഷ്ട്രീയ എതിരാളികളോട് സംസാരിച്ചാല് ഡിഎന്എ മാറില്ല എന്നായിരുന്നു അദ്ദേഹത്തിന്റെ പ്രതികരണം. പ്രധാനമന്ത്രി നരേന്ദ്ര മോദിയെ പുകഴ്ത്തി ആസാദ് സംസാരിച്ചിരുന്നു. താന് പ്രതീക്ഷിച്ച പോലെ കഠിന ഹൃദയനല്ല മോദി എന്നാണ് ആസാദ് പറഞ്ഞത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google