ഹനുമാന് ജനിച്ചത് കര്ണാടകയിലോ മഹാരാഷ്ട്രയിലോ? സന്യാസിമാരുടെ യോഗത്തില് കലഹം
മുംബൈ: ഹനുമാന്റെ ജന്മസ്ഥലം സംബന്ധിച്ച് സന്യാസിമാര്ക്കിടയില് തര്ക്കം. ഹനുമാന് ജനിച്ചത് മഹാരാഷ്ട്രയിലെ നാസികിലാണ് എന്ന് ഒരു വിഭാഗം വാദിച്ചപ്പോള് കര്ണാടകയിലെ കിഷ്കിണ്ഡയിലാണ് എന്ന് മറുഭാഗം വാദിച്ചു. ഇരുവിഭാഗവും തങ്ങളുടെ വാദത്തില് ഉറച്ച് നിന്നതോടെ ബഹളമായി. ഒടുവില് സംഘര്ഷാവസ്ഥ രൂപപ്പെട്ടു. പോലീസിന്റെ അവസരോചിത ഇടപെടലാണ് വലിയ കുഴപ്പമില്ലാതെ യോഗം പിരിച്ചുവിട്ടത്.
ശാസ്ത്രര്ഥ സഭ എന്ന പേരില് സന്യാസിമാരും ബുദ്ധിജീവികളും പങ്കെടുത്ത യോഗം നാസികില് ചൊവ്വാഴ്ചയാണ് നടന്നത്. കിഷ്കിണ്ഡയില് നിന്നു വന്ന സന്യാസി ദണ്ഡസ്വാമി ഗോവിന്ദാനനന്ദ സരസ്വതി മഹാരാജ്, ഹനുമാന്റെ ജന്മസ്ഥലം കിഷ്കിണ്ഡയാണെന്ന് വാദിച്ചതോടെയാണ് ബഹളമായത്. മഹാരാഷ്ട്രയില് നിന്നുള്ള സന്യാസിമാര് ഇതിനെ ശക്തമായി എതിര്ത്തു. ഗോവിന്ദാനന്ദ സരസ്വതിയുടെ വാദത്തിനെതിരെ പ്രദേശവാസികള് പ്രതിഷേധം സംഘടിപ്പിക്കുക കൂടി ചെയ്തതോടെ കാര്യങ്ങള് കൈവിടുമെന്നായി.
ഗോവിന്ദാനന്ദ സരസ്വതി യോഗം നടക്കുന്ന വേദിയിലേക്ക് രഥയാത്ര സംഘടിപ്പിച്ചിരുന്നു. ഇതിന് പോലീസ് അനുമതി നല്കിയില്ല. വിവാദ വാദങ്ങള് ഉന്നയിച്ച് സംഘര്ഷ സാഹചര്യമുണ്ടാക്കരുതെന്ന് പോലീസ് അദ്ദേഹത്തിന് നോട്ടീസ് നല്കുകയും ചെയ്തിരുന്നു. നാസിക്കിലുള്ള സന്യാസിരമായ സുധീര്ദാസ് മഹാരാജ്, ശാന്താറാം ശാസ്ത്രി ഭനോസി, ഭക്തി ചര്ദാസ് മഹാരാജ് എന്നിവരും ചര്ച്ചയില് പങ്കെടുത്തു. നാസികിലെ അഞ്ജനേരിയിലാണ് ഹനുമാന് ജനിച്ചതെന്ന് ഇവര് വാദിക്കുന്നു. ഇതിന് ബലമേകുന്ന ചില പുസ്തകങ്ങളും ഇവര് ഹാജരാക്കി.
എന്നാല് വാല്മീകി രാമായണം ഉദ്ധരിച്ചാണ് ഗോവിന്ദാനന്ദ് സരസ്വതി ഇതിന് മറുപടി നല്കിയത്. കിഷ്കിണ്ഡയാണ് ഹനുമാന്റെ ജന്മസ്ഥലം എന്ന് അദ്ദേഹം ആവര്ത്തിക്കുകയും ചെയ്തു. ഇരുവിഭാഗവും തങ്ങളുടെ വാദത്തില് ഉറച്ച് നിന്നതോടെ ബഹളമായി. ഗോവിന്ദാനന്ദ് സരസ്വതിയെ മറ്റു സന്യാസിമാര് ഭീഷണിപ്പെടുത്തി. അദ്ദേഹം ആക്രമിക്കപ്പെടുമെന്ന സാഹചര്യമായി. ഇതോടെയാണ് പോലീസ് ഇടപെട്ടത്. ഗോവിന്ദാനന്ദ സരസ്വതിയെ പോലീസ് മറ്റൊരു മുറിയിലേക്ക് വേഗത്തില് മാറ്റുകയായിരുന്നു. എല്ലാവരും യോഗ ഹാള് വിട്ട് പുറത്തുപോകണമെന്ന് പോലീസ് അന്ത്യശാസനം നല്കി. ശേഷം സന്യാസിമാരെ സുരക്ഷിതമായ കേന്ദ്രത്തിലേക്ക് മാറ്റുകയും ചെയ്തു.
ഇതോടെ ഹനുമാന്റെ ജന്മസ്ഥലം എവിടെ എന്ന ചോദ്യത്തിന് ഉത്തരമായില്ല. മഹാരാഷ്ട്രയിലും കര്ണാടകയിലും ഹനുമാന് ജനിച്ചുവെന്ന വാദം ഒരിക്കലും നിലനില്ക്കില്ലല്ലോ എന്നാണ് ചില സന്യാസിമാര് പ്രതികരിച്ചത്. ഏതെങ്കിലും ഒരു സ്ഥലത്താണ് ജനനം നടന്നിരിക്കുക. രണ്ടു വിഭാഗവും അവരുടേതായ രേഖകള് ഹാജരാക്കുകയും വാദത്തില് ഉറച്ച് നില്ക്കുകയും ചെയ്തതോടെ ശാസ്ത്രര്ഥ സഭ പോലീസ് പിരിച്ചുവിടുകയായിരുന്നു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google