മെഹ്ബൂബ മുഫ്തി വീണ്ടും വീട്ടുതടങ്കലില്; വീഡിയോ പങ്ക് വച്ചു, പ്രധാന ഗേറ്റ് അടച്ചെന്ന് മകള്
ശ്രീനഗര്: ജമ്മു കശ്മീര് മുന് മുഖ്യമന്ത്രിയും പിഡിപി നേതാവുമായ മെഹ്ബൂബ മുഫ്തി വീണ്ടും വീട്ടുതടങ്കലില്. താന് വീട്ടുതടങ്കലിലാണെന്നും പുറത്തിറങ്ങാന് അനുവദിക്കുന്നില്ലെന്നും കാണിച്ച് മെഹ്ബൂബ വീഡിയോ സന്ദേശം പുറത്തുവിട്ടു. മെഹ്ബൂബയുടെ മകള് ഇലിത്തിജയും ഇക്കാര്യം പറഞ്ഞു. ബദ്ഗാമിലെ കുടിയൊഴിപ്പിക്കപ്പെട്ട ഗുജ്ജാര് സമുദായക്കാരെ സന്ദര്ശിക്കാന് പോകുന്നതിന് തൊട്ടുമുമ്പാണ് പോലീസ് എത്തി ഗേറ്റ് അടച്ചത് എന്ന് മകള് പറയുന്നു.
വന ഭൂമിയില് നിന്ന് ഒട്ടേറെ ഗുജ്ജാര് കുടുംബങ്ങളെ പോലീസ് കഴിഞ്ഞ ദിവസം ഒഴിപ്പിച്ചിരുന്നു. വീടിന്റെ കവാടം പുതിയ താഴിട്ട് പൂട്ടിയതിന്റെ വീഡിയോ മെഹ്ബൂബ പങ്കുവച്ചു. പ്രതിപക്ഷത്തെ ഇല്ലാതാക്കാന് കേന്ദ്രസര്ക്കാര് നിയമവിരുദ്ധമായ തടവ് പതിവാക്കിയിരിക്കുകയാണെന്ന് മെഹ്ബൂബ പറഞ്ഞു. പ്രതിപക്ഷത്തിന്റെ ശബ്ദം ഇല്ലാതാക്കാനാണ് സര്ക്കാര് ശ്രമം. യാതൊരു ചോദ്യവുമില്ലാതെ കശ്മീരിലെ ജനങ്ങളെ അടിച്ചമര്ത്തുകയാണ് സര്ക്കാര് എന്നും മെഹ്ബൂബ ആരോപിച്ചു.
കഴിഞ്ഞ വര്ഷം ആഗസ്റ്റ് അഞ്ചിനാണ് ജമ്മു കശ്മീരിന്റെ പ്രത്യേക പദവി കേന്ദ്രസര്ക്കാര് റദ്ദാക്കിയത്. കശ്മീരിനെ രണ്ട് കേന്ദ്ര ഭരണപ്രദേശങ്ങളാക്കി മാറ്റുകയും ചെയ്തു. കശ്മീരും ലഡാക്കും. കശ്മീരില് നിയമസഭയോട് കൂടിയ കേന്ദ്ര ഭരണമാകും. ലഡാക്കില് കേന്ദ്രം നേരിട്ട് ഭരിക്കും. കശ്മീരിന്റെ പ്രത്യേക പദവി റദ്ദാക്കുന്നതിന് തൊട്ടുമുമ്പ് മെഹ്ബൂബ ഉള്പ്പെടെയുള്ള കശ്മീരിലെ എല്ലാ മത-രാഷ്ട്രീയ നേതാക്കളെയും സര്ക്കാര് തടവിലാക്കിയിരുന്നു. പിന്നീട് മാസങ്ങള്ക്ക് ശേഷം ഘട്ടങ്ങളായി മോചിപ്പിച്ചു. അടുത്തിടെയാണ് മെഹ്ബൂബയെ മോചിപ്പിച്ചത്.
എന്നാല് താന് വീണ്ടും തടവിലാക്കപ്പെട്ടു എന്ന് മെഹ്ബൂബ പറയുന്നു. നവംബര് 26നും മെഹ്ബൂബയെ പോലീസ് തടഞ്ഞിരുന്നു. എന്ഐഎ അറസ്റ്റ് ചെയ്ത പിഡിപി യുവജന വിഭാഗം നേതാവ് വഹീദ് പാരയെ സന്ദര്ശിക്കാന് തീരുമാനിച്ചപ്പോഴാണ് തടഞ്ഞത്. പാര്ലമെന്റ് തിരഞ്ഞെടുപ്പില് ഹിസ്ബുല് മുജാഹിദീനിന്റെ സഹായം തേടി എന്നാരോപിച്ച് വഹീദിനെ അറസ്റ്റ് ചെയ്തിരുന്നു. ഇപ്പോള് ഗുജ്ജാര് കുടുംബങ്ങളെ സന്ദര്ശിക്കാന് പോകവെ വീണ്ടും തടവിലാക്കി എന്നാണ് മെഹ്ബൂബ പറയുന്നത്. എന്നാല് പോലീസ് ഇത് നിഷേധിച്ചു. സുരക്ഷാ കാരണങ്ങളാണ് യാത്ര തടയുക മാത്രമാണ് ചെയ്തതെന്നും വീട്ടുതടങ്കലിലല്ലെന്നും പോലീസ് പറഞ്ഞു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google