പൂജയ്ക്കിടെ സിലിണ്ടര്‍ മാറ്റാന്‍ വിളിച്ചു; കലിപൂണ്ട ഭര്‍ത്താവ് ഭാര്യയെയും 3 മക്കളെയും കഴുത്തറുത്തു കൊന്നു

Updated: Tuesday, August 30, 2022, 17:05 [IST]

ഡെറാഡൂണ്‍: പൂജയ്ക്കിടെ ശല്യപ്പെടുത്തിയെന്ന് ആരോപിച്ച് 47കാരന്‍ സ്വന്തം ഭാര്യയെയും മൂന്ന് മക്കളെയും അമ്മയെയും കഴുത്തറുത്ത് കൊലപ്പെടുത്തി. ഉത്തരാഖണ്ഡിലെ റാണിപൊക്രി എന്ന സ്ഥലത്താണ് നാടിനെ ഞെട്ടിച്ച സംഭവം അരങ്ങേറിയത്. 36 വയസുള്ള ഭാര്യ 75 വയസുള്ള അമ്മ, 9, 11, 13 വയസുള്ള മക്കളെയുമാണ് ഇയാള്‍ ക്രൂരമായി കഴുത്തറുത്ത് കൊലപ്പെടുത്തിയത്. തിങ്കളാഴ്ച രാവിലെയുള്ള പൂജ ശല്യപ്പെടുത്തിയെന്ന് ആരോപിച്ചാണ് ഇയാള്‍ ഈ കൊടും ക്രൂരത ചെയ്തത്.

യുപിയിലെ ബന്ദ സ്വദേശിയായ മഹേഷ് കുമാറാണ് പ്രതി, എന്നാല്‍ കുടുംബം, ഭാര്യ നീതു ദേവി, അമ്മ ബീതന്‍ ദേവി, പെണ്‍മക്കളായ അപര്‍ണ, സ്വര്‍ണ, അന്നപൂര്‍ണ എന്നിവരോടൊപ്പം റാണിപോഖ്രിയിലെ നാഗഘെര്‍ ഏരിയയിലെ മൂത്ത സഹോദരന്‍ ഉമേഷിന്റെ വീട്ടില്‍ കഴിഞ്ഞ 10 വര്‍ഷമായി. താമസിച്ചു വരികയായിരുന്നു.

മൂത്ത മകള്‍, 15 വയസ്സുള്ള കൃഷ്ണ, ഋഷികേശില്‍ തന്റെ പിതൃസഹോദരിക്കൊപ്പം താമസിച്ചാണ് പഠിക്കുന്നത്. കൃഷ്ണ മാത്രമാണ് ഈ കുടുംബത്തില്‍ ജീവനോടെയുള്ള അംഗം. കഴിഞ്ഞ ഒരു ദശാബ്ദമായി ജോലിയില്ലാതെ തുടരുകയായിരുന്നു മഹേഷ് കുമാര്‍. വീട്ടില്‍ പ്രാര്‍ത്ഥനകള്‍ക്കും പൂജകള്‍ക്കുമായി തന്റെ കൂടുതല്‍ സമയവും നീക്കിവെക്കാറാണ് ഇയാളുടെ പതിവ്.

വെള്ളം കുടിക്കുന്നത് ശരിയായ രീതിയിലാണോ? അല്ലെങ്കില്‍ നിങ്ങള്‍ സൂക്ഷിക്കണം

സ്പെയിനില്‍ ജോലി ചെയ്യുന്ന സഹോദരന്‍ ഉമേഷ് ആണ് ഓരോ മാസത്തെ ചിലവിനായി പണം അയച്ചു നല്‍കുന്നത്. രാവിലെ 6.45 നും 7.15 നും ഇടയിലാണ് സംഭവം നടന്നതെന്ന് എസ് എസ് പി (ഡെറാഡൂണ്‍) ദലീപ് സിംഗ് കുന്‍വാര്‍ പറഞ്ഞു. തിങ്കളാഴ്ച രാവിലെ കുളികഴിഞ്ഞ് പൂജ നടത്തുന്നതിനിടെ പ്രഭാതഭക്ഷണം തയ്യാറാക്കുകയായിരുന്ന ഭാര്യ എല്‍പിജി സിലിണ്ടറിലെ ഇന്ധനം തീര്‍ന്നതിനാല്‍ മാറ്റാന്‍ കുമാറിനോട് ആവശ്യപ്പെട്ടു.

