ഭാര്യയെ സുഖപ്പെടുത്താന് മന്ത്രവാദിയുടെ നിര്ദ്ദേശ പ്രകാരം ഭര്ത്താവ് നാല് പെണ്കുട്ടികളെ കൊന്നു
ആഗ്ര: വ്യാജ മന്ത്രവാദികളുടെ ചതിക്കുഴിയില് അകപ്പെടുന്ന സ്ത്രീകളുടെ വാര്ത്തകള് എത്രയോ കേട്ടിരിക്കുന്നു. എന്നാല് അടുത്തിടെ ആഗ്രയില് നടന്നത് ഇതില് നിന്നും വ്യത്യസ്തമാണ്. ഇവിടെ മനോരോഗിയായ ഭാര്യയെ സുഖപ്പെടുത്താന് ഭര്ത്താവ് കൊലപാതകിയാകുന്ന അവസ്ഥയാണ്.
ഭാര്യയുടെ മനോനില നേരയാകണമെങ്കില് മറ്റ് പെണ്കുട്ടികളെ കൊല്ലണമെന്ന് മന്ത്രവാദിനി പറയുന്നു. മന്ത്രവാദിയുടെ നിര്ദ്ദേശ പ്രകാരം യുവാവ് കൊലപ്പെടുത്തിയത് നാല് പെണ്കുട്ടികളെ. ഇയാളെ ആഗ്ര പോലീസ് അറസ്റ്റ് ചെയ്തു. പ്രായപൂര്ത്തിയാകാത്ത ഏഴ് പെണ്കുട്ടികളെ കൊലപ്പെടുത്താനായിരുന്നു മന്ത്രവാദിയുടെ നിര്ദ്ദേശം.
കൊലപ്പെടുത്തുന്നതിനുമുന്പ് ഇയാള് പെണ്കുട്ടികളെ പീഡിപ്പിക്കുകയും ചെയ്തിട്ടുണ്ടെന്ന് പോലീസ് വ്യക്തമാക്കുന്നു. പന്ത്രണ്ടുകാരിയെ കൊലപെടുത്തിയ കേസിലാണ് ഇപ്പോള് ഇയാളെ അറസ്റ്റു ചെയ്തിരിക്കുന്നത്. പോലീസിന്റെ ചോദ്യം ചെയ്യലിനിടയിലാണ് ഇയാള് ഞെട്ടിപ്പിക്കുന്ന വെളിപ്പെടുത്തല് നടത്തിയത്.
ഇയാള് സോനു എന്ന പേരിലാണ് അറിയപ്പെടുന്നത്. ഇയാള്ക്കൊപ്പം സഹായത്തിനായി സുഹൃത്തും ഉണ്ടായിരുന്നു. സുഹൃത്തായ ലാലുവ ബാല്മീകിയെ കഴിഞ്ഞ ദിവസം ജനങ്ങള് പോലീസ് സ്റ്റേഷനില് നിന്നും പിടിച്ചിറക്കി തല്ലിക്കൊല്ലുകയും ചെയ്തിരുന്നു. 2010 മുതലാണ് ഇയാള് കൊല ചെയ്യാന് തുടങ്ങുന്നത്. 14 ഉം 12 ഉം 9 ഉം വയസ് പ്രായം വരുന്ന പെണ്കുട്ടികളെയാണ് ഇയാള് കൊന്നിരിക്കുന്നത്.