Click it and Unblock the Notifications
Just In
Don't Miss
-
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
അപ്പോളോ ആശുപത്രിയില്‍ വന്‍ കിഡ്‌നി റാക്കറ്റ് പിടിയില്‍
ദില്ലി: ദില്ലിയിലെ ഇന്ദ്രപ്രസ്ഥ അപ്പോളോ ആശുപത്രിയില്‍വെച്ച് വന്‍ കിഡ്‌നി റാക്കറ്റ് പോലീസ് പിടിയിലായി. കിഡ്‌നി റാക്കറ്റുമായി ബന്ധപ്പെട്ട് ആറുപേരെയാണ് പോലീസ് പിടികൂടിയത്. ആശുപത്രിയിലെ ഒരു ഡോക്ടറുടെ രണ്ട് പെഴ്‌സണല്‍ സ്റ്റാഫും അറസ്റ്റിലായവരില്‍ ഉള്‍പ്പെടുന്നു.
രഹസ്യ വിവരത്തിന്റെ അടിസ്ഥാനത്തില്‍ കഴിഞ്ഞദിവസം വൈകുന്നേരമാണ് പ്രതികള്‍ പിടിയിലായത്. ഇടനിലക്കാരായ അസിം, സത്യപ്രകാശ്, ദേബാശിഷ്, എന്നിവരെക്കൂടാതെ ആശുപത്രി ജീവനക്കാരായ ആദിത്യ, ശൈലേഷ് എന്നിവരാണ് അറസ്റ്റിലായത്. കിഡ്‌നി ആവശ്യമുള്ളവരുമായി ഇടനിലക്കാരെ ബന്ധിപ്പിക്കുന്നത് ആദിത്യ ശൈലേഷ് എന്നിവരാണ്.
കിഡ്‌നി ഡോണേഴ്‌സിനെ കണ്ടെത്തിക്കഴിഞ്ഞാല്‍ അവര്‍ക്ക് 3-4 ലക്ഷം രൂപവരെയാണ് നല്‍കുന്നത്. പിന്നീടിത് 25-30 ലക്ഷം രൂപയ്ക്ക് വിറ്റഴിക്കുന്നു. ഇടനിലക്കാര്‍ക്ക് 1-2 ലക്ഷം രൂപവരെയാണ് ലഭിക്കുന്നതെന്നാണ് വിവരം. കഴിഞ്ഞ ആറുമാസത്തിനുള്ളില്‍ ഇത്തരത്തിലുള്ള 5 ഇടപാടുകളെങ്കിലും നടന്നിട്ടുണ്ടെന്ന് പോലീസ് പറയുന്നു.
അതേസമയം, ആശുപത്രിയിലെ ഡോക്ടര്‍മാര്‍ക്കോ മാനേജ്‌മെന്റിനോ കിഡ്‌നി ഇടപാടുമായി ബന്ധമുണ്ടെന്ന് കണ്ടെത്തിയിട്ടില്ല. ആശുപത്രി രേഖകള്‍ പോലീസ് കസ്റ്റഡിയിലെടുത്ത് പരിശോധിച്ചുവരികയാണ്. വിശദമായ അന്വേഷണത്തിനുശേഷം മാത്രമേ കൂടുതല്‍ വിവരങ്ങള്‍ പുറത്തുവിടാന്‍ കഴിയുകയുള്ളൂവെന്ന് പോലീസ് അറിയിച്ചു. സരിത വിഹാര്‍ പോലീസ് സ്‌റ്റേഷനില്‍ കേസ് രജിസ്റ്റര്‍ ചെയ്തിട്ടുണ്ട്.
