മോദിയുടെ സന്ദര്ശത്തിന് പിന്നാലെ മണിപ്പൂരില് വീണ്ടും സംഘര്ഷം, പൊലീസ് സ്റ്റേഷന് നേരെ ആക്രമണം
ഇംഫാല്: പ്രധാനമന്ത്രി നരേന്ദ്ര മോദിയുടെ സന്ദര്ശനത്തിന് പിന്നാലെ മണിപ്പൂരില് വീണ്ടും സംഘര്ഷം. മണിപ്പൂരിലെ ചുരാചന്ദ്പൂര് ജില്ലയില് ആണ് സംഘര്ഷം പൊട്ടിപ്പുറപ്പെട്ടത്. സോമി ഗോത്രത്തില് നിന്നുള്ള യുവാക്കളും സുരക്ഷാ സേനയും തമ്മില് ഏറ്റുമുട്ടല് ഉണ്ടായി എന്നാണ് വിവരം. മോദിയുടെ പരിപാടിക്ക് മുന്നോടിയായി ക്രമീകരിച്ച അലങ്കാരങ്ങള് നശിപ്പിച്ചുവെന്നാരോപിച്ച് അറസ്റ്റിലായവരെ വിട്ടയക്കണമെന്ന് ആവശ്യപ്പെട്ട് ഒരു സംഘം യുവാക്കള് ചുരാചന്ദ്പൂര് പോലീസ് സ്റ്റേഷന് വളഞ്ഞിരുന്നു.
മോദിയുടെ സന്ദര്ശനത്തിന് മുന്നോടിയായി സ്വത്തുക്കള്ക്ക് നാശനഷ്ടം വരുത്തിയ സംഭവങ്ങളുമായി അറസ്റ്റുകള്ക്ക് ബന്ധമുണ്ടെന്ന് പോലീസ് പറഞ്ഞു. സമാധാനപരമായി ആരംഭിച്ച പ്രതിഷേധം പെട്ടെന്ന് അക്രമത്തിലേക്ക് നീങ്ങി. കല്ലുകളും വടികളുമായി ആയുധധാരികളായ യുവാക്കള് സുരക്ഷാ ഉദ്യോഗസ്ഥരെ നേരിട്ടതായി ദൃക്സാക്ഷികള് പറഞ്ഞതായി ദി അസം ട്രിബ്യൂണ് റിപ്പോര്ട്ട് ചെയ്യുന്നു.
ഒരു പ്രകടനം പൂര്ണ്ണമായ ഏറ്റുമുട്ടലായി മാറിയതില് പ്രദേശവാസികളും ആശങ്ക പ്രകടിപ്പിച്ചു. മൂന്ന് ദിവസത്തിനുള്ളില് ചുരാചന്ദ്പൂരില് നടക്കുന്ന രണ്ടാമത്തെ അക്രമമാണിത്. വ്യാഴാഴ്ച പൊലീസ് സ്റ്റേഷനില് നിന്ന് ഏകദേശം 5 കിലോമീറ്റര് അകലെയുള്ള പീസണ്മുന് ഗ്രാമത്തില് അക്രമികള് അലങ്കാരങ്ങള് നീക്കം ചെയ്യാന് ശ്രമിച്ചിരുന്നു. ഇത് പൊലീസുമായി ഏറ്റുമുട്ടലിന് കാരണമായി.
രണ്ട് വര്ഷത്തിലേറെയായി കലാപമുഖരിതമായ മണിപ്പൂരിലേക്ക് ഇതാദ്യമായി മോദി എത്തിയത് ഇന്നലെയായിരുന്നു. വെള്ളിയാഴ്ച മോദി ചുരാചന്ദ്പൂരില് 7,300 കോടിയിലധികം രൂപയുടെ വികസന പദ്ധതികള്ക്ക് തറക്കല്ലിട്ടിരുന്നു. ഇതിന്റെ തൊട്ടുപിന്നാലെയാണ് ഏറ്റവും പുതിയ സംഘര്ഷം ഉണ്ടായത്. 3,647 കോടി രൂപയുടെ മണിപ്പൂര് അര്ബന് റോഡുകള്, ഡ്രെയിനേജ്, അസറ്റ് മാനേജ്മെന്റ് ഇംപ്രൂവ്മെന്റ് പ്രോജക്റ്റ്, 550 കോടി രൂപയുടെ മണിപ്പൂര് ഇന്ഫോടെക് ഡെവലപ്മെന്റ് (ങകചഉ) പ്രോജക്റ്റ് എന്നിവയാണ് പ്രധാന സംരംഭങ്ങള്.
