ബിജെപിയാണ് ഏറ്റവും വലിയ മതേതര പാര്ട്ടി; ബിജെപിയുടെ ഏക മുസ്ലീം സ്ഥാനാര്ത്ഥി പറയുന്നു
ഇംഫാല്: രാജ്യത്തെ മറ്റേതൊരു പാര്ട്ടിയേക്കാളും മതേതരമാണ് ബി ജെ പിയെന്ന് മണിപ്പൂരില് ലിലോംഗ് മണ്ഡലത്തിലെ പാര്ട്ടി സ്ഥാനാര്ത്ഥി വൈ അന്താസ് ഖാന്. മണിപ്പൂരിന് പുറമെ പഞ്ചാബ്, ഗോവ, ഉത്തരാഖണ്ഡ്, ഉത്തര്പ്രദേശ് എന്നിവടങ്ങളിലും നിലവില് വോട്ടെടുപ്പ് നടക്കുന്നുണ്ട്. ഈ അഞ്ച് സംസ്ഥാനങ്ങളിലെ നിയമസഭാ തിരഞ്ഞെടുപ്പില് പാര്ട്ടി നിര്ത്തിയ ഏക മുസ്ലീം സ്ഥാനാര്ത്ഥിയാണ് അന്താസ് ഖാന്. കോണ്ഗ്രസിനേക്കാള് മതേതരമാണ് ബി ജെ പിയെന്ന് അന്താസ് ഖാന് പറയുന്നു. ബിജെ പിയ്ക്ക് മുസ്ലീം വിരുദ്ധ ടാഗ് ഇട്ടിരിക്കുന്നത് കോണ്ഗ്രസ് ആണെന്നും അദ്ദേഹം കൂട്ടിച്ചേര്ത്തു.
ബി ജെ പിയിലെ മുസ്ലീം നേതൃത്വത്തിന്റെ അഭാവമാണ് പാര്ട്ടിയെ 'മുസ്ലിം വിരുദ്ധമോ ഹിന്ദു കേന്ദ്രീകൃതമോ ആയി കണക്കാക്കുന്നതിന്റെ പ്രധാന കാരണമെന്ന് അദ്ദേഹം സമ്മതിച്ചു. പാര്ട്ടി. തുടക്കത്തില് എനിക്കും ഇതേ സംശയം ഉണ്ടായിരുന്നു. എന്നാല് ഞാന് ബി ജെ പിയില് ചേര്ന്ന് അതിന്റെ സംവിധാനത്തിലേക്ക് പ്രവേശിച്ച ശേഷം, മറ്റേതൊരു പാര്ട്ടിയേക്കാളും ബി ജെ പി മതേതരമാണെന്ന് കണ്ടെത്തി, അദ്ദേഹം അവകാശപ്പെടുന്നു. തൗബാല് ജില്ലയിലെ ലിലോംഗ് അസംബ്ലി മണ്ഡലത്തില് മുസ്ലീം സമുദായമാണ് കൂടുതലായി ഉള്ളത്. താഴ്വരയിലെ തദ്ദേശീയരായ മണിപ്പൂരി മുസ്ലിംകളെ 'പംഗല്' അല്ലെങ്കില് 'മെയ്തേയ് പംഗല്' എന്നാണ് വിളിക്കുന്നത്.
മണിപ്പൂര് ബി ജെ പിയിലെ മികച്ച നേതൃത്വം കാരണം ഭരണകക്ഷിയായ ബി ജെ പിക്കെതിരെ മൈതേയ് പംഗല്സിന് പരാതിയില്ലെന്ന് ഖാന് അവകാശപ്പെടുന്നു. 'സാധാരണയായി എല്ലായിടത്തും ന്യൂനപക്ഷ സമുദായത്തിന് അരക്ഷിതാവസ്ഥ അനുഭവപ്പെടുന്നു, അപ്പോഴാണ് നല്ല നേതൃത്വത്തിന്റെ പങ്ക് കണക്കാക്കുന്നത്,' 'ന്യൂനപക്ഷ സമുദായത്തിന് പ്രാതിനിധ്യം ഇല്ലെങ്കിലും മുഖ്യമന്ത്രി എന് ബിരേന് സിംഗ് മെയ്തി പാംഗലുമായി ചേര്ന്ന് പ്രവര്ത്തിക്കുന്നുവെന്നും അദ്ദേഹം പറഞ്ഞു. 2020 ലെ ഉപതെരഞ്ഞെടുപ്പില് സ്വതന്ത്ര സ്ഥാനാര്ത്ഥിയായി വിജയിച്ച ലിലോംഗില് നിന്നുള്ള സിറ്റിംഗ് എം എല് എയാണ് അന്താസ് ഖാന്. കഴിഞ്ഞ വര്ഷമാണ് അദ്ദേഹം ബി ജെ പിയില് ചേര്ന്നത്.
