കൃഷ്ണ ജന്മഭൂമി; ഈദ്ഗാഹ് പള്ളി പൊളിക്കണം, ഹര്ജി 30ന് പരിഗണിക്കും, ഹര്ജിക്കെതിരെ സന്യാസിമാര്
ലഖ്നൗ: മഥുരയിലെ ഈദ്ഗാഹ് പള്ളി സ്ഥിതി ചെയ്യുന്നിടത്താണ് കൃഷ്ണന് ജനിച്ചതെന്നും പള്ളി പൊളിച്ചുനീക്കണമെന്നും ആവശ്യപ്പെട്ടുള്ള ഹര്ജി കോടതി ബുധാനാഴ്ച പരിഗണിക്കും. അഡീഷണല് ജില്ലാ ജഡ്ജ് ഛയ്യ ശര്മ ഇന്ന് ഹര്ജി പരിഗണിച്ചു. വാദം കേള്ക്കല് 30ന് ആരംഭിക്കുമെന്നും അറിയിച്ചു. മഥുരയിലെ കത്ര കേശവ് ദേവ് ക്ഷേത്രവും ഈദ്ഗാഹ് പള്ളിയും തൊട്ടടുത്താണ് സ്ഥിതി ചെയ്യുന്നത്. പള്ളി നീക്കി ഈ സ്ഥലം പൂര്ണമായും അമ്പലത്തിന് കൈമാറണമെന്നാവശ്യപ്പെട്ട് 1960കളില് ചില വാദങ്ങള് ഉയര്ന്നിരുന്നു. എന്നാല് പള്ളി-ക്ഷേത്ര ഭാരവാഹികള് നിലവിലുള്ള സ്ഥിതി തുടരാമെന്ന് ചര്ച്ച ചെയ്ത് കരാറിലെത്തി. ഈ കരാറിന് മഥുര കോടതി 1968ല് അംഗീകാരം നല്കുകയും ചെയ്തു.
1968ലെ വിധി റദ്ദാക്കണമെന്നും ക്ഷേത്രം നില്ക്കുന്നതിനോട് ചേര്ന്ന പള്ളി പൊളിച്ചുനീക്കി 13.37 ഏക്കര് സ്ഥലം ക്ഷേത്രത്തിന് വിട്ടുകൊടുക്കണമെന്നുമാണ് പുതിയ ഹര്ജി. കൃഷ്ണന് ജനിച്ച സ്ഥലമാണിതെന്നും ഇവിടെയുണ്ടായിരുന്ന ക്ഷേത്രം മുഗള് ഭരണാധികാരി ഔറംഗസേബ് ഭാഗികമായി പൊളിക്കുകയായിരുന്നുവെന്നും ഹര്ജിയില് വാദിക്കുന്നു. ക്ഷേത്ര പ്രതിഷ്ഠയുടെ സുഹൃത്തുക്കള് എന്ന പേരില് രഞ്ജന അഗ്നിഹോത്രിയും മറ്റു അഞ്ചുപേരുമാണ് കോടതിയെ സമീപിച്ചിരിക്കുന്നത്. എന്നാല് ഇതിനെതിരെ മഥുരയിലെ സന്യാസി സമൂഹം രംഗത്തുവന്നു.
സമാധാനം നിലനില്ക്കുന്ന മഥുരയില് പുറത്തുനിന്ന് വന്നവര് പ്രശ്നമുണ്ടാക്കാന് നീക്കം നടത്തുകയാണെന്ന് അഖില ഭാരതീയ തീര്ഥ പുരോഹിത് മഹാസഭ അധ്യക്ഷന് മഹേഷ് പഥക് ആരോപിച്ചു. ഹര്ജി നല്കിയവര് ദില്ലിയിലും ലഖ്നൗവിലുമുള്ളവരാണ്. ഇക്കാര്യമാണ് സ്വാമി സൂചിപ്പിച്ചത്. കൃഷ്ണ ജന്മഭൂമിയുമായി ബന്ധപ്പെട്ട എല്ലാ തര്ക്കങ്ങളും നേരത്തെ പരിഹരിച്ചതാണ്. നല്ല സൗഹാര്ദത്തിലാണ് ഇപ്പോള് മഥരയിലെ ഹിന്ദുക്കളും മുസ്ലിങ്ങളും കഴിയുന്നതെന്നും മഹേഷ് പഥക് പറഞ്ഞു.
