Click it and Unblock the Notifications
Just In
Don't Miss
-
41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി -
IPL 2024: റിഷഭാണ് കൂടുതല് മിടുക്കന്, സഞ്ജുവിന് ആ 2 കഴിവുമില്ല! തുറന്നടിച്ച് എബിഡി -
ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില് -
7000 രൂപ നിക്ഷേപിക്കാനുണ്ടോ? 12 ലക്ഷം റിട്ടേൺസ് നേടാം, കൂടുതൽ അറിയാം... -
'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു' -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
നമിത മുന്ദദ എന്‍സിപി വിട്ടു, ബീഡില്‍ സ്ഥാനാര്‍ത്ഥിയായത് ദിവസങ്ങള്‍ക്ക് മുമ്പ്.... ഇനി ബിജെപിയില്‍!!
ഔറംഗബാദ്: പ്രതിപക്ഷ നിരയില്‍ നിന്ന് നേതാക്കളുടെ കൊഴിഞ്ഞുപോക്ക് തുടരുന്നു. എന്‍സിപിയുടെ സ്ഥാനാര്‍ത്ഥിയും പ്രമുഖ നേതാവുമായ നമിത മുന്ദദ പാര്‍ട്ടി വിട്ട് ബിജെപിയില്‍ ചേര്‍ന്നിരിക്കുകയാണ്. അപ്രതീക്ഷിത നീക്കമായിരുന്നു. തിരഞ്ഞെടുപ്പിലെ സ്ഥാനാര്‍ത്ഥി തന്നെ ഈ സീസണില്‍ പാര്‍ട്ടി വിടുന്നത് ആദ്യമായിട്ടാണ്. ശരത് പവാറിന് വ്യക്തിപരമായുണ്ടായ തിരിച്ചടിയാണിത്.
അതേസമയം എന്‍ഫോഴ്‌സ്‌മെന്റ് കേസില്‍ നഷ്ടപ്പെട്ട ഊര്‍ജം തിരിച്ചുപിടിച്ചിരുന്നു പവാര്‍. ബിജെപിക്കെതിരെ പടയൊരുക്കവും തുടങ്ങിയിരുന്നു. എന്നാല്‍ നമിതയുടെ കൂറുമാറ്റം പവാര്‍ പ്രതീക്ഷിച്ചിരുന്നില്ല. ബീഡ് ജില്ലയിലെ ശക്തയായ നേതാവാണ് അവര്‍. ബിജെപി നേതാവും എംപിയുമായ പ്രീതം മുണ്ടെ മന്ത്രി പങ്കജ മുണ്ടെ എന്നിവര്‍ നമിത മുന്ദദെയെ പാര്‍ട്ടിയിലേക്ക് അംഗത്വം നല്‍കാനായി എത്തിയിരുന്നു.
എന്‍സിപി ഉറപ്പായും വിജയിക്കുമെന്ന് കരുതുന്ന മണ്ഡലമാണ് ബീഡ്. നമിതയുടെ ഭര്‍ത്താവിന്റെ അമ്മയായ വിമല്‍ മുന്ദദ എന്‍സിപിയുടെ മുന്‍ മന്ത്രിയാണ്. ബീഡിലെ കൈജ് മണ്ഡലത്തില്‍ നിന്നാണ് എന്‍സിപി ഇവരെ മത്സരിപ്പിക്കാന്‍ ഉദ്ദേശിച്ചിരുന്നത്. എന്നാല്‍ നേതൃത്വവുമായി അവര്‍ക്ക് പ്രശ്‌നങ്ങള്‍ നിലനിന്നിരുന്നുവെന്നാണ് സൂചന. നേതാക്കളുടെ പ്രവര്‍ത്തന രീതിയോടും അവര്‍ക്ക് എതിര്‍പ്പുണ്ടായിരുന്നു.
അതേസമയം ശരത് പവാര്‍ മറാത്ത് വാഡാ സന്ദര്‍ശന സമയത്താണ് നമിതയെ സ്ഥാനാര്‍ത്ഥിയാക്കിയത്. നമിതയെ കൈജില്‍ സ്ഥാനാര്‍ത്ഥിയാക്കാനാണ് ബിജെപി ഒരുങ്ങുന്നത്. നേരത്തെ എന്‍സിപി ടിക്കറ്റില്‍ ലോക്‌സഭാ തിരഞ്ഞെടുപ്പില്‍ ബിജെപിയുടെ സംഗീത തോമ്പാരെയ്‌ക്കെതിരെ ഇവര്‍ മത്സരിച്ചിരുന്നെങ്കിലും പരാജയപ്പെട്ടു. നേരത്തെ മത്സരിക്കാന്‍ സ്ഥാനാര്‍ത്ഥികള്‍ കുറവായത് കൊണ്ട് എന്‍സിപി സ്വന്തം സീറ്റുകള്‍ കോണ്‍ഗ്രസിന് നല്‍കുമെന്ന് സൂചനയുണ്ടായിരുന്നു. ഇതോടെ ബീഡും വിട്ടുനല്‍കിയേക്കുമെന്നാണ് സൂചന.