അദ്ദേഹത്തിന്റെ പിതാവ് പരേതനായ എം ഡി അലാവുദ്ദീന് ഖാന് ഇബോബി സിങ്ങിന്റെ നേതൃത്വത്തിലുള്ള മുന് കോണ്ഗ്രസ് സര്ക്കാരില് മന്ത്രിയായിരുന്നു. എന്നാല് മണിപ്പൂരില് അധികാരത്തിലിരിക്കുന്ന ബി ജെ പി സര്ക്കാര് ഉള്പ്പെടെയുള്ള മാറി മാറി വരുന്ന സര്ക്കാരുകള് മെയ്തേയ് പംഗലുകളെ അവഗണിച്ചു എന്നാണ് നാഷണല് പീപ്പിള്സ് പാര്ട്ടിയുടെ (എന് പി പി) സ്ഥാനാര്ത്ഥി ഷെയ്ഖ് നൂറുല് ഹസന് പറയുന്നത്. മണിപ്പൂരിലെ ആകെയുള്ള 60 അസംബ്ലി സീറ്റുകളില് മെയ്തി പംഗല് വോട്ടര്മാര്ക്ക് സ്വാധീനമുള്ള 18 ഓളം അസംബ്ലി സീറ്റുകളുണ്ടെന്ന് ഹസന് പറയുന്നു.
എന്നാല് ബി ജെ പി ഒരു സിറ്റിംഗ് മുസ്ലീം എം എല് എയെ മാത്രമാണ് തങ്ങളുടെ ഏക സ്ഥാനാര്ത്ഥിയായി നിര്ത്തിയതെന്നും അദ്ദേഹം പറഞ്ഞു. തന്റെ ക്ഷേത്രഗാവോ സീറ്റിലെ 37 ശതമാനം വോട്ടര്മാരും മുസ്ലീങ്ങളാണെന്നും അദ്ദേഹം കൂട്ടിച്ചേര്ത്തു. വരാനിരിക്കുന്ന തെരഞ്ഞെടുപ്പില് മണിപ്പൂരില് ആകെയുള്ള 16 മുസ്ലീം സ്ഥാനാര്ത്ഥികളില്, കോണ്ഗ്രസ് 4, എന് പി പി, ജനതാദള് (യുണൈറ്റഡ്) 3 വീതം പേരെയാണ് മത്സരിപ്പിക്കുന്നത്. നാല് മുസ്ലീം സ്ഥാനാര്ത്ഥികള് സ്വതന്ത്രരായി മത്സരിക്കുന്നു. വിവിധ മേഖലകളിലെ അവരുടെ പ്രാതിനിധ്യത്തിന്റെ അഭാവമാണ് എല്ലാ വികസന അളവുകോലുകളിലും മെയ്തേയ് മുസ്ലീങ്ങള് പിന്നാക്കം പോകുന്നതിന്റെ കാരണമെന്ന് ഓള് മണിപ്പൂര് മുസ്ലീം യുണൈറ്റഡ് കോര്ഡിനേഷന് കമ്മിറ്റി (എ എം എം യു സി സി) പ്രസിഡന്റ് എസ് എം ജലാല് പറയുന്നു.
പതിനേഴാം നൂറ്റാണ്ടിന്റെ തുടക്കത്തിലാണ് മുസ്ലീങ്ങള് മണിപ്പൂരില് സ്ഥിര താമസമാക്കിയത്. 2011 ലെ സെന്സസ് പ്രകാരം മണിപ്പൂരിലെ 28 ലക്ഷത്തിലധികം ജനസംഖ്യയില് 2.40 ലക്ഷം മുസ്ലീങ്ങളാണ്. 1972-ല് മണിപ്പൂരിന് സംസ്ഥാന പദവി ലഭിച്ചതിന് ശേഷം മണിപ്പൂര് പീപ്പിള്സ് പാര്ട്ടിയുടെ എം ഡി അലിമുദ്ദീന് അതിന്റെ ആദ്യ മുഖ്യമന്ത്രിയായി. ഫെബ്രുവരി 28 നും മാര്ച്ച് 5 നും രണ്ട് ഘട്ടങ്ങളിലായാണ് മണിപ്പൂരില് തെരഞ്ഞെടുപ്പ് നടക്കുന്നത്. അറുപതംഗ നിയമസഭയിലേയ്ക്കുള്ള തെരഞ്ഞെടുപ്പിന്റെ ഫലം മാര്ച്ച് 10 ന് ഫലം പ്രഖ്യാപിക്കും.
Click it and Unblock the Notifications
Sign in with Google