Click it and Unblock the Notifications
Just In
Don't Miss
-
റെഡ്മിയുടെ 5 സ്മാർട്ട്ഫോണുകൾക്ക് വില കുറഞ്ഞു; 2 എണ്ണത്തിന് വില 10000 രൂപയിൽ താഴെ മാത്രം -
മോഹൻലാലിന്റെ വക്കീലായി സിനിമയിൽ തുടക്കം, ഇപ്പോൾ 40 ലക്ഷം രൂപയുടെ ഇന്നോവ മുതലാളിയായി നടി -
ചാണക്യനീതി: എല്ലാവര്ക്കുമുണ്ട് ഒരു കഷ്ടകാലം, ജീവിതം നശിക്കാതിരിക്കാന് 7 കാര്യം -
IPL 2024: ഇംപാക്ട് പ്ലെയര് ബൗളര്മാരെ ദുര്ബലരാക്കുന്നു; ബാറ്റിംഗിനെ സഹായിക്കുന്നുവെന്ന് ബുംറ -
ശരീരത്തില് അടയാളങ്ങളുണ്ടെങ്കില് കാണിക്കണം, തനിച്ച് വരണം; കാസ്റ്റിംഗ് കൗച്ചിനെക്കുറിച്ച് നടി -
സെല്ലോ വേൾഡ്, ജസ്റ്റ് ഡയൽ ഉൾപ്പെടെ 5 ഓഹരികൾ, ലാഭം വേണമെങ്കിൽ ഇപ്പോൾ വാങ്ങാം, നോക്കുന്നോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
മോദിയുടെ വേലക്കാരല്ല ഞങ്ങള്‍, ബംഗാളിനെ തിരഞ്ഞുനോക്കിയില്ല, കടുത്ത ആരോപണങ്ങളുമായി മമത
Recommended Video
കൊല്‍ക്കത്ത: ഫാനി കൊടുങ്കാറ്റ് വീശിയടിച്ച ബംഗാളില്‍ സ്ഥിതിഗതികള്‍ അന്വേഷിക്കുന്നതിനായി പ്രധാനമന്ത്രി നരേന്ദ്ര മോദി മമതാ ബാനര്‍ജിയെ വിളിച്ചിട്ടും അവര്‍ ഫോണെടുത്തില്ലെന്ന് കഴിഞ്ഞ ദിവസം പ്രധാനമന്ത്രിയുടെ ഓഫീസ് പറഞ്ഞിരുന്നു. ഈ വിഷയത്തില്‍ ഇപ്പോള്‍ മറുപടിയുമായി രംഗത്തെത്തിയിരിക്കുകയാണ് മമത. ബംഗാളില്‍ നാടകം കളിക്കുന്നത് മോദി അവസാനിപ്പിക്കണമെന്ന് മമത പറഞ്ഞു. സോഷ്യല്‍ മീഡിയ പബ്ലിസിറ്റിക്കാണ് മോദി ശ്രമിക്കുന്നതെന്നും, ബംഗാളിന് മോദിയുടെ സഹതാപം വേണ്ടെന്നും മമത പറഞ്ഞു.
നേരത്തെ തിരഞ്ഞെടുപ്പ് റാലിയില്‍, താന്‍ മമതയുമായി സംസാരിക്കാന്‍ ശ്രമിച്ചിരുന്നുവെന്നും, എന്നാല്‍ അവര്‍ ധാര്‍ഷ്ട്യം കാരണം താനുമായി സംസാരിച്ചില്ലെന്ന് മോദി ആരോപിച്ചിരുന്നു. അവര്‍ തിരിച്ചുവിളിക്കുമെന്ന് വിചാരിച്ചിരുന്നു. എന്നാല്‍ അതുണ്ടായില്ല. ബംഗാളിനെ കുറിച്ച് ആശങ്കകള്‍ ഉള്ളത് കൊണ്ട് മമതയെ താന്‍ വീണ്ടും വിളിച്ചിരുന്നു. എന്നാല്‍ അവര്‍ തന്റെ ഫോണ്‍ എടുത്തില്ലെന്നും മോദി ആരോപിച്ചിരുന്നു.
ബംഗാളില്‍ രാഷ്ട്രീം കളിക്കുകയാണ് മോദി. അദ്ദേഹത്തിന് റാലി നടത്താന്‍ സാധിക്കുമെങ്കില്‍ എന്തുകൊണ്ട് എന്നെ വന്ന് കാണാന്‍ സമയം ലഭിച്ചില്ല. മുഖ്യമന്ത്രിയില്ലാതെ ചീഫ് സെക്രട്ടറിയെയും മുതിര്‍ന്ന ഉദ്യോഗസ്ഥരെയും മാത്രമാണ് യോഗത്തിന് വിളിച്ചത്. ഇത്തരം നാടകങ്ങളൊന്നും ബംഗാളില്‍ കളിക്കാന്‍ നോക്കേണ്ട. കാലാവധി കഴിയുന്ന പ്രധാനമന്ത്രി നിങ്ങള്‍ ആ സ്ഥാനത്തിരിക്കാന്‍ യോഗ്യനല്ല. ഞങ്ങള്‍ നിങ്ങളുടെ ദയ വേണ്ടെന്നും മമത പറഞ്ഞു.
പ്രധാനമന്ത്രി കലൈകുണ്ടത്തില്‍ റാലിക്കായി എത്തിയതിന് ശേഷം മാത്രമാണ് ബംഗാള്‍ സര്‍ക്കാരുമായി സംസാരിക്കാന്‍ തീരുമാനിച്ചത്. ഞങ്ങള്‍ മോദിയുടെ വേലക്കാരല്ല. കേന്ദ്ര സര്‍ക്കാരില്‍ നിന്ന് ഒരു സഹായവും ബംഗാളിന് ലഭിച്ചത്. പ്രധാനമന്ത്രിയുടെ ഓഫീസ് ഫാനി കൊടുങ്കാറ്റിന്റെ സാഹചര്യത്തില്‍ യോഗം വിളിച്ചിട്ടുണ്ടെങ്കില്‍ അതില്‍ ബംഗാള്‍ ഉണ്ടാവുമായിരുന്നു. എന്നാല്‍ അതുണ്ടായില്ല. ഗവര്‍ണറെയാണ് മോദി വിളിച്ചത്. എന്തുകൊണ്ടാണ് മുഖ്യമന്ത്രിയെ വിളിക്കാതിരുന്നതെന്നും മമത ചോദിച്ചു.