ഇതില്‍ പ്രകോപിതനായ കുമാര്‍ പൂജ തടസ്സപ്പെടുത്തിയെന്ന് ആരോപിച്ച് അടുക്കളയിലേക്ക് ഭാര്യയെയും കുടുംബാംഗങ്ങളെയും കൊലപ്പെടുത്തുകയായിരുന്നു. ഞങ്ങളുമായ്ി ഇവര്‍ അകല്‍ച്ചയിലാണെന്ന് കുമാറിന്റെ അയല്‍വാസിയും കൊലപാതകങ്ങളിലെ ദൃക്സാക്ഷിയുമായ സുബോധ് ജയ്സ്വാള്‍ പറഞ്ഞു. ഒമ്പതു വയസ്സുള്ള അന്നപൂര്‍ണയുടെ നിലവിളി കേട്ട് സഹായിക്കാന്‍ ഓടിയെത്തിയതായിരുന്നു ഇയാള്‍.

പ്രഭാത ജോലികളില്‍ മുഴുകിയിരിക്കുമ്പോള്‍ അന്നപൂര്‍ണയുടെ നിലവിളി കേട്ട. ഞങ്ങളെ രക്ഷിക്കൂ. പപ്പ അമ്മയെ കൊന്നു എന്ന നിലവിളയാണ് കേട്ടത്. തുടര്‍ന്ന് ഞാന്‍ വാതിലില്‍ മുട്ടി നോക്കിയെങ്കിലും ആരും തുറന്നില്ല. അതിനിടയില്‍ അന്നപൂര്‍ണയുടെ നിലവിളി ശക്തിപ്പെട്ടു. ഞാന്‍ പിന്നെ ഒരു ജനാലയുടെ അടുത്തേക്ക് ചെന്നു, അവള്‍ തറയില്‍ കിടന്നപ്പോള്‍ അവന്‍ അവളെ ക്രൂരമായി കുത്തുന്നത് കണ്ടെന്ന് സുബോധ് ജയ്സ്വാള്‍ പറഞ്ഞു.

ഈ സമയത്ത് അയാളുടെ ഭാര്യയുടെയും മറ്റ് മകളുടെയും മൃതദേഹങ്ങള്‍ രക്തത്തില്‍ കുളിച്ച് കിടക്കുന്നതും കണ്ടു. അന്നപൂര്‍ണയെ ഒഴിവാക്കണമെന്ന് ഞാന്‍ അവനോട് അപേക്ഷിച്ചു, പക്ഷേ അവന്‍ എന്റെ കണ്‍മുന്നില്‍ അവളുടെ കഴുത്ത് അറുത്തു. എന്നിട്ട് ജനലിനു നേരെ തിരിഞ്ഞ് എന്നോട് പോകുവാന്‍ കൈ കൊണ്ട് ആംഗ്യം കാണിച്ചു. ജനാല അകത്തു നിന്നും അടക്കുകയും ചെയ്‌തെന്ന് സുബോധ് ജയ്സ്വാള്‍ വ്യക്തമാക്കി.

അതേസമയം, അപ്രതീക്ഷിതമായ കൊലയില്‍ ഞെട്ടിയിരിക്കുകയാണ് ഈ ഗ്രാമം. സംഭവത്തിന് പിന്നാലെ പ്രതിയെ പൊലീസ് അറസ്റ്റ് ചെയ്തിട്ടുണ്ട്. മഹേഷ് കുമാര്‍ വലിയ ഈശ്വര വിശ്വാസിയാണ്. രാവിലെ ദിവസേന ഇയാള്‍ പൂജ നടത്താറുണ്ടെന്നാണ് വിവരം. അതില്‍ വന്ന തടസമാണ് ഈ ക്രൂര കൊലപാതകങ്ങള്‍ നടത്താന്‍ അയാളെ പ്രേരിപ്പിച്ചത്.