മുംബൈയില് ബഹുനില കെട്ടിടത്തില് വന് തീപിടുത്തം; ഏഴ് പേര് മരിച്ചു
മുംബൈ: മുംബൈയില് ബഹുനില കെട്ടിടത്തില് വന് തീപിടുത്തം. ഗോരേഗാവിലെ ഏഴ് നില കെട്ടിടത്തിലുണ്ടായ തീപിടിത്തത്തില് ഏഴ് പേര് മരിക്കുകയും 40 ലേറെ പേര്ക്ക് പരിക്കേല്ക്കുകയും ചെയ്തു. ഇന്ന് പുലര്ച്ചെ ഏകദേശം 3 മണിയോടെയാണ് സംഭവം. നിരവധി ഇരുചക്ര വാഹനങ്ങളും കാറുകളും അഗ്നിക്കിരയായി. അഗ്നിശമന സേനാംഗങ്ങള് തീ അണയ്ക്കാനുള്ള ശ്രമത്തിലാണ്.
കെട്ടിടത്തിന്റെ പാര്ക്കിംഗ് ഏരിയയിലാണ് തീപിടിത്തമുണ്ടായതെന്നാണ് റിപ്പോര്ട്ടുകള്. പാര്ക്കിംഗ് ഏരിയയില് കിടന്നിരുന്ന തുണിക്ക് തീപിടിച്ചതിനെ തുടര്ന്ന് തീ ആളിപ്പടരുകയായിരുന്നുവെന്നാണ് നാട്ടുകാര് പറയുന്നത്. തീപിടുത്തത്തിന്റെ യഥാര്ത്ഥ കാരണം കണ്ടെത്താനുള്ള അന്വേഷണം നടന്നുവരികയാണ്. പരിക്കേറ്റവരില് രണ്ട് പേരുടെ നില ഗുരുതരമാണ് എന്നാണ് റിപ്പോര്ട്ട്.
മരിച്ചവരില് രണ്ട് പേര് പ്രായപൂര്ത്തിയാകാത്തവരാണ്. അഞ്ച് സ്ത്രീകളും മരിച്ചവരില് ഉള്പ്പെടുന്നു. പരിക്കേറ്റ 40 പേരില് 25 പേര് എച്ച് ബി ടി ട്രോമ കെയര് ആശുപത്രിയിലും 15 പേര് കൂപ്പര് ആശുപത്രിയിലും ചികിത്സയിലാണ്. പരിക്കേറ്റ 40 പേരില് 12 പുരുഷന്മാരും പ്രായപൂര്ത്തിയാകാത്ത ഒരാള് ഉള്പ്പെടെ 28 പേര് സ്ത്രീകളുമാണ്. ചേരി പുനരധിവാസ പദ്ധതി പ്രകാരം 2006 ല് നിര്മിച്ചതാണ് ഈ കെട്ടിടം.
കെട്ടിടത്തില് അഗ്നിശമന സംവിധാനങ്ങളൊന്നും ഉണ്ടായിരുന്നില്ലെന്ന് ചീഫ് ഫയര് ഓഫീസര് രവീന്ദ്ര അംബുള്ഗേക്കര് പറഞ്ഞു. ലിഫ്റ്റ് പഴയതായിരുന്നു എന്നും ലിഫ്റ്റ് ഡക്ടിലൂടെ വലിയ തോതില് പുക പടര്ന്നതായും അദ്ദേഹം പറഞ്ഞു. ഗോരേഗാവിലെ എംജി റോഡില് സ്ഥിതി ചെയ്യുന്ന ജയ് ഭവാനി ബില്ഡിംഗിലാണ് തീപിടിത്തമുണ്ടായത്. രാവിലെ ആറ് മണിയോടെയാണ് തീ നിയന്ത്രണവിധേയമാക്കിയത്.
എട്ട് ഫയര് എഞ്ചിനുകള്, അഞ്ച് ജംബോ വാട്ടര് ടാങ്കറുകള്, മൂന്ന് ഓട്ടോമാറ്റിക് ടേബിളുകള്, ക്വിക്ക് റെസ്പോണ്സ് വെഹിക്കിള്, ആംബുലന്സ് എന്നിവ സ്ഥലത്തെത്തി. ഡെപ്യൂട്ടി ചീഫ് ഫയര് ഓഫീസര്, ജില്ലാ ഫയര് ഓഫീസര്, അസിസ്റ്റന്റ് ഡിവിഷണല് ഫയര് ഓഫീസര്, മൂന്ന് സീനിയര് സ്റ്റേഷന് ഓഫീസര്മാര്, മൂന്ന് സ്റ്റേഷന് ഓഫീസര്മാര് എന്നിവര് സംഭവസ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കി.
-
ബഹ്റൈന്, ഖത്തര് പ്രവാസികള്ക്ക് പ്ലാന് ബി; തിരിച്ചെത്തിയത് 52360 പേര്, അനാവശ്യ ധൃതി വേണ്ട -
ജോബി ജോര്ജ് ജയിലിലേക്ക്; സിനിമാ നിര്മാതാവിന് 4 വര്ഷം തടവ് വിധിച്ച് കോടതി, ഇതാണ് കേസ് -
'മമ്മൂട്ടി ഒരു അൽപനാണ്..വയനാട് ദുരന്തം നടക്കുമ്പോൾ നിങ്ങൾ എവിടെ ആയിരുന്നു';രൂക്ഷവിമർശനം -
റഫീഖിനെ ഫോണില് വിളിച്ച് സംസാരിച്ച് മമ്മൂട്ടി, 'മനപൂര്വ്വം അപമാനിക്കാന് ശ്രമിച്ചതല്ല' -
സുനില് കുമാറിന് പകരം ജയരാജ് വാര്യര്? പത്മജ വേണുഗോപാലിനെതിരെ ഇറങ്ങിയേക്കും, കോണ്ഗ്രസിനാര് -
ഡോളറിന് അടിതെറ്റുന്നു.. പൊന്ന് കയറി; സര്വകാല റെക്കോഡിലേക്ക് 19000 രൂപ മാത്രം പിന്നില് സ്വര്ണം -
പാലക്കാട് ബിജെപിയിൽ 'കല്ലുകടി'; ശോഭ സുരേന്ദ്രന്റെ വരവിൽ അതൃപ്തിയുമായി ജില്ലാ അധ്യക്ഷൻ, -
മമ്മൂട്ടിയെ തെറി വിളിക്കുന്നവർ അറിയൻ; കട്ട് മുടിച്ചിട്ടാണ് ഔദാര്യമെന്ന പ്രചാരണം; അഖിൽ മാരാർ -
മമ്മൂക്കയുടെ ഉള്ളിൽ മൈക്കിളപ്പനോ സേതുരാമയ്യറോയെന്ന് ആർക്കറിയാം';നടി സരിത -
സ്വര്ണം വാങ്ങിയവര്ക്ക് പേടി വേണ്ട... ഇറാന്-യുഎസ് യുദ്ധം അവസാനിച്ചാലും വില കൂടും! കാരണമിത് -
രാഷ്ട്രപതിയുടെ വേദിമാറ്റം; വിവാദം മുറുകുന്നു..സർക്കാരിനോട് റിപ്പോർട്ട് തേടി കേന്ദ്രം -
യുഎസ് സൈനികരെ പിടികൂടി എന്ന് ഇറാന്; നിഷേധിച്ച് അമേരിക്ക, യുദ്ധം പുതിയ തലത്തിലേക്ക്
Click it and Unblock the Notifications
Sign in with Google