കൊടിക്കുന്നില് സുരേഷ് ഡെപ്യൂട്ടി സ്പീക്കറാകുമോ? കോണ്ഗ്രസ് കരുനീക്കം തുടങ്ങി, ബിജെപി ഉടക്കിട്ടാല്
ദില്ലി: ലോക്സഭയില് ഡെപ്യൂട്ടി സ്പീക്കര് പദവി ഏറെ കാലമായി ഒഴിഞ്ഞുകിടക്കുകയാണ്. രാജ്യസഭയില് ഡെപ്യൂട്ടി ചെയര്മാന്റെ പദവിയും ഒഴിഞ്ഞു കിടക്കുന്നു. ഈ രണ്ടിലേക്കും ഉടന് തിരഞ്ഞെടുപ്പ് നടന്നേക്കും. ലോക്സഭാ ഡെപ്യൂട്ടി സ്പീക്കര് പദവിയിലേക്ക് തിരഞ്ഞെടുപ്പ് നടത്തണമെന്നാവശ്യപ്പെട്ട് സ്പീക്കര് ഓം ബിര്ളക്ക് കോണ്ഗ്രസ് കത്ത് നല്കിയിട്ടുണ്ട്.
സാധാരണ പ്രതിപക്ഷത്തിന് ലഭിക്കുന്ന പദവികളാണിത്. പക്ഷേ, പ്രതിപക്ഷത്തിന് നല്കണമെന്ന് നിര്ബന്ധവുമില്ല. ബിജെപി മനസു വച്ചാല് മാത്രമേ ഈ പദവി കോണ്ഗ്രസിന് ലഭിക്കൂ. വിശദാംശങ്ങള് ഇങ്ങനെ....
കോണ്ഗ്രസ് ആവശ്യം
പാര്ലമെന്റിന്റെ മണ്സൂണ് സമ്മേളനം ആരംഭിക്കാന് പോകുകയാണ്. രാജ്യസഭാ ഡെപ്യൂട്ടി ചെയര്മാനെ തിരഞ്ഞെടുക്കാനുള്ള നീക്കം ബിജെപി തുടങ്ങിയിരുന്നു. ഈ വേളയിലാണ് ലോക്സഭയില് ഡെപ്യൂട്ടി സ്പീക്കര് പദവിയിലേക്ക് തിരഞ്ഞെടുപ്പ് വേണമെന്ന് കോണ്ഗ്രസ് ആവശ്യപ്പെട്ടിരിക്കുന്നത്.
ഒരു വര്ഷം പിന്നിട്ടു
2019ലെ പൊതു തിരഞ്ഞെടുപ്പ് മുതല് ഒഴിഞ്ഞു കിടക്കുകയാണ് ലോക്സഭാ ഡെപ്യൂട്ടി സ്പീക്കര് പദവി. പുതിയ സര്ക്കാര് നിയമിതമായാല് ഡെപ്യൂട്ടി സ്പീക്കര് പദവി നികത്തണമെന്നാണ് ചട്ടം. സമവായത്തിലൂടെയോ തിരഞ്ഞെടുപ്പിലൂടെയോ ഡെപ്യൂട്ടി സ്പീക്കറെ കണ്ടെത്താം. ലോക്സഭാ കോണ്ഗ്രസ് നേതാവ് അധിര് രഞ്ജന് ചൗധരി തിരഞ്ഞെടുപ്പ് വേണമെന്നാവശ്യപ്പെട്ട് സ്പീക്കര്ക്ക് കത്ത് നല്കിയിരിക്കുകയാണിപ്പോള്.
ബിജെപി കനിയണം
ചട്ടങ്ങള് പ്രകാരം ഡെപ്യൂട്ടി സ്പീക്കര് പദവി പ്രതിപക്ഷത്തിനാണ് ലഭിക്കേണ്ടത് എന്ന് അധിര് രഞ്ജന് ചൗധരി പറയുന്നു. സപ്തംബര് 14 മുതലാണ് മണ്സൂണ് സമ്മേളനം ആരംഭിക്കുന്നത്. ബിജെപിക്ക് മൃഗീയ ഭൂരിപക്ഷമുണ്ട് ലോക്സഭയില്. ബിജെപി സ്ഥാനാര്ഥിയെ നിര്ത്തിയാല് കോണ്ഗ്രസ് മോഹം പൊലിയും.