കഴിഞ്ഞ ദിവസം മഥുരയിലെത്തിയ യുപി ഊര്ജ മന്ത്രി ശ്രീകാന്ത് ശര്മ, കോടതിയില് നല്കിയ ഹര്ജിയെ പിന്തുണച്ചു. ഇത് ജനാധിപത്യ രാജ്യമാണ്. ഇവിടെ കോടതിയാണ് വലുത്. വിശ്വാസം സംരക്ഷണത്തിന് അവകാശമുണ്ടെന്നും അദ്ദേഹം പറഞ്ഞു. അയോധ്യയില് രാമജന്മ ഭൂമി വിവാദമുണ്ടായതിന് സമാനമായ തുടക്കമാണ് ്മഥുരയിലും നടക്കുന്നത്. സ്വാതന്ത്ര്യം കിട്ടിയ വേളയില് ഉള്ളതു പോലെ ആരാധനാലയങ്ങള് സംരക്ഷിക്കപ്പെടണം എന്ന് വ്യക്തമാക്കി 1991ല് കേന്ദ്രസര്ക്കാര് നിയമം കൊണ്ടുവന്നിരുന്നു. ഈ നിയമം റദ്ദാക്കണമെന്ന് ആവശ്യപ്പെട്ട് ചില ഹിന്ദുത്വ സംഘടനാ പ്രവര്ത്തകര് കോടതിയെ സമീപിച്ചിട്ടുണ്ട്.
-
ബാങ്കിൽ പോകാൻ ഇരിക്കുന്നവർ ശ്രദ്ധിക്കുക; ഏപ്രിലിൽ പകുതിയോളം ദിവസം ബാങ്ക് അവധി; ലിസ്റ്റ് ഇതാ! -
കൊച്ചിക്കാർക്ക് ഇനി അൽപ്പം ആശ്വസിക്കാം; വൈറ്റില ജംഗ്ഷനിലെ ഗതാഗത കുരുക്ക് പരിഹരിക്കാൻ ഇടപെടൽ -
'പാലക്കാട്ടെ ജനങ്ങൾ രാഷ്ട്രീയഭേദമന്യേ രാഹുൽ മാങ്കൂട്ടത്തിലിന് ഒപ്പം'; മോദിയെ വിമർശിച്ച് രാഹുൽ ഈശ്വർ -
സ്വര്ണം ഇങ്ങനെ വില കുറയുമെന്ന് ആരും കരുതിയില്ല.. യഥാര്ത്ഥത്തില് സംഭവിച്ചത് ഇത് -
ലുലു ഗ്രൂപ്പിന്റെ അനുബന്ധ സ്ഥാപനം ഡല്ഹിയില് ബംഗ്ലാവ് സ്വന്തമാക്കി; സ്റ്റാമ്പ് ഡ്യൂട്ടി മാത്രം 6.26 കോടി -
മോഹൻലാൽ ബുദ്ധിമാനായതിനാലാണ് ചെയ്തത്, എത്രകാലമായി മലയാളികളെ പറ്റിക്കുന്നു';ശാന്തിവിള ദിനേശ് -
സ്വർണം വിറ്റ് തുർക്കി; രണ്ടാഴ്ചക്കിടെ വിറ്റത് 58 ടണ്, റഷ്യയും വിറ്റു 15 ടണ്..ഇനി സ്വർണ വില കുത്തനെ താഴേക്കോ? -
ഇറാന്റെ നട്ടെല്ല് തകർക്കാൻ അമേരിക്കയുടെ വൻ നീക്കം; ഏപ്രിൽ 6 ഡെഡ്ലൈൻ! -
ഈ രാശിക്കാരാണോ? ഏപ്രില് 11 മുതല് രാജയോഗം... പുത്തന്വീടും കാറും കൈയിലേക്ക്..!! -
ഇറാനിലെ എണ്ണ ശേഖരത്തിൽ കണ്ണുവച്ച് ഡൊണാൾഡ് ട്രംപ്; 'വേണമെങ്കിൽ ഖാർഗ് ദ്വീപ് യുഎസ് പിടിച്ചെടുക്കും' -
കിച്ചുവിനെ നോക്കേണ്ട ബാധ്യത രേണുവിനില്ല, അവൾക്കും ഒരുപാട് പറയാനുണ്ട്, ഇപ്പോൾ സംഭവിച്ചത് എന്ത്?';ദിയ സന -
'രേണുവിന്റെ കരച്ചില് നാടകം; കിച്ചുവിന് ഇനിയും പറയാനുണ്ട്..'; വീട് കൊടുക്കേണ്ടായിരുന്നെന്ന് ഫിറോസ്
Click it and Unblock the Notifications
Sign in with Google