ആം ആദ്മിക്ക് കഴിയില്ല; കോണ്ഗ്രസിനെ കൊണ്ട് സാധിക്കും; പുകഴ്ത്തി ഗുലാം നബി ആസാദ്
ദില്ലി: ഹിമാചല് പ്രദേശിലെയും ഗുജറാത്തിലെയും വരാനിരിക്കുന്ന നിയമസഭാ തിരഞ്ഞെടുപ്പുകളില് കോണ്ഗ്രസിന് മാത്രമേ ബി ജെ പിയെ വെല്ലുവിളിക്കാന് സാധിക്കുകയുള്ളുവെന്ന് മുന് കോണ്ഗ്രസ് നേതാവ് ഗുലാം നബി ആസാദ്. ആം ആദ്മി പാര്ട്ടി കേവലം ദില്ലിയിലെ മാത്രം പാര്ട്ടിയായതിനാല് ബി ജെ പിയെ വെല്ലുവിളിക്കാന് സാധിക്കില്ലെന്നും അദ്ദേഹം കൂട്ടിച്ചേര്ത്തു. മാസങ്ങള്ക്ക് മുമ്പാണ് കോണ്ഗ്രസ് പാര്ട്ടിയുമായുള്ള ബന്ധം ഗുലാം നബി ആസാദ് വിച്ഛേദിച്ചത്.
അതേസമയം, താന് കോണ്ഗ്രസ് പാര്ട്ടിയുടെ മതേതരത്വ നിലപാടിന് എതിരല്ലെന്നും മറിച്ച് അതിന്റെ ദുര്ബലമായ പാര്ട്ടി സംവിധാനത്തിനാണെന്നും ആസാദ് പറഞ്ഞു. 'ഞാന് കോണ്ഗ്രസില് നിന്ന് വേര്പിരിഞ്ഞെങ്കിലും അവരുടെ മതേതരത്വ നയത്തിന് എതിരായിരുന്നില്ല. പാര്ട്ടിയുടെ സംഘടന സംവിധാനങ്ങള് ക്ഷയിച്ചതുകൊണ്ട് മാത്രമായിരുന്നു. ഗുജറാത്ത്, ഹിമാചല് പ്രദേശ് തിരഞ്ഞെടുപ്പുകളില് കോണ്ഗ്രസ് മികച്ച പ്രകടനം കാഴ്ച വയ്ക്കണമെന്നാണ് തനിക്ക് ആഗ്രഹമെന്നും അദ്ദേഹം കൂട്ടിച്ചേര്ത്തു.
പ്രത്യക്ഷത്തില് കോണ്ഗ്രസിനെ പിന്തുണയ്ക്കുന്ന പ്രസ്താവനയാണ് ഗുലാം നബി ആസാദ് നടത്തിയത്. അതേസമയം, ആം ആദ്മി പാര്ട്ടിക്കെതിരെ വിമര്ശനമാണ് ഗുലാം നബി ആസാദ് ഉന്നയിച്ചത്. പഞ്ചാബില് ജയിച്ചതുകൊണ്ട് ആ മാറ്റം മറ്റ് സംസ്ഥാനങ്ങളില് നടന്നെന്ന് വരില്ല. പഞ്ചാബിലെ ജനങ്ങള് ഇപ്പോള് ആം ആദ്മി സര്ക്കാരിനെ പിന്തുണയ്ക്കുന്നില്ലെന്ന് ഗുലാം നബി ആസാദ് പറഞ്ഞു.
കേന്ദ്ര ഭരണ പ്രദേശമായ ദില്ലിയിലെ രാഷ്ട്രീയ പാര്ട്ടി മാത്രമാണ് ആം ആദ്മി. അവര്ക്ക് പഞ്ചാബിനെ ഫലപ്രദമായി കൈകാര്യം ചെയ്യാന് കഴിയുന്നില്ല. ഗുജറാത്തിലും ഹിമാചല് പ്രദേശിലും ബി ജെ പിയെ നേരിടാന് കോണ്ഗ്രസിന് മാത്രമേ കഴിയൂ. ജമ്മു കശ്മീരിന്റെ സംസ്ഥാന പദവി പുനഃസ്ഥാപിക്കുന്ന കാര്യം കേന്ദ്രം പരിഗണിച്ചേക്കുമെന്ന ധനമന്ത്രി നിര്മല സീതാരാമന്റെ അഭിപ്രായത്തോടും അദ്ദേഹം പ്രതികരിച്ചു.
താന് ഈ വിഷയം നിരവധി തവണ ഉന്നയിച്ചിട്ടുണ്ടെന്നും കേന്ദ്ര സര്ക്കാരിന്റെ ഏത് നടപടിയും പ്രശംസിക്കപ്പെടുമെന്നും ഗുലാം നബി ആസാദ് പറഞ്ഞു. അതേസമയം, കോണ്ഗ്രസ് വിട്ടതിന് ശേഷം ഗുലാം നബി ആസാദ് പുതിയ പാര്ട്ടി പ്രഖ്യാപിച്ചു. 'ഡെമോക്രാറ്റിക് ആസാദ് പാര്ട്ടി' എന്നാണ് പാര്ട്ടിയുടെ പുതിയ പേര്. പുതിയ പാര്ട്ടിയുടെ കൊടിയും ഗുലാം നബി ആസാദ് വാര്ത്താസമ്മേളനത്തില് പുറത്തുവിട്ടിരുന്നു.
ആഗസ്റ്റ് 26 നായിരുന്നു ഗുലാം നബി ആസാദ്് കോണ്ഗ്രസ് വിട്ടത്. കോണ്ഗ്രസിലെ 'ഗ്രൂപ്പ് ഓഫ് 23' നേതാവ് എന്ന നിലയില് പാര്ട്ടി പുനഃസംഘടിപ്പിക്കാന് ശ്രമിച്ച 23 മുതിര്ന്ന നേതാക്കളില് ആസാദും ഉള്പ്പെട്ടിരുന്നു. അദ്ദേഹം പാര്ട്ടി വിട്ടതിന് പിന്നാലെ വലിയൊരു വിഭാഗം നേതാക്കള് പാര്ട്ടി വിട്ടിരുന്നു.
-
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ -
തിരുവനന്തപുരത്ത് ജോലി ഒഴിവ്; 20,000ത്തിന് മുകളിൽ ശമ്പളം..അപേക്ഷിക്കാം -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന്
Click it and Unblock the Notifications
Sign in with Google