ഭരണം പിടിക്കണം!! പുതിയ മുദ്രാവാക്യവുമായി മായാവതി, അവകാശ പോരാട്ടത്തില് ക്ഷീണിച്ചു
ലഖ്നൗ: ബഹുജന് സമാജ് പാര്ട്ടി (ബിഎസ്പി) പ്രവര്ത്തകര്ക്ക് പുതിയ മുദ്രാവാക്യം നല്കി പാര്ട്ടി അധ്യക്ഷ മായാവതി. ഭരണഘടനാപരമായ അവകാശങ്ങള്ക്ക് വേണ്ടിയുള്ള പോരാട്ടത്തില് സമൂഹം ക്ഷീണിച്ചുവെന്നും അവര് അഭിപ്രായപ്പെട്ടു. ഇനി ഭരിക്കുന്ന സമൂഹമായി മാറണം എന്നതാണ് മുദ്രാവാക്യമെന്നും മായാവതി പറഞ്ഞു. ബിഎസ്പി സ്ഥാപകന് കാന്ഷിറാമിന്റെ ചരമവാര്ഷിക ദിനത്തില് ട്വിറ്ററിലാണ് മായാവതി ഇക്കാര്യം പഞ്ഞത്. പ്രവര്ത്തകര് അധികാരം പിടിക്കുന്നതില് ശ്രദ്ധ കേന്ദ്രീകരിക്കണമെന്നും അവര് ആവശ്യപ്പെട്ടു.
സ്വാതന്ത്ര്യം കിട്ടി കഴിഞ്ഞ 75 വര്ഷമായി ഭരണഘടനാ അവകാശങ്ങള്ക്ക് വേണ്ടിയുള്ള പോരാട്ടമായിരുന്നു. ഇനി അധികാരം പിടിക്കുക എന്ന മുദ്രാവാക്യത്തിലേക്ക് മാറണം. ഇതിന് വേണ്ടി എല്ലാ ശക്തിയുമെടുത്ത് പ്രചാരണം നടത്തണമെന്നും മയാവതി പ്രവര്ത്തകരെ ഉണര്ത്തി. ഉത്തര് പ്രദേശില് അടുത്ത തിരഞ്ഞെടുപ്പ് നിങ്ങള്ക്ക് മുമ്പിലുള്ള ആദ്യ പരീക്ഷണമായിരിക്കും. അതില് വിജയിച്ചാല് പുതിയ പ്രതീക്ഷയ്ക്ക് വഴിയൊരുങ്ങും. അധികാരമാണ് പ്രധാനം. പുരോഗതിയുടെ എല്ലാ വാതിലും നിങ്ങള്ക്ക് മുമ്പില് തുറക്കണമെങ്കില് അധികാരം വേണം. അതുകൊണ്ടുതന്നെ ഈ പ്രചാരണം എന്തുവില കൊടുത്തും മുന്നോട്ട് കൊണ്ടുപോകണം. ഇതാണ് കാന്ഷിറാമിന്റെ ചരമദിന സന്ദേശമെന്നും മായാവതി പറഞ്ഞു.
ഒരു വേള 200ലധികം സീറ്റ് നേടി യുപിയില് ഭരണം നടത്തിയ പാര്ട്ടിയാണ് ബിഎസ്പി. ദളിതരുടെ മുന്നേറ്റം ലക്ഷ്യമിട്ട് രൂപീകരിച്ച പാര്ട്ടി ഉന്നത ജാതിക്കാരുടെ പിന്തുണയും നേടിയിരുന്നു. മായാവതി മുഖ്യമന്ത്രിയുമായി. എന്നാല് ഒരുപിടി അഴിമതി ആരോപണങ്ങളാണ് പിന്നീട് ഉയര്ന്നത്. പാര്ട്ടി ചിഹ്നമായ ആനയുടെ പ്രതിമ യുപിയില് പല നഗരങ്ങളിലും സ്ഥാപിച്ചതും വിവാദമായിരുന്നു. ശേഷം നടന്ന തിരഞ്ഞെടുപ്പില് ബിഎസ്പി പരാജയപ്പെട്ടു. അഖിലേഷ് യാദവിന്റെ നേതൃത്വത്തില് എസ്പി അധികാരത്തിലെത്തി.
അഖിലേഷിന് തുടര് ഭരണം കിട്ടിയില്ല. മോദി തരംഗത്തില് ബിജെപി കുതിച്ചുകയറി. വന് ഭൂരിപക്ഷത്തില് അധികാരത്തിലെത്തിയ ബിജെപി മുഖ്യമന്ത്രിയായി യോഗി ആദിത്യനാഥിനെ നിയോഗിച്ചു. അഞ്ച് വര്ഷം പൂര്ത്തിയാക്കി വീണ്ടും തിരഞ്ഞെടുപ്പ് നേരിട്ട ബിജെപി സീറ്റ് അല്പ്പം നഷ്ടമായെങ്കിലും അധികാരം നിലനിര്ത്തി. വീണ്ടും യോഗി മുഖ്യമന്ത്രിയായി. കഴിഞ്ഞ നിയമസഭാ തിരഞ്ഞെടുപ്പ് വേളയില് ബിഎസ്പി ബിജെപിയെ സഹായിക്കുന്നു എന്ന ആരോപണം ഉയര്ന്നിരുന്നു. ഒറ്റയ്ക്ക് മല്സരിച്ച പാര്ട്ടിക്ക് കാര്യമായ നേട്ടമുണ്ടാക്കാന് സാധിച്ചില്ല. ഈ വേളയിലാണ് ബിഎസ്പി അധികാരം പിടിക്കുക എന്ന മുദ്രാവാക്യവുമായി ഇനി പുതിയ യാത്ര ആരംഭിക്കുന്നത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google