കൊടിക്കുന്നില് സുരേഷ്
കൊടിക്കുന്നില് സുരേഷിനെ ഡെപ്യൂട്ടി സ്പീക്കറാക്കണമെന്നാണ് കോണ്ഗ്രസ് ആഗ്രഹിക്കുന്നത്. ഇക്കാര്യത്തില് ആദ്യം പ്രതിപക്ഷ നിരയില് ഐക്യമുണ്ടാകണം. കോണ്ഗ്രസ് കരുനീക്കം ആരംഭിച്ചുകഴിഞ്ഞു. 7 തവണ എംപിയായ വ്യക്തിയാണ് കൊടിക്കുന്നില് സുരേഷ്. കോണ്ഗ്രസ് ചീഫ് വിപ്പുമാണ്. നിലവില് സ്പീക്കര് പാനലിലുമുണ്ട്.
യുപിഎ ഭരണത്തില് ചെയ്തത്
നിര്ത്തുന്ന സ്ഥാനാര്ഥിയെ ജയിപ്പിക്കാന് കോണ്ഗ്രസിന് അംഗബലമില്ല. പ്രതിപക്ഷ നിരയില് ഐക്യമുണ്ടാക്കാന് സാധിക്കണം. മാത്രമല്ല, ബിജെപി മല്സരക്കാതിരിക്കുകയും വേണം. യുപിഎ ഭരണത്തില് അന്നത്തെ പ്രതിപക്ഷത്തിന് ഡെപ്യൂട്ടി സ്പക്കര് പദവി വിട്ടുകൊടുത്തിരുന്നു. 2004ല് ചരഞ്ജിത് സിങ് അത്വാള്, 2009ല് കരിയ മുണ്ട എന്നിവരാണ് ഡെപ്യൂട്ടി സ്പീക്കര്മാരായത്.
Recommended Video
ബിജെപി തയ്യാറായില്ല
എന്നാല് 2014ല് മുഖ്യ പ്രതിപക്ഷമായ കോണ്ഗ്രസിന് ഡെപ്യൂട്ടി സ്പീക്കര് പദവി കൈമാറാന് ബിജെപി തയ്യാറായിരുന്നില്ല. എഐഎഡിഎംകെ നേതാവ് എം തമ്പിദുരൈ ആണ് ഡെപ്യൂട്ടി സ്പീക്കറായത്. ബിജെപിയെ പ്രതിസന്ധി ഘട്ടങ്ങളില് പലപ്പോഴും സഹായിച്ച പാര്ട്ടിയാണ് എഐഎഡിഎംകെ. ഇത്തവണയും ബിജെപി അത്തരം നീക്കം നടത്തിയാല് കൊടിക്കുന്നിലിന് പദവി ലഭിക്കില്ല.
-
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
''കോൺഗ്രസ്സ് കേരളത്തിൽ മതരാഷ്ട്രം നടപ്പിലാക്കാൻ ശ്രമിച്ചാലും അത്ഭുതപ്പെടാനില്ല..'', തുറന്നടിച്ച് അഖിൽ മാരാർ -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
കേരളത്തിൽ വേനൽ കടുത്തു, ചൂടിന് ശമനമില്ല; പ്രതീക്ഷയായി വേനൽ മഴ, മറ്റന്നാൾ മുതൽ പെയ്യാൻ സാധ്യത -
യുഎഇയും ബഹ്റൈനും പിടിച്ചടക്കും; ഇറാന് റെഡി എന്ന് വിദഗ്ധന്, യുഎസ് ആ നീക്കം നടത്തിയാല് -
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ്
Click it and Unblock the Notifications
Sign in with Google