142 കോടി രൂപ ചെലവില് നിര്മ്മിക്കുന്ന ഒമ്പത് വര്ക്കിംഗ് വിമന്സ് ഹോസ്റ്റലുകളും 105 കോടി രൂപയുടെ സൂപ്പര് - സ്പെഷ്യാലിറ്റി ഹെല്ത്ത്കെയര് സൗകര്യങ്ങളും പ്രധാനമന്ത്രി സംസ്ഥാനത്തിനായി പ്രഖ്യാപിച്ചിട്ടുണ്ട്. ഇന്നലെ രാവിലെ മോദി ചുരാചന്ദ്പൂരിലെ പീസ് ഗ്രൗണ്ട് സന്ദര്ശിച്ചിരുന്നു.
അവിടെ വംശീയ അക്രമത്തില് നിന്ന് കുടിയിറക്കപ്പെട്ട കുടുംബങ്ങളുമായി സംവദിക്കുകയും സംസ്ഥാനത്ത് സമാധാനവും സാധാരണ നിലയും പുനഃസ്ഥാപിക്കുന്നതിനുള്ള കേന്ദ്രത്തിന്റെ പ്രതിബദ്ധത അവര്ക്ക് ഉറപ്പ് നല്കുകയും ചെയ്തു. ഞായറാഴ്ച വൈകുന്നേരം വരെ പൊലീസ് സ്റ്റേഷന് ചുറ്റും സുരക്ഷാ സേനയെ വിന്യസിച്ചിരുന്നു.
-
ഖത്തര് പറഞ്ഞത് സംഭവിച്ചാല് ഇന്ത്യ വെട്ടിലാകും; പെട്രോളിന് 200 രൂപ, കുവൈത്ത് എണ്ണ ഉല്പ്പാദനം നിര്ത്തി -
പുതിയ ജോലി കിട്ടും, നല്ല വിവാഹാലോചനകൾ വരും, സാമ്പത്തിക പ്രയാസങ്ങള് തീരും, നാൾഫലം -
സ്വർണം പണിക്കൂലി ഇല്ലാതെ വാങ്ങാം; ഇങ്ങനെ ബുക്ക് ചെയ്യൂ; പുതിയ സ്കീമുമായി ജ്വല്ലറികൾ -
ദിലീപ് വേണമെന്ന് ലാലിൻ്റെ ഡിമാൻ്റ്..പൊയ്മുഖങ്ങളെ തിരിച്ചറിയാൻ സിദ്ധിഖിന് ആയില്ല';ആലപ്പി അഷ്റഫ് -
സ്വര്ണം, സില്ക്ക് സാരി, 2500 രൂപ സഹായം; വമ്പന് പ്രഖ്യാപനവുമായി വിജയ്, വാഗ്ദാനപ്പെരുമഴ -
ബെംഗളൂരുവില് എയര്ബസിന്റെ വമ്പന് ടെക്നോളജി സെന്റര്; 5,000 ജീവനക്കാരെ ഉള്ക്കൊള്ളുന്ന ക്യാമ്പസ് -
ഗള്ഫില് സന്തോഷം; ഇറാന് ആക്രമണം നിര്ത്തി, ഒരു നിബന്ധന, മുന് സംഭവങ്ങളില് മാപ്പ് പറഞ്ഞ് പ്രസിഡന്റ് -
വിദേശയാത്രയും തൊഴിലും ആഗ്രഹിച്ചിരിക്കുന്നവര്ക്ക് സാധിക്കും, അപ്രതീക്ഷിതമായി വലിയ സൗഭാഗ്യം, വാരഫലം -
ചെന്നൈയെ ഞെട്ടിക്കാൻ ലുലു; മെട്രോ സ്റ്റേഷനുകളിലെ ഹൈപ്പർമാർക്കറ്റും ഡെയ്ലിയും അടുത്ത മാസം തുറക്കും -
സ്വർണം തിങ്കളാഴ്ച വാങ്ങുന്നുണ്ടോ? വില 1.20 ലക്ഷത്തിന് മുകളിലേക്കോ അതോ താഴേക്കോ? വിദഗ്ധർ പറയുന്നത് ഇതാണ് -
Women's Day Malayalam Wishes: വീണ്ടുമൊരു വനിതാദിനം കൂടി, ആശംസകള് അറിയിക്കാം -
ബെംഗളൂരു യെമലൂർ-ഔട്ടർ റിംഗ് റോഡ്; വടിയെടുത്ത് ഈസ്റ്റ് സിറ്റി കോർപറേഷൻ,മാർച്ച് 15 നകം പൂർത്തിയാക്കണം
Click it and Unblock the Notifications
Sign in with